2 Ebyomubyanda 19:8 - Baibuli Ekibono kya Katonda 2014

⁸ Ate mu Yerusalemu, Yehoshafati oyo yataamu Abalevi, ni bakabona, n'abandi ku bakulira enda mu Isiraeli, yaabagha okusalanga emisango egiizibwa ku Mateeka ga Musengwa Katonda, n'okulamulanga enkaayana mu bantu.

2 Ebyomubyanda 19:8 Iomraidhean Croise

1 Ebyomubyanda 23:4

Ku abo yaatoolaku emitwalo ebiri n'enkumi ina (24,000), yaabagha gwa kukolanga mu isinzizo lya Musengwa Katonda; akakaaga (6,000) yaabagha gwa kukulira banaibwe na kubalamula

1 Ebyomubyanda 26:29

Mu Balevi abaasimuka mu Izahara, mwalimu Kenania ni batabane be, abaagheebwa omulimo ogutali gwa mu isinzizo nga gwa kukulira banaibwe na kubalamula.

2 Ebyomubyanda 19:11

Era bona eno, Amaria Kabona Omukulu n'aidha okubalabiriranga mu byonabyona ebigemagana ni Musengwa Katonda. Ate Zebadia mutabane wa Ishimaeli akulira endhu ya Yuda, n'aidha okubalabiriranga mu ebyo ebigemagana ni kyabazinga. Olwo Abalevi bavunaanizibwenga okubona ng'ebinaabanga bisaliibwagho bituukirizibwa. Mubenga bagumu nga mukola omulimo ogwo, era Musengwa Katonda abenga ghalala n'abo abeesimbu.”

2 Ebyomubyanda 19:9

Agho yaabasikirira ng'abakoba ati: “Mugwaine mukolenga omulimo ogwo nga mutya Musengwa Katonda, nga muli beesigwa, era nga mukola n'omutima gwaimwe gwonagwona.

Zabbuli 122:5

Omwo bakyabazinga boonaboona abaajanga nga basikira kyabazinga Daudi, mwe baatyamanga okulamula abantu baibwe.

Ezekieli 44:24

Bwe ghanaabangagho enkaayana mu bantu, bakabona n'abanaalamulanga nga bajiira ku mateeka gange. Baidha kukuumanga embaga edh'ebibinuko byange bye nalagira, n'enaku dhange edha Sabbato entukuvu, nga bajiira ku mateeka gange n'ebiragiro byange.

Amateeka Agokubiri 21:5

Ni bakabona Abalevi boona banaajanga, kuba abo Musengwa Katonda waimwe be yalondamu okumugheerezanga, n'okusabiranga abantu enkabi mu liina lye. Era abo n'abasalagho ensonga dh'abakaayana, n'abatuusagainiaku ebiwundu.

Amateeka Agokubiri 25:1

Musa yaakoba Abaisiraeli ati: “Ghasobola okubaagho Abaisiraeli babiri nga bali n'enkaayana ghagati ghaibwe. Baaja y'abalamuzi baabagha ensala owundi yaasinga omusango, ate owundi gwamusinga.