2 Ebyomubyanda 22:9 - Baibuli Ekibono kya Katonda 2014

⁹ Yaalagira baayagaaza woonawoona nga banoonia Ahazia, era baamugema nga yeegisiisa mu Samaria. Baamuleeta eri Yehu, baamwita, era baamuziika olw'okuba baakoba bati: “Ono mwidhukulu wa Yehoshafati eyafubanga einho okugheereza Musengwa Katonda n'omwoyo omulala.” Mu b'endhu ya Ahazia timwasigalamu muntu asobola kufuga bwakyabazinga.

2 Ebyomubyanda 22:9 Iomraidhean Croise

1 Bakyabazinga 13:21

Yaakoba omulanzi ole eyava mu Buyudaaya, ng'alangirira, ati: “Musengwa Katonda akoba ati, ‘Nga bw'odheemeire nze Musengwa Katonda wo kye nakukoba, n'otakola kye nakulagira,

1 Bakyabazinga 14:13

Abantu boonaboona mu Isiraeli baja kumulira, bamuziike. Ku bantu ab'oku lulyo lwa Yeroboamu, oyo yenka n'aidha okuziikibwa, kuba oyo n'ayagaaniibwa ng'alimu akalungi akasiimibwa Musengwa Katonda, Katonda wa Isiraeli.

2 Bakyabazinga 9:34

Yehu yaingira mu kisaagaati kya kyabazinga, yaalya era yaanhwa. Memale yaakoba ati: “Mubone nti muziika omukazi oyo eyakolimirwa, kuba mughala wa kyabazinga.”

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

2 Ebyomubyanda 21:17

Baalumba ensi Buyudaaya baagighangula, baanhaga ebintu byonabyona mu kisaagaati kya kyabazinga. Baanhaga ni bakazi be, n'abaana be boonaboona, okutoolaku Yehoahazi omwana we omulenzi nkoma.

2 Ebyomubyanda 21:20

Yatoolera okufuga ng'agheza emyaka amakumi asatu n'ebiri egy'obukulu, era yaafugira entangama ya myaka munaana mu Yerusalemu. Bwe yafa, ghazira muntu waire omulala ati eyawulira mule ng'amusaire. Agho baamuziika mu kyetebwa Ekibuga kya Daudi, aye ti mu lwambiidhi lwe baazikangamu bakyabazinga.

2 Ebyomubyanda 21:4

Era Yehoramu oyo bwe baamala okumutyamya ku kityamo eky'obwakyabazinga bwa ise, n'amala n'okukakata ku bwakyabazinga obwo, yaita baganda be boonaboona, n'abandi ku bakungu mu Isiraeli.

2 Ebyomubyanda 22:8

Agho Yehu bweyali ali kutuukiriza ekibonerezo Katonda kye yasalira ab'endhu ya Ahabu, yaayagaana abakungu ba Buyudaaya n'abaana ba baganda ba Ahazia, abaali bagherekeireku Ahazia oyo ku bugeni. Yehu yaabaita.

2 Ebyomubyanda 24:25

Abasiria bwe baagolola, baaleka Yoashi oyo nga bamufumiite inho ebibwa. Agho abagheereza be beene baamukolera olukwe, baamutemulira mu buliri bwe olw'okwita mutabane wa Yehoiada kabona. Kale yaafa, baamuziika mu kyetebwa Ekibuga kya Daudi, aye ti mu lwambiidhi lwa bakyabazinga.

2 Ebyomubyanda 25:27

Okuviira irala Amazia lwe yakyuka n'ava ku Musengwa Katonda, ghaaligho abaakola olukwe mu Yerusalemu okumwita. Kale yaalumukira mu kibuga ky'e Lakishi, aye era baatumayo abantu okumunooniayo, era baamwitirayo.

2 Ebyomubyanda 33:24

Agho abakungu be baamukolera olukwe, baamutemulira mu kisaagaati kye eky'obwakyabazinga.

Yeremia 29:13

Muliinoonia nze ghe ndi mwambona, kuba muliinoonia n'omwoyo gwaimwe gwonagwona.