2 Ebyomubyanda 22:7 - Baibuli Ekibono kya Katonda 2014

⁷ Aye Musengwa Katonda yali amaze okutegeka ng'okuzikirira kwa Ahazia kuja kumwidhira lwa kukyalira Yoramu, kuba Ahazia oyo bwe yatuukayo, yaja ni Yoramu okubona Yehu mutabane wa Nimushi, Musengwa Katonda ye yali amaze okulonda nga n'ow'okuzikiriza ab'endhu ya Ahabu.

2 Ebyomubyanda 22:7 Iomraidhean Croise

1 Bakyabazinga 12:15

Kale atyo kyabazinga yaaloba kuwulirisa bantu. Musengwa Katonda n'eyaleetera ebintu okuja bityo, olwo atuukirize kye yakoba Yeroboamu mutabane wa Nebati ng'abita mu Ahiya ow'e Shilo.

1 Bakyabazinga 12:24

‘Musengwa Katonda akoba ati mutaja kulumba baganda baimwe, Baisiraeli banaimwe. Mwireyo buli muntu mu maka ge, kuba ebyo ebibairegho, ninze nabireetagho.’ ” Agho baagondera ekiragiro kya Musengwa Katonda, bairayo ewaibwe nga Musengwa Katonda bwe yabalagira.

1 Bakyabazinga 19:16

osiige ni Yehu mutabane wa Nimushi abe kyabazinga wa Isiraeli, era osiige ni Elisha mutabane wa Shafati ow'e Abeli Mehola abe omulanzi mu kifo kyo.

1 Bakyabazinga 22:20

Musengwa Katonda yaabuuza ati, ‘Naani anaasendasenda Ahabu okuja e Ramothi eky'e Gileadi, bamwite?’ Ono yaakoba kino, ate ole yaakoba kire.

2 Bakyabazinga 10:11

Agho Yehu yaita abaali nga bakaasigairegho ku b'endhu ya Ahabu abaali mu Yezireeli, n'abakungu ba Ahabu oyo, ni bakagwa be einho, ni bakabona be. Yehu tiyalekagho muntu waire omulala ati owa Ahabu nga mulamu.

2 Bakyabazinga 9:21

Yoramu yaakoba ati: “Mutegeke ekigaali kyange eky'omu lutalo.” Baakitegeka. Agho Yoramu oyo kyabazinga wa Isiraeli ni Ahazia kyabazinga wa Buyudaaya, baasitula nga buli muntu ali mu kigaali kye eky'omu lutalo, baaja okwagaanana ni Yehu, baamwagaana mu kibandha ekyali ekya Nabothi Omuyezireeli.

2 Bakyabazinga 9:27

Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

2 Ebyomubyanda 10:15

Kale atyo kyabazinga yaaloba kuwulirisa bantu. Musengwa Katonda n'eyaleetera ebintu okuja bityo, olwo atuukirize kye yakoba Yeroboamu mutabane wa Nebati ng'abita mu Ahiya ow'e Shilo.

2 Ebyomubyanda 22:6

Kyabazinga Yoramu oyo, yairayo e Yezireeli amale okuwona ebibwa Abasiria bye baamufumitira e Rama ng'alwanisa kyabazinga Hazaeli owa Siria. Agho kyabazinga Ahazia mutabane wa Yehoramu kyabazinga wa Buyudaaya, yaajaayo okumubona obulwaire.

Zabbuli 9:16

Musengwa Katonda yeeyoleike ng'asala omusango mu butuufu, era abakozi b'ebibi beetegamu beene n'ebikolwa byaibwe byene.

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Hosea 14:9

Buli ali n'amagezi agwaine ategeere ebyo, era kiisi ali n'okutegeera agwaine abitengaku omwoyo; kuba Musengwa Katonda by'akola bituufu. Abo abeesimbu babijiiraku, aye aboonooni babyekontolaku baagwa bugwe.

Malaki 4:3

Ku lunaku lwe ndituukiriza ekibonerezo kye ntegeike, mulityankirira abakozi b'ebibi, kuba baliba ng'oti ivu buvu ghansi gh'ebigere byaimwe.

Amateeka Agokubiri 32:35

kuba olunaku luli kumpi okutuuka, lw'alibeesasuulizaaku ng'ababonereza. Ekiseera kiidha kutuuka bagwe, era akabi kali kumpi inho okubagwira.

Yoshua 11:20

Musengwa Katonda n'eyaleeteranga abantu abo, okukanaghala ni balwana n'Abaisiraeli. Olwo basalirwe omusango gubasinge, era bazikirizibwe aghazira kusaasirwa, nga Musengwa Katonda bwe yalagira Musa.

Abalamuzi 14:4

Aye ise n'inhina baali tibaidhi nga Musengwa Katonda n'eyasindika Samusoni okukola ekyo kuba Musengwa Katonda oyo yali ali kunoonia ensonga ey'okuvaaku okulwanisa Abafilisiti. Mu biseera ebyo, Abafilisiti n'abaafuganga Isiraeli.