2 Ebyomubyanda 17:9 - Baibuli Ekibono kya Katonda 2014

⁹ Baatwala ekitabo eky'Amateeka ga Musengwa Katonda, baaja nga babitabita mu bibuga byonabyona ebya Buyudaaya, nga beegeresa abantu amateeka ago.

2 Ebyomubyanda 17:9 Iomraidhean Croise

2 Ebyomubyanda 15:3

Abaisiraeli baamala ekiseera kinene nga bazira Katonda mwenemwene, era nga bazira kabona ayegeresa, waire okuba n'amateeka.

2 Ebyomubyanda 19:8

Ate mu Yerusalemu, Yehoshafati oyo yataamu Abalevi, ni bakabona, n'abandi ku bakulira enda mu Isiraeli, yaabagha okusalanga emisango egiizibwa ku Mateeka ga Musengwa Katonda, n'okulamulanga enkaayana mu bantu.

2 Ebyomubyanda 35:3

Yaakoba Abalevi abaayegeresanga abantu mu Isiraeli mwonamwona era abaalinga abatukuvu eri Musengwa Katonda, ati: “Mute Esanduuku entukuvu ey'Endagaano mu isinzizo, Solomoni mutabane wa kyabazinga Daudi owa Isiraeli lye yazimba. Tikikaabeetaagisa kugibbeederanga ku mabega gaimwe. Mpegaano mugheereze Musengwa Katonda waimwe n'abantu be Abaisiraeli.

Nehemia 8:7

Agho abantu baasigala mu bifo byaibwe, Yeshua, ni Bani, ni Sherebia, ni Yamini, ni Akkubu, ni Shabbethai, ni Hodia, ni Maaseia, ni Kelita, ni Azaria, ni Yozabadi, ni Hanani, ni Pelaia, n'Abalevi, bainhonhola abantu abo amateeka.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Matayo 10:23

Era bwe babakiriganga nga muli mu kibuga kino, mulumukiranga mu kindi kuba bwenebwene mbakobera: Timulimaza bibuga bya Isiraeli ng'Omwana w'Omuntu akaali kwidha.

Matayo 11:1

Agho Yesu bwe yamaliriza bye yagalagira Abeegeresebwa be Eikumi n'Ababiri, yaava agho yaaja okulangirira n'okwegeresa abantu mu bibuga byaibwe.

Yoanne 5:39

“Mwagaaza mu Byaghandiikibwa nga mudhuuba muti mu ebyo mwe munaafunira obulamu obutawaagho, ate nga Ebyaghandiikibwa byene ebyo bindhulira,

Yoanne 5:46

kuba nguli mwaikiriza Musa zeena mwandindhikiriiza, kuba yaghandiika ku nze.

Ebikolwa by'Abatume 13:15

Ebyaghandiikibwa mu Mateeka ni mu balanzi bwe byawa okusomebwa, abakulu ba sinagoga baabeeta nga babakoba bati: “Aboluganda, oba nga muli n'ekibono eky'okulamba abantu mukyogere.”

Ebikolwa by'Abatume 15:21