2 Ebyomubyanda 19:2 - Baibuli Ekibono kya Katonda 2014

² Omulanzi ayetebwa Yehu, mutabane wa Hanani, yaaja okumweisuusaayo, era yaamukoba ati: “Obwo bwene, obona nga iwe ogwaniire okuyamba ababi n'okugonza abo abakyagha Musengwa Katonda? Ekyo ky'okoze kikuleeteire obusungu bwa Musengwa Katonda okukwidhira.

2 Ebyomubyanda 19:2 Iomraidhean Croise

1 Bakyabazinga 16:1

Agho Musengwa Katonda yaayogera ni Yehu mutabane wa Hanani, yaamugha obukwenda obw'okutwalira Baasha okumuvumirira, ati:

1 Bakyabazinga 16:12

Mu nsambo eyo, Zimuri yaazikiriza ab'endhu ya Baasha boonaboona, nga Musengwa Katonda bwe yayogera ng'abita mu mulanzi Yehu.

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

1 Bakyabazinga 22:44

Era Yehoshafati oyo yaakola endagaano ey'emiraala ni kyabazinga wa Isiraeli.

2 Ebyomubyanda 16:7

Mu kiseera ekyo, omulanzi Hanani yaaja ye kyabazinga Asa owa Buyudaaya, yaamukoba ati: “Olw'okuba weesiga kyabazinga wa Siria, waaloba kwesiga Musengwa Katonda wo, eigye lya Isiraeli likweibyeku lyakulumukaku.

2 Ebyomubyanda 18:1

Agho kyabazinga Yehoshafati owa Buyudaaya yaaba mukombe inho era nga wa kitiibwa. Yaataagho enkolagana ni kyabazinga Ahabu owa Isiraeli, ng'aleetagho okufumbiraganwa ghagati gh'ab'endhu ye n'ab'endhu ya Ahabu oyo.

2 Ebyomubyanda 18:28

Agho kyabazinga Ahabu owa Isiraeli ni kyabazinga Yehoshafati owa Buyudaaya, baaja okulumba ekibuga Ramothi eky'e Gileadi.

2 Ebyomubyanda 18:3

Ahabu yaabuuza Yehoshafati ati: “Onaaja ninze okulumba Ramothi eky'e Gileadi?” Yehoshafati yaamwiramu ati: “Nze n'iwe tuli kirala. Abantu bange n'ekirala n'ababo. Twidha kuja n'iwe.”

2 Ebyomubyanda 18:7

Kyabazinga wa Isiraeli yaakoba Yehoshafati ati: “Ghakaaligho mulala ye tusobola okubitamu okwebuuza ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

2 Ebyomubyanda 19:1

Agho kyabazinga Yehoshafati owa Buyudaaya yaira miraala mu kisaagaati kye eky'obwakyabazinga e Yerusalemu.

2 Ebyomubyanda 19:10

Baganda baimwe ababa mu bibuga ebindi bwe banaabaleeteranga emisango, ka gibe egy'obutemo, oba egy'okumenha amateeka n'ebiragiro, oba egy'obutatuukiriza byonabyona ebibalagirwa, mubagalagirenga balobe kwonoona ye Musengwa Katonda. Bwemutaakolenga mutyo, tomanha Musengwa Katonda bw'abasungughalira imwe ghalala ni baganda baimwe abo. Kale ni mukolenga mutyo, mulobenga kubaaku musango.

2 Ebyomubyanda 20:34

Ebindi byonabyona Yehoshafati bye yakola, okuva lwe yatoolera okufuga okutuuka lwe yakoma, byaghandiikibwa mu kitabo kya Yehu mutabane wa Hanani, era byamala byaingizibwa mu kitabo eky'Ebyafaayo bya Bakyabazinga ba Isiraeli.

2 Ebyomubyanda 24:18

Baava ku kusinzizanga mu isinzizo lya Musengwa Katonda, Katonda wa badhaadha baibwe, baira ku kusinzanga omusambwa omukazi Ashera n'ebisinzibwa ebindi ebitali Katonda. Era Musengwa Katonda oyo yaasungughalira Buyudaaya ni Yerusalemu, olw'omusango gwaibwe ogwo.

