2 Ebyomubyanda 19:11 - Baibuli Ekibono kya Katonda 2014

¹¹ Era bona eno, Amaria Kabona Omukulu n'aidha okubalabiriranga mu byonabyona ebigemagana ni Musengwa Katonda. Ate Zebadia mutabane wa Ishimaeli akulira endhu ya Yuda, n'aidha okubalabiriranga mu ebyo ebigemagana ni kyabazinga. Olwo Abalevi bavunaanizibwenga okubona ng'ebinaabanga bisaliibwagho bituukirizibwa. Mubenga bagumu nga mukola omulimo ogwo, era Musengwa Katonda abenga ghalala n'abo abeesimbu.”

2 Ebyomubyanda 19:11 Iomraidhean Croise

2 Ebyomubyanda 19:8

Ate mu Yerusalemu, Yehoshafati oyo yataamu Abalevi, ni bakabona, n'abandi ku bakulira enda mu Isiraeli, yaabagha okusalanga emisango egiizibwa ku Mateeka ga Musengwa Katonda, n'okulamulanga enkaayana mu bantu.

2 Timotheo 2:1

Iwe niini mwana wange, weekalangule ng'oyambibwa amaani agali mu kwisa ekirala mu Kurisito Yesu.

1 Ab'e Korintho 16:13

Mumogenga butatemya, munhwere mu kwikiriza, mube bagumu era ba maani.

Ebikolwa by'Abatume 11:24

Yali muntu mukalamu, ng'aidhwire Mwoyo Mutukuvu n'okwikiriza era abantu kamaala baasenga Musengwa.

Luka 23:50

Mperaano ghaaligho omusaadha ng'ayetebwa Yosefu ow'omu kibuga Arimathea eky'e Buyudaaya. Ono yali atyama ku lwekobaano olw'embuga nga musaadha mulungi era ng'akola bituufu.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Omulangirizi 2:26

Omuntu asiimya Katonda, Katonda amugha amagezi n'okumanha era n'eisanhu, aye omwonooni Katonda amugha gwa kusoloza nga bw'atereka obukombe, amale abughe oyo asiimya Katonda. Ekyo kyona muzira muganhulo, era kiri ng'oti kubinga mpewo ogigeme.

Ensambo 2:20

Mbeeni iwe jiiranga ku ky'okuboneraku eky'abantu abalungi, era gemanga engira edh'abatuufu.

Zabbuli 112:5

Wa nkabi omuntu oyo omugabi era awola baine empiiya, n'akola buli kintu mu mazima.

Zabbuli 37:23

Musengwa Katonda alabirira obulamu bw'omuntu, era oyo akola Musengwa Katonda by'ayenda, Musengwa Katonda amukuuma.

2 Ebyomubyanda 19:6

Era yaasikirira abalamuzi abo ati: “Mwegenderezenga bye mukola, kuba timulamula na bukumu bwa bantu buntu, aye mulamula ku lwa Musengwa Katonda aba aghalala n'imwe nga muli kusala emisango.

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

1 Ebyomubyanda 26:30

Mu Balevi abaasimuka mu Heburoni, mwalimu Hashabia n'aboluganda lwe ab'amaani, nga baghera lukumi na lusanvu (1,700). Abo baagheebwa omulimo ogw'okulabiriranga Isiraeli mu by'okusinza Musengwa Katonda ni mu kugheereza kyabazinga, mu kiketezo eky'oku luuyi lw'e bugwandhuba bw'omwiga Yorudani.

1 Ebyomubyanda 22:19

Kale ni, mperaano mugheerezenga Musengwa Katonda waimwe n'omutima gwaimwe era n'omwoyo gwaimwe gwonagwona. Musitukiremu, mutoolere okuzimba eisinzizo, musobole okutaamu Esanduuku y'Endagaano ya Musengwa Katonda, n'ebintu ebindi byonabyona ebitukuvu eby'okukozesa, bibenga mu isinzizo lyemuja okuzimba okumugheesa ekitiisa.”

1 Ebyomubyanda 22:16

mu zaabu, ni mu feeza, ni mu kyuma eky'ekikomo, era ni mu kyuma ekigumu einho. Situkiramu otoolere omulimo. Nsaba Musengwa Katonda abenga n'iwe.”

1 Ebyomubyanda 22:11

Daudi yaayongera okukoba ati: “Kale ni mwana wange, nsaba Musengwa Katonda wo abenga n'iwe, akughe enkabi oghange okumuzimbira eisinzizo nga bwe yakusuubiza.

1 Ebyomubyanda 6:11

Azaria yaazaala Amaria, Amaria yaazaala Ahitubu,

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

1 Ebyomubyanda 26:32

Agho Daudi yaalonda Yeriya oyo n'Abalevi abo abaamuliku oluganda, abasaadha abaali ab'amaani era abakulu b'enda dha baiseibwe, nga baghera enkumi ibiri na lusanvu (2,700). Yaabataagho okulabiriranga Abareubeni, n'Abagadi, n'ekitundu ku Bamanasse, mu by'okusinza Katonda n'okugheereza kyabazinga.

2 Ebyomubyanda 15:7

Aye imwe mugume bugume, mulobe kuwaamu maani, muligheebwa empeera olw'ebyo bye mukola.”

Ezera 7:5

Bukki oyo yaaba mutabane wa Abishua, Abishua oyo yaaba mutabane wa Finehasi, Finehasi oyo yaaba mutabane wa Eleazari, ate Eleazari oyo yaaba mutabane wa Aaroni Kabona Omukulu.

Yeremia 6:16

Musengwa Katonda yaakoba abantu be ati: “Mwemerere mu maagaanana g'engira, mulinge eno n'ere, mubuuze babooleke aghali obugira obw'eira, n'aghali engira enungi. Mutambulire omwo, olwo mufune emiraala.” Aye beene baakoba bati: “Busa, titwidha kutambulira omwo.”