2 Ebyomubyanda 2:10 - Baibuli Ekibono kya Katonda 2014

¹⁰ Abantu bo abatema emiti ndidha kubafunira kilo dh'engaano ye bamaze okukuba edhigheza obukaire bubiri n'emitwalo amakumi ana (2,400,000), n'edha sayiri dhoona nga dhigheza kilo obukaire bubiri n'emitwalo amakumi ana (2,400,000), n'elita dh'omwenge ogw'emizabbibu emitwalo amakumi ana (400,000), n'omuzigo ogw'ebibala eby'emiti emyoliva nga gwona gugheza lita emitwalo amakumi ana (400,000).”

2 Ebyomubyanda 2:10 Iomraidhean Croise

1 Bakyabazinga 5:11

Era buli mwaka Solomoni yeena yaaghanga Hiramu kilo dh'engaano edhigheza obukaire bubiri n'emitwalo amakumi ana (2,400,000), n'omuzigo ogw'ebibala eby'emiti emyoliva omukenenule, ogugheza lita enkumi eina (4,000). Ebyo byonabyona nga byakuliisa ab'endhu ya Hiramu.

1 Bakyabazinga 7:26

Omubiri ogw'etanka eyo gwali gugheza milimita nsanvu na itaanu obunene. Omugo gwayo gwakolebwa ng'ogw'ekibya era ng'oti n'ekimuli ekyetebwa liri. Etanka eyo yali ejaamu lita emitwalo ng'oti mukaaga (60,000).

1 Bakyabazinga 7:38

Hiramu era yaakola ebenseni ikumi edh'ekyuma eky'ekikomo, ndala ndala ku buli kituuti nga bwe byali eikumi. Buli benseni yali egheza mita ndala n'obutundu munaana mu bugazi, ng'ejaamu lita nga lunaana.

1 Ebyomubyanda 14:2

Agho Daudi yaakitegeera nga bwenebwene Musengwa Katonda amukakaisa ku bwa kyabazinga bwa Isiraeli, era ng'aleeteire obwakyabazinga obwo okugheebwa ekitiisa ku lw'abantu be Abaisiraeli.

2 Ebyomubyanda 2:15

Kale ni tugheereze engaano, ni sayiri, n'omuzigo ogw'ebibala eby'emiti emyoliva, n'omwenge ogw'emizabbibu, bye wasuubiza.

2 Ebyomubyanda 2:9

bantegekere emiti kamaala, kuba eisinzizo lye nja okuzimba lija kuba ikologho era nga irungi ebitaloodheka.

2 Ebyomubyanda 9:8

Musengwa Katonda wo asaakibwe, eyayoleka nga bw'akusiimye, n'akufuula kyabazinga, ofugenga mu liina lye. Musengwa Katonda oyo agonza inho abantu be Abaisiraeli era ayenda okubakuuma babeegho lubeerera, kyeyava n'akufuula kyabazinga waibwe, olamulenga mu mazima ni mu butuufu.”

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.

Ezera 7:22

Bamughenga nga tibaswisa kilo enkumi isatu na bina (3,400) edha feeza, ni kilo omutwalo mulala (10,000) edh'engaano, ni lita enkumi ibiri (2,000) edh'omwenge ogw'emizabbibu, ni lita enkumi ibiri (2,000) edh'omuzigo ogw'ebibala eby'emiti emyoliva, era bamughenga omuunhu gwonagwona ogwetaagibwa.

Luka 10:7

Mu ndhu yeene eyo mwe musulanga, mwalyanga era mwanhwanga bye babagha kuba omukozi agwana okusasulwa enkemba ye. Mutavanga mu ndhu kwira mu yindi.