2 Ebyomubyanda 26:18

baamulobera nga bakoba bati: “Uzzia, ti mulimo gwo okuniokeza Musengwa Katonda obubbaani. Ogwo mulimo gwa bakabona ab'oku lulyo lw'Aaroni abaayawulibwa okubuniosanga. Fuluma mu kifo kino ekitukuvu kuba okoze kisobyo, era Musengwa Katonda taidha kukugha kitiibwa naire olw'ekyo ky'okoze.”

2 Ebyomubyanda 32:25

Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.

Zabbuli 15:4

Anhooma abo abatasanhusa Musengwa Katonda, aye yaata ekinhagansi mu abo abatya Musengwa Katonda. Atuukiriza bye yeeyamye, ni bwebimufiiriza takyusaamu.

Zabbuli 21:8

Aligema abazigu be n'omukono gwe; omukono gwe omusaadha guligema abo abamukyagha boonaboona.

Zabbuli 68:1

Wo Katonda, situkiramu osansaanie abazigu bo; abo abatakwenda balumuse embiro okuva mu maiso go.

Zabbuli 71:15

Omusana n'obwire ndidha kukoberanga abantu ebikolwa byo eby'obutuufu, mbakoberenga n'ebyo eby'obulokozi, waire nga tisobola kubitegeera kubimalayo.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Amosi 7:14

Amosi yairamu Amazia ati: “Nze tiri mulanzi akolerera empeera, waire okuba mu lulyo olw'abalanzi. Nze ndi mwayi era omulimi ow'emiti emitiini.

Yoanne 15:18

“Oba nga ensi ebakyagha, muteerabira nga ninze ensi ye yasooka okukyagha.

Yoanne 15:23

Akyagha nze, akyagha ni Lata wange yeena.

Ab'e Roma 1:18

Katonda alaga obusungu bwe okuva mu igulu ku bantu abatamutya era abakozi b'ebibi abataganha mazima kuboneka olw'ebikolwa byaibwe ebibi.

Ab'e Roma 1:30

Batema ku banaibwe ebibono, bakyagha Katonda, bavumagana, ba lunkulu, beesuuta, bayiiya amagezi ag'okukola ebibi, era batengugha abazaire baibwe.

Ab'e Roma 1:32

Waire nga baidhi nga eiteeka lya Katonda likoba liti abo abakola ebyo bagwaniire kufa, aye babikola. Ate tibakoma ku kubikola, kyonka aye basiima n'abo ababikola.

Ab'e Roma 8:7

Okwemalira ku by'omubiri kuleetera omuntu okuba omuzigu wa Katonda, nga tawulira mateeka ga Katonda, era bwene taghanga ku gawulira.

Ab'Efeso 5:11

Muteeyimbanga mu kukola bintu bya mu nzikiiza ebiziramu nsa abantu bye bakola, aye mubyatuukirizenga.

Amateeka Agokubiri 32:41

ndidha kubangula empiima yange emesunkana, ngikozese okuleetagho enkola entuufu. Ndidha kwesasuuliza ku bazigu bange, mbonereze abo abankyagha.

Amateeka Agokubiri 33:11

Wo Musengwa Katonda, baghenga enkabi bakombaghale. Siimanga bye bakola. Era osaaniengagho abazigu baibwe, abo ababakyagha balobenga kwiramu kusituka.”

Amateeka Agokubiri 5:9

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe n'abaidhukulu, okutuukira irala ku luse olwokusatu n'olwokuna.

Amateeka Agokubiri 7:10

Aye abamukyagha alibeesasuuza ng'abazikiriza. Talirwagho naire kubonereza muntu amukyagha.

Yakobo 4:4

Ye bano abatatya Katonda! Timwidhi ng'okuba bakagwa b'ensi kitegeeza kuba bazigu ba Katonda? Kiisi ayenda kuba mukagwa wa nsi aba yeefiire muzigu wa Katonda.

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)