2 Ebyomubyanda 2:5 - Baibuli Ekibono kya Katonda 2014

⁵ Era eisinzizo lye nja okuzimba lija kuba ikologho, kuba Katonda waife mukologho okusinga bakatonda boonaboona.

2 Ebyomubyanda 2:5 Iomraidhean Croise

1 Bakyabazinga 8:27

“Aye obwo bwenebwene iwe Katonda oghanga okuba ku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

1 Bakyabazinga 9:8

Eisinzizo lino lirifuuka mmungo ya bimunku, era kiisi baliribitangaku balitengeesanga bwa mitwe beewuunhia. Era balibuuzanga bati, ‘Lwaki Musengwa Katonda yakola atyo ensi eno n'eisinzizo lino?’

1 Ebyomubyanda 16:25

Musengwa Katonda mukologho era agwaine okusinzibwa einho. Oyo n'ali n'okutiibwa okusinga ebyo byonabyona ebyetebwa bakatonda.

1 Ebyomubyanda 29:1

Agho kyabazinga Daudi yaakoba abaali beesoloiza ati: “Mutabane wange Solomoni Katonda y'alonzeemu akaali mwana muto, ate nga omulimo oguli n'okukolebwa mukologho inho kuba kino ti kisaagaati kya bwakyabazinga bwa bantu buntu, aye isinzizo lya Musengwa Katonda.

1 Ebyomubyanda 29:14

“Aye nze n'abantu bange katyo niife baani, twena okukoba tuti tughanga okukugha iwe ekintu kyonakyona nga twenda? Byonabyona niiwe obitugha, era ku bibyo by'otugha kwe tutoire okukutonera.

2 Ebyomubyanda 2:9

bantegekere emiti kamaala, kuba eisinzizo lye nja okuzimba lija kuba ikologho era nga irungi ebitaloodheka.

2 Ebyomubyanda 29:11

Baana bange, mutalwa naire, kuba Musengwa Katonda abalonze okwemereranga mu maiso ge, mumugheereze nga mumusinza era nga mumuniokeza obubbaani.”

2 Ebyomubyanda 6:18

“Aye obwo bwenebwene iwe Katonda osobola okuba aghalala n'abantu ab'oku nsi? Ate oba waire mu igulu lyene, erisingayo okuba ghaigulu tosugamu, memale onaasuga otya mu isinzizo lino lye nzimbye!

Zabbuli 135:5

Nze ndidhi nga Musengwa Katonda mukologho, era nga n'asinga bakatonda boonaboona ab'amaghanga agandi.

Zabbuli 145:3

Musengwa Katonda mukologho, era ni yenka agwaine okusinzibwa; ghazira muntu ategeera bukalamu bukologho bwe.

Zabbuli 148:4

Mumusaake imwe eigulu erisingayo okuba ghaigulu, n'imwe amaadhi agali ghaigulu gh'eigulu.

Okuvaayo 15:11

Wo Musengwa Katonda, mu bakatonda boonaboona, naani ali ng'oti niiwe? Naani ali n'obutukuvu obutiisa ng'oti niiwe? Naani aghanga okukola ebintu ebyewuunhisa era ebyoleka amaani ng'oti niiwe?

Okuvaayo 18:11

Buti ntegeire nga Musengwa Katonda wa maani okusinga bakatonda boonaboona, kuba yatoola abantu be mu ngalo edh'Abamisiri abaabeeyagalirangaku nga tibababonamu ka buntu.”

Isaia 66:1

Musengwa Katonda akoba ati: “Eigulu n'ekityamo kyange eky'obwakyabazinga, ate ensi, kwe nta ebigere byange. Kale mulinzimbira ndhu nabaki? Era kifo ki mwe ndiwuumulira?

Yeremia 10:6

Wo Musengwa Katonda, ghazira ali ng'oti niiwe. Oli mukologho, n'eriina lyo lyona ikologho era lya maani.

Ezekieli 7:20

Ebyamadholobera byaibwe ebyabonekanga obulungi era nga bibeeyagaza, baabigheesaamu bwa bifaananie ebyenhinhalwa ebiziramu muganhulo naire. Kale ni, Musengwa Katonda kyaviire n'abireetera okubafuukira ebitali birongoofu.

1 Timotheo 6:15

Katonda asaakibwa era afuga byonabyona, Kyabazinga wa bakyabazinga era Musengwa wa basengwa, alyoleka okwidha okwo mu kiseera kyakwo ekituufu.