2 Ebyomubyanda 21:7 - Baibuli Ekibono kya Katonda 2014

⁷ Aye Musengwa Katonda yaaloba kwenda kuzikiriza bantu ba ndhu ya Daudi kubamaliriragho, kuba yasuubiza omugheereza we Daudi oyo ati eizaire lye n'erinaafuganga obwakyabazinga obwo ebyanda n'ebyanda.

2 Ebyomubyanda 21:7 Iomraidhean Croise

2 Samueli 21:17

Aye Abishai mutabane wa Zeruia yaidha yaayamba Daudi, yaalumba Omufilisiti oyo yaamwita. Agho abasaadha ba Daudi baamulayirira bati: “Iwe oli ng'oti itaala lya Isiraeli, kale tokairayo kuja n'ife mu lutalo, tiikulwa ng'eitaala eryo lizima.”

2 Samueli 23:5

Bwenebwene atyo Katonda bw'ali eri ab'olulyo lwange, kuba yakola ninze endagaano ey'olubeerera, endagaano ensengeke obukalamu era etalivaagho. Nkakasa nti aidha kumbeeranga mu buli kintu, era ampenga byonabyona bye nhenda.

1 Bakyabazinga 11:13

Ate era tirimutoolaku bwakyabazinga bwonabwona, aye ndimulekeragho ekika kirala ku lwa Daudi omugheereza wange, ni ku lwa Yerusalemu, ekibuga kye nalonda okuba ekyange.”

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 15:4

Aye ku lwa Daudi, Musengwa Katonda yaagha Abiyamu oyo omwana omulenzi okumusikira ku bwakyabazinga mu Yerusalemu, n'okukuuma Yerusalemu nga kiri miraala.

2 Bakyabazinga 8:19

Aye Musengwa Katonda yaaloba kuzikiriza Buyudaaya, kuba yasuubiza omugheereza we Daudi ati eizaire lye n'erinaafuganga obwakyabazinga obwo ebyanda n'ebyanda.

2 Bakyabazinga 8:24

Kale Yehoramu yaafa yeeyimba ku badhaadha be abaafa, era yaaziikibwa mu lwambiidhi ni badhaadha be abo, mu kyetebwa Ekibuga kya Daudi. Mutabane we Ahazia yaamusikira ku bwakyabazinga.

2 Ebyomubyanda 22:11

Aye Yehosheba mughala wa kyabazinga Yoramu, ng'aba mwanhina Ahazia oyo era nga yafumbirwa Yehoiada kabona, yaawoniagho Yoashi owundi ku batabane ba Ahazia oyo. Yamutoola mu balangira abaali baja okwitibwa, ng'amwibagho, yaaja yaabagisa bombi n'omulezi we, mu kisenge ekisulwamu mu isinzizo mu nsambo eyo yaamuwonia Athalia okumwita.

2 Ebyomubyanda 23:3

Boonaboona beesolokeza mu isinzizo, baakola endagaano ni Yoashi, mutabane wa kyabazinga. Yehoiada yaabakoba ati: “Bona eno, mutabane wa kyabazinga wuuno. Oyo n'abe afuuke kyabazinga, nga Musengwa Katonda bweyasuubiza baidhukulu ba Daudi.”

2 Ebyomubyanda 6:16

Wo Musengwa Katonda, iwe Katonda wa Isiraeli, mpegaano ni kuuma kye wasuubiza omugheereza wo lata wange Daudi oyo, bwe wakoba oti, ‘Mu b'eizaire lyo toobulengamu muntu ye ntaagho okutyama ku kityamo kyo eky'obwakyabazinga bwa Isiraeli, kasita banaawuliranga bye nkoba, ni bagumira ku nze nga iwe bwe wakola.’

Zabbuli 132:11

Kuba wasuubiza era toja kukyusaamu oti: “Nditoola mulala ku baana bo, naamufuula kyabazinga, yaafuga nga iwe oviiregho.

Zabbuli 89:39

Osaziizaamu endagaano yo n'omugheereza wo, n'engule ye waagifuuta mu itaka.

Luka 1:69

Atufuniire amaani okutulokola mu ndhu ya Daudi omugheereza we.

Luka 1:79

Okwakira abo abatyaime mu nzikiiza ni mu kinsense eky'olumbe, n'okutereeza ebigere byaife mu ngira ey'eidembe.”