2 Ebyomubyanda 20:9 - Baibuli Ekibono kya Katonda 2014

⁹ ‘Akabi bwe kanaatutuukangaku, ka lube olutalo, oba okusalirwa omusango, oba obulwaire obubi, oba endhala, twidha kwemereranga mu maiso go emberi gh'eisinzizo lino kuba agho ghe twidha twakusinza, twakukobera nga bwe tudaazibwadaazibwa, era iwe waatuwulirisa waatuwonia.’

2 Ebyomubyanda 20:9 Iomraidhean Croise

1 Bakyabazinga 8:30

Wulirisanga bye nnaakusabanga nze omugheereza wo, era n'abantu bo Abaisiraeli bye banaakusabanga nga balingiriire ekifo kino. Bwenebwene tuwulirisenga ng'oli mu igulu eyo y'oba, era otusonighenga ng'otuwuliire.

1 Bakyabazinga 8:33

“Abantu bo Abaisiraeli bwe banaaghangulwanga abazigu baibwe olw'okukola ebibi y'oli, aye ni baira y'oli okwenenia era ni bakusaba nga bakweghemba mu isinzizo lino,

1 Bakyabazinga 8:37

“Mu nsi bwe munaagwangamu endhala, oba ni mubaamu endwaire ya kawumpuli, oba ebirime ni bifungalala ni biidhaku obukuku, oba ni byonoonebwa enzige oba ebisiisa ebindi, oba abazigu ni balumba abantu bo mu kindi ku bibuga byaibwe, oba ni ghabaagho ekibamba kyonakyona oba okulumizibwa kwonakwona,

2 Ebyomubyanda 20:8

Era bagibairemu baakuzimbira n'eisinzizo ery'okukusinzizangamu, nga bakoba bati,

2 Ebyomubyanda 6:20

Kuumanga eisinzizo lino omusana n'obwire, kuba kino n'ekifo kye wakoba oti mwe banaakusinzizanga. Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

2 Ebyomubyanda 6:5

‘Kasookanga ntoola bantu bange Abaisiraeli mu Misiri, tirondangaghooku mu bika bya Isiraeli byonabyona kibuga waire ekirala kiti, mwe bananzimbira eisinzizo. Era titangaghooku muntu waire omulala ati, akulemberenga abantu bange Abaisiraeli.

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Zabbuli 50:15

Munsabenga nga muli mu bizibu, ndidhanga kubawonia, imwe muntengamu ekitiisa.”

Zabbuli 91:3

Katonda aidha kukuwonianga emitego gye bakutega, era akuwonienga n'endwaire edhiita.

Okuvaayo 20:24

Nzimbira alutaari ey'eitaka era ogheereyo ku alutaari okwo entaama, oba embuzi, oba ente, ng'ekigheebwayo ekyokebwa, era n'ekigheebwayo olw'okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi.

Okuvaayo 23:21

Imwe mumuwulire, mugondere kiisi ky'abakoba. Mutamudheemera, taidha kubasonigha kwonoona kwaimwe, kuba ali kwidha mu liina lyange.

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”