2 Ebyomubyanda 23:3 - Baibuli Ekibono kya Katonda 2014

³ Boonaboona beesolokeza mu isinzizo, baakola endagaano ni Yoashi, mutabane wa kyabazinga. Yehoiada yaabakoba ati: “Bona eno, mutabane wa kyabazinga wuuno. Oyo n'abe afuuke kyabazinga, nga Musengwa Katonda bweyasuubiza baidhukulu ba Daudi.”

2 Ebyomubyanda 23:3 Iomraidhean Croise

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

2 Samueli 7:12

Enaku dho bwe dhiriwaaku n'ofa, n'oja okweyimba ku badhaadha bo abaafa, ndikusikiza omulala ku baana bo beene be weezaalira, naamutaagho okuba kyabazinga era naaleetera obwakyabazinga bwe okukakata.

2 Samueli 7:16

Ndidha kuleeteranga eizaire lyo okwala, ndeeterenga n'obwakyabazinga bwo okukakata mu maiso gange ebyanda n'ebyanda. Ekityamo kyo eky'obwakyabazinga kiidha kubanga kya maani ebyanda n'ebyanda.’ ”

1 Bakyabazinga 2:4

Era olwo Musengwa Katonda atuukirizenga kye yansuubiza, bwe yankoba ati ku baidhukulu bange n'okunaabanga anaafuganga Isiraeli, kasita baidhukulu bange abo baneegenderezanga okugema bye yalagira n'omutima gwaibwe gwonagwona, era n'omwoyo gwaibwe gwonagwona.

1 Bakyabazinga 9:5

ndireetera obwakyabazinga bwo okusigalagho nga bugumu ebyanda n'ebyanda, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

2 Bakyabazinga 11:17

Yehoiada kabona yaaleetera kyabazinga n'abantu, okukola endagaano ni Musengwa Katonda ekakasa nga bwe baidha okubanga abantu aba Musengwa Katonda. Era yaakola endagaano ghagati gha kyabazinga n'abantu.

1 Ebyomubyanda 11:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli, nga Musengwa Katonda bwe yakoba ng'abita mu Samueli.

2 Ebyomubyanda 21:7

Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

2 Ebyomubyanda 23:16

Agho Yehoiada kabona yaakola endagaano ni kyabazinga, era n'abantu boonaboona aghalala, ekakasa nga bwe baidha okubanga abantu aba Musengwa Katonda.

2 Ebyomubyanda 6:16

Wo Musengwa Katonda, iwe Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

2 Ebyomubyanda 7:18

ndireetera obwakyabazinga bwo okusigalagho nga bugumu, nga bwe nasuubiza lata wo Daudi nti, ‘Mu b'eizaire lyo toobulengamu muntu atyama ku kityamo kya bwakyabazinga bwa Isiraeli.’

Zabbuli 89:29

Obwakyabazinga bwe ndidha kubufuula bwa nsikirano ebyanda n'ebyanda; buja kubaagho ekiseera kyonakyona eigulu kye lirimala nga lirigho.

Zabbuli 89:36

Olulyo lwe luja kubangagho ebyanda n'ebyanda, n'obwakyabazinga bwe bubeegho okutuusa endhuba bw'eriva ku nsi.