2 Ebyomubyanda 20:1 - Baibuli Ekibono kya Katonda 2014

¹ Ebyo nga biwoire, Abamoabu, n'Abammoni, ghalala n'abandi ku Bameuni, baidha baalumba Yehoshafati okumulwanisa.

2 Ebyomubyanda 20:1 Iomraidhean Croise

1 Ebyomubyanda 4:41

Mu biseera kyabazinga Hezekia bye yafugiramu Buyudaaya, abo beene maina agoogeirwaku baalumba ekiketezo ekyo, baazikiriza weema dh'abatyamye baayo, baazikiriza n'Abameuni be baayagaanayo. Beene baasenga mu kifo kyaibwe ni ye buli eno, kuba ghaaligho eisubi ery'okwayiramu ebyayo byaibwe.

2 Ebyomubyanda 14:8

Kyabazinga Asa yali n'eigye ly'abalwani emitwalo amakumi asatu (300,000) abaava mu kika kya Yuda, abaalwanisanga engabo n'amafumo. Era yaaba n'abalwani emitwalo abiri na munaana (280,000) abaava mu kika kya Benjamini, abaalwanisanga engabo n'obulaso. Abo boonaboona baali balwani ba maani abaziramu ntete.

2 Ebyomubyanda 19:11

Era bona eno, Amaria Kabona Omukulu n'aidha okubalabiriranga mu byonabyona ebigemagana ni Musengwa Katonda. Ate Zebadia mutabane wa Ishimaeli akulira endhu ya Yuda, n'aidha okubalabiriranga mu ebyo ebigemagana ni kyabazinga. Olwo Abalevi bavunaanizibwenga okubona ng'ebinaabanga bisaliibwagho bituukirizibwa. Mubenga bagumu nga mukola omulimo ogwo, era Musengwa Katonda abenga ghalala n'abo abeesimbu.”

2 Ebyomubyanda 19:2

Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

2 Ebyomubyanda 19:5

Yaataagho abalamuzi mu kiisi kibuga kya mu Buyudaaya ekyezungulwirwa ebimante ebigumu.

2 Ebyomubyanda 20:10

“Mpegaano bona, Abammoni, n'Abamoabu, n'abantu ab'oku lusozi Seiri batulumbye. Ate nga badhaadha baife bwe baava mu nsi Misiri, tiwabaganha kulumba bantu abo. Badhaadha baife baabita ghala n'abantu abo, baaloba kuseeta ye bali era baaloba kubazikiriza.

2 Ebyomubyanda 26:7

Katonda yaamubeeraku okughangula Abafilisiti, n'Abawarabu abaabanga e Gurubaali, n'Abameuni.

2 Ebyomubyanda 32:1

Ebyo Hezekia bye yakola n'obwesigwa nga bimaze okuwa, Sennakeribu kyabazinga w'e Assiria yaidha okulumba Buyudaaya. Yaasimba weema dhe kumpi n'ebibuga ebyezungulwirwa ebimante ebigumu, ng'asuubira okubighangula abigeme.

Isaia 16:6

Aye ab'omu Buyudaaya bakoba bati: “Twawulira ira okwekuluntaza kw'Abamoabu, n'okwebona bonka. Era twidhi nga bwe beetwala okuba aba ghaigulu nga beepankapanka. Aye ebyo bye beesaakiriza nabyo bya bwereere.”

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Yeremia 10:24

Lamba abantu bo balongooke empisa, aye otabakayukira inho, oba okubabonereza mu busungu; kuba agho oba otusaaniagho busaanie.

Yeremia 49:1

Bino Musengwa Katonda bye yakoba ku nsi Ammoni, ati: “Abantu ab'omu Isiraeli bali gha? Ezira muntu asobola kulwanirira nsi yaibwe? Lwaki baaleka abantu abasinza omusambwa Milikomu okutoola ekiketezo eky'ab'ekika kya Gadi ni bakifuula ekyaibwe?

Okwolekebwa 3:19

“Nze abo be ngonza mbanenia era mbakangaivula. Kale fuba weenenie.