2 Ebyomubyanda 21:12 - Baibuli Ekibono kya Katonda 2014

¹² Agho omulanzi Eliya yaagheereza Yeroboamu embaluwa ng'ekoba eti: “Musengwa Katonda, Katonda wa dhaadha wo Daudi akoba ati, waloba okwebisanga obukalamu nga lata wo Yehoshafati bwe yakolanga, era nga dhaadha wo Asa kyabazinga wa Buyudaaya yeena bwe yakolanga.

2 Ebyomubyanda 21:12 Iomraidhean Croise

1 Bakyabazinga 15:11

Asa oyo yaakolanga ebituufu mu maiso ga Musengwa Katonda, nga dhaadha we Daudi bwe yakolanga.

1 Bakyabazinga 17:1

Agho Eliya Omutishube ow'e Tishube, eky'omu Gileadi, yaakoba kyabazinga Ahabu ati: “Ndayira mu Musengwa Katonda wa Isiraeli, Katonda oyo omulamu ye mpeereza, nti bwenebwene tighaidha kubangagho musulo waire amaadhi mu myaka gino, okutoolaku nga nkobye nti bibeegho.”

1 Bakyabazinga 22:43

Yehoshafati oyo yali wa mpisa nkalamu era nga tadhivaaku, ng'oti n'ise bweyali. Yaakolanga ebirungi Musengwa Katonda by'asiima, aye ebifo ebigulumivu eby'okusinzizaamu tiyabitoolagho. Abantu baasigala nga bakaagheerayo eyo emisengo era nga bakaaniokeza eyo obubbaani mu bifo ebyo.

2 Bakyabazinga 2:1

Agho ekiseera nga kiri kumpi okutuuka Musengwa Katonda atwale Eliya mu igulu, ng'amutwalira mu mpewo eyeezungulula n'amaani, Eliya oyo ni Elisha baali nga bali kuva Giligali.

2 Bakyabazinga 2:11

Bwe baali nga bakaatambula nga bwe baghaya, amangu ago ghaidhagho ekigaali eky'omu lutalo eky'omuliro n'embalaasi edh'omuliro, byayawula buli muntu ku mwine, Eliya yaatwalibwa ghaigulu ng'ali mu mpewo eyeezungulula n'amaani.

2 Ebyomubyanda 14:1

Agho Abiya yaafa, yeeyimba ku badhaadha be abaafa, yaaziikibwa mu kyetebwa Ekibuga kya Daudi. Mutabane we Asa yaamusikira ku bwakyabazinga. Mu biseera bya Asa oyo, ensi yaaba mu miraala okumala entangama ya myaka ikumi.

Yeremia 36:2

“Toola enzingo y'ekitabo oghandiikemu ebintu byonabyona bye nkukobeire ebigema ku Isiraeli, ni ku Buyudaaya, ni ku maghanga agandi goonagoona. Ghandiika ebintu byonabyona bye mbairenga nga nkukobera okuviira irala ku lunaku lwe natoolera okwogera n'iwe, nga Yosia ni kyabazinga, okutuusa olwaleero.

Yeremia 36:23

Agho Yehudi bwe yamalanga okusoma ebitundu ebibiri oba ebina ku nzingo y'ekitabo eyo, nga kyabazinga abisalaku n'akambe akatono, ng'abisuula mu muliro. Yaakola atyo okutuusa enzingo y'ekitabo yoonayoona bweyawaagho okuya.

Danieli 5:5

Baaja okulinga bati nga babona omukono ogw'omuntu oguli kughandiika ku seminti ye baakuba ku kimante eky'ekisaagaati kya kyabazinga. Omukono ogwo gwali guli kughandiika gha mberi gh'ekikondo eky'entaala, era kyabazinga yaabona bukalamu nga guli kughandiika.