2 Ebyomubyanda 21:2 - Baibuli Ekibono kya Katonda 2014

² Yehoramu yali ni baganda be bano: Azaria, ni Yehieli, ni Zekaria, ni Azaria owundi, ni Mikaeli, ni Shefatia boonaboona abo nga batabane ba Yehoshafati kyabazinga wa Buyudaaya.

2 Ebyomubyanda 21:2 Iomraidhean Croise

2 Ebyomubyanda 12:6

Agho kyabazinga n'abakungu ba Isiraeli baagonda, baakoba bati: “Musengwa Katonda mutuufu.”

2 Ebyomubyanda 21:4

Era Yehoramu oyo bwe baamala okumutyamya ku kityamo eky'obwakyabazinga bwa ise, n'amala n'okukakata ku bwakyabazinga obwo, yaita baganda be boonaboona, n'abandi ku bakungu mu Isiraeli.

2 Ebyomubyanda 23:2

Baaja nga babitabita mu bibuga byonabyona eby'omu Buyudaaya, baatoolayo Abalevi, n'abakulira enda dha balata b'abantu Abaisiraeli, baidha nabo e Yerusalemu.

2 Ebyomubyanda 24:16

Baamuziika mu kyetebwa Ekibuga kya Daudi, mu lwambiidhi lwa bakyabazinga, kuba yali akoleire Katonda n'eisinzizo lye ebirungi mu Isiraeli.

2 Ebyomubyanda 24:5

Yaasoloza bakabona n'Abalevi, yaabakoba ati: “Mujenga mu bibuga bya Buyudaaya buli mwaka, musolozenga ku Baisiraeli boonaboona empiiya edh'okulongoosanga eisinzizo lya Katonda waimwe. Era mubone ng'ekyo mukikolaku mangu geene.” Aye Abalevi baalwagho okukikola.

2 Ebyomubyanda 28:19

Ebyo byaligho, kuba kyabazinga Ahazi oyo yakola eidhoogo mu Buyudaaya era yaaloba kuba mwesigwa eri Musengwa Katonda, yaaleetera Musengwa Katonda okusindika ebizibu ku Buyudaaya.

2 Ebyomubyanda 28:23

Yaaghaayo emisengo eri bakatonda b'e Damasiko abaamughangula, ng'akoba ati: “Bakatonda b'e Siria baayamba bakyabazinga baayo, zeena ka mbaghe emisengo baanhambe.” Aye byamuviiramu bwa kuzikirira, mwene n'ensi ye yoonayoona.

2 Ebyomubyanda 28:27

Agho Ahazi yaafa yeeyimba ku badhaadha be abaafa, era yaaziikibwa mu kibuga Yerusalemu aye ti mu lwambiidhi lwa bakyabazinga. Mutabane we Hezekia yaamusikira ku bwakyabazinga.

2 Ebyomubyanda 33:18

Ebindi byonabyona Manasse bye yakola, ni bye yasaba Katonda we, n'ebyo abalanzi bye baayogeranga naye mu liina lya Musengwa Katonda, Katonda wa Isiraeli, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Ebyomubyanda 35:18

Okuviira irala mu biseera bya Samueli omulanzi, ghaali tighabangaghooku Kibinuko kya Kubitizibwa kyonakyona kye baakuza mu Isiraeli ng'oti ni kino. Era ku bakyabazinga boonaboona abaasooka, tikwaliku waire omulala ati eyakuza Ekibinuko eky'Okubitizibwa ng'oti ni Yosia bwe yakikuza, nga bakabona baligho, n'Abalevi, n'abantu boonaboona ab'omu Buyudaaya n'ab'omu Isiraeli, n'ab'omu Yerusalemu.