2 Ebyomubyanda 20:3 - Baibuli Ekibono kya Katonda 2014

³ Yehoshafati yaatya, yaasaba Musengwa Katonda ng'amweghemba, era yaalangirira ghabeegho okusiiba mu Buyudaaya mwonamwona.

2 Ebyomubyanda 20:3 Iomraidhean Croise

2 Ebyomubyanda 11:16

Abantu ab'omu bika byonabyona eby'omu Isiraeli abaawulira mule nga benda okusinza Musengwa Katonda, Katonda wa Isiraeli, boona baidha e Yerusalemu okughaayo emisengo eri Musengwa Katonda oyo, Katonda wa badhaadha baibwe.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

2 Ebyomubyanda 7:14

aye abantu bange abo ni bagonda ni bansaba, era ni balekera agho okukola ebibi ni baira ye ndi, olwo nze ndidha kubawulirisanga eyo mu igulu ye mba, mbasonighenga ebibi byaibwe era mponienga ensi yaibwe.

Nehemia 9:1

Ku lunaku olwamakumi abiri n'eina (24) olw'omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n'enkungu mu mitwe, olw'ebibi byaibwe okubanakughaza.

Yeremia 36:9

Mu mwezi ogwomwenda ogw'omwaka ogwokutaanu nga Yehoiakimu ni kyabazinga wa Buyudaaya, baalangirira ekisiibo olw'okusaba Musengwa Katonda. Abantu boonaboona ab'omu Yerusalemu, n'abo boonaboona abaidha nga bava mu bibuga eby'omu Buyudaaya ebindi, baasiiba.

Danieli 9:3

Agho naakyukira eri Musengwa Katonda wange, naamusaba nga mweghemba, naasiiba, naavaala ekutiya, era naatyama mu ivu.

Yoeli 1:14

Mulangirire ghabeegho okusiiba, mwete abantu beesoloze ghalala. Musoloze abakulembeze n'abantu boonaboona ab'omu Buyudaaya, baidhe mu isinzizo lya Musengwa Katonda waimwe, mumulirire amaziga, ababeere.

Amosi 5:4

Musengwa Katonda akoba Abaisiraeli ati: “Mwiremu okunsinza memale mubenga balamu.

Yona 1:16

Abasaadha baatya Musengwa Katonda ekibitiriire. Baamugha omusengo era beeyama.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Abalamuzi 20:26

Agho abalwani ba Isiraeli boonaboona baaniinaniina baaja e Betheli, baalirira eyo. Baaba eyo mu maiso ga Musengwa Katonda olunaku olwo, nga ghazira ke bali kulya naire okutuusa eigulo. Baaghaayo ye Musengwa Katonda oyo ebigheebwayo ebyokebwa, n'ebigheebwayo olw'okutabagana.

1 Samueli 7:6

Kale beesololeza e Mizipa, baasena amaadhi baagafuka agho mu maiso ga Musengwa Katonda, ng'ekigheebwayo. Baasiiba ku lunaku olwo, era baakoba bati: “Twakola ekibi ye Musengwa Katonda.” Eyo e Mizipa, Samueli ye yalamuliranga Abaisiraeli.