2 Ebyomubyanda 23:7 - Baibuli Ekibono kya Katonda 2014

⁷ Abalevi baidha kukuuma kyabazinga Yoashi nga bamwezungulwire era nga buli muntu agemye eby'okulwanisa bye. Omuntu yeenayeena anaingira mu isinzizo wa kwitibwa. Baidha kuba ghalala ni kyabazinga buli gh'anaajanga.”

2 Ebyomubyanda 23:7 Iomraidhean Croise

2 Ebyomubyanda 23:6

Ghatabaagho muntu yeenayeena aingira mu isinzizo, okutoolaku bakabona n'Abalevi abali mu lugobo olw'okugheereza. Abo ba idembe okwingira, kuba baatukuzibwa. Aye abantu abandi boonaboona baidha kujiira ku kiragiro kya Musengwa Katonda, basigale kuliya.

2 Ebyomubyanda 23:8

Abalevi n'abantu ab'omu Buyudaaya boonaboona, baakola byonabyona Yehoiada kabona bye yalagira. Buli muduumizi yaaleeta abasaadha be abaali baja okukuuma ku Sabbato, ghalala n'abo abaali bamaze okukuuma kuba Yehoiada oyo kabona tiyaleka bikunsu kuja eby'abo abamaze engobo dhaibwe ku Sabbato.

Okuvaayo 21:14

Aye omuntu anaalumbanga mwine mu bugenderevu, n'asala amagezi n'amwita, oyo ni bw'anaabanga ng'alumukiire ku alutaari yange okwewonia, anaatoolebwangayo yaitibwa.

Okubala 3:10

Era oidha kutaagho Aaroni ni batabane be abo, bakole obwakabona; aye omuntu owundi yeenayeena agezaaku okukola obwakabona aidha kwitibwanga.”

Okubala 3:38

Musa, Aaroni, ni batabane b'Aaroni n'abaali ab'okusimba weema dhaibwe emberi ow'Eweema ey'Okwagaananirangamu ni Musengwa Katonda, ku luuyi lwayo olw'e buvandhuba. Omulimo gwaibwe gwali gwa kulabiriranga emikolo egikolebwa mu Kifo Ekitukuvu olw'Abaisiraeli. Era ng'omuntu owundi yeenayeena agezaaku okukola omulimo ogwo ali n'okwitibwa.