2 Ebyomubyanda 20:12 - Baibuli Ekibono kya Katonda 2014

¹² Wo Katonda waife, babonereze, kuba ife tuzira maani ga kulwanisa igye inene lino eritulumbye. Titwidhi kya kukola, aye tulingiriire ku iwe.”

2 Ebyomubyanda 20:12 Iomraidhean Croise

Zabbuli 25:15

Amaiso gange ngata ku Musengwa Katonda buliidho, kuba n'anteekuluza mu lutuula olw'omuzigu wange.

Zabbuli 141:8

Aye nze amaiso gange gali ku iwe Musengwa Katonda wange. Niiwe ye neesiga, otandekulira agho mu batemo.

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

Zabbuli 9:19

Wo Musengwa Katonda, idha! Otaganha bantu kukunhooma! Abatatya Katonda boonaboona baleete gh'oli, obasalire omusango.

Zabbuli 43:1

Wo Katonda wange, sala mu butuufu oyoleke nga bwe nziraku musango, era mpolezaagho nga ndi kuwoza n'abantu abatatya Katonda; ntoola mu ngalo dh'abantu abaguya era abatali beesimbu.

Yona 2:4

Nali nkoba nti onswire ere nve gh'oli, era nga tiriirayo kabiri kubona ku isinzizo eitukuvu.

2 Samueli 14:11

Omukazi yaakoba ati: “Nkweghemba Isebantu kyabazinga, osabe Musengwa Katonda wo, alobere oyo ayenda okwesasuuza olw'ole ye baita, alobe kweyongera kwita. Olwo mutabane wange awone okuzikirizibwa.” Kyabazinga yaamukoba ati: “Ndayira Musengwa Katonda omulamu, nti mutabane wo tibaidha kumutuusaaku kabi waire akatono kati.”

1 Samueli 3:13

Era nakobera Eli oyo nti nja kubonereza ab'endhu ye ebyanda n'ebyanda, olw'ebibi bye yamanha obukalamu kuba batabane be baavuma Katonda aye yaaloba kubaloberanga.

Abalamuzi 11:27

Kale ni ti ninze nsobiiza y'oli, aye niiwe oli kusobya ng'onwanisa. Musengwa Katonda, n'omulamuzi. Leka alamule olwaleero ghagati gh'Abaisiraeli n'Abammoni.”

Okwolekebwa 19:11

Agho naabona eigulu nga liigule, era okuja okulinga nti nga mbona embalaasi endheru! Eyali ali kugivuga nga ayetebwa Mwesigwa, Owamazima, asala emisango era n'alwana entalo mu butuufu.

Zabbuli 7:8

Niiwe osala emisango egy'abantu boonaboona. Sala ogwange oyoleke nga bwendi omutuufu era nga bwenzira musango gwonagwona.

Yoeli 3:12

“Abantu ab'amaghanga ka basitukiremu, baje mu Kiiko kya Yehoshafati; kuba eyo nze Musengwa Katonda ye ndityama okulamula amaghanga goonagoona ageezungulwire agho.

2 Bakyabazinga 6:15

Omugheereza wa Elisha omuntu wa Katonda bwe yazuuka enkyo ku nkyo, yaafuluma. Okuja okulinga ati, ng'abona eigye n'embalaasi, n'ebigaali eby'omu lutalo, nga bazingiiza ekibuga okukyezunguluza. Agho yaakoba Elisha ati: “Tukagwireku, musengwa wange! Tunaakola tutya?”

Isaia 42:4

Taliwaamu maani waire okuwaamu eisuubi. Alireetagho okukolanga eby'amazima mu nsi ebigwaniire. N'ebiketezo eby'oku nhandha biri eyo biteegereire amateeka ge.”

Isaia 2:4

Musengwa Katonda aliramula amaghanga, yaasalira abantu kamaala emisango gyaibwe. Edhibaire empiima dhaibwe edh'okulwanisa balidhigheesaamu mbago, ate amafumo gaibwe baagagheesaamu busolobyo bwa kuwoolera. Amaghanga tigaliirayo kugema bya kulwanisa kuja kulumba gainaago, waire okwirayo okutendekebwa mu by'entalo.

Zabbuli 7:6

Wo Musengwa Katonda, idha obakambughalire. Situka Katonda wange tala, olwanise ekiruyi ky'abazigu bange, kuba iwe toyenda kusaliriza.

1 Samueli 14:6

Yonathani yaakoba omwisuka eyamugemeranga eby'okulwanisa ati: “Idha tuje mu nkambi y'abalwani bano abatali bakekete. Tomanha Musengwa Katonda bw'atuyamba, kuba ghaziragho kighanga kulobera Musengwa Katonda okununula ng'akozesa abangi oba abatono.”

2 Ebyomubyanda 20:13

Mu kiseera n'ekirala ekyo, abasaadha boonaboona ab'omu Buyudaaya baali beemereire agho ni bakazi baibwe, n'abaana baibwe.

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

1 Bakyabazinga 1:20

Agho ni Isebantu kyabazinga, Abaisiraeli boonaboona balingiriire ku iwe okubakobera ow'okukusikira ku bwakyabazinga.

Zabbuli 94:2

Situkiramu, niiwe asalira ensi emisango, abo abeebona nga ba ghaigulu obasasule ekyo ekibagwaniire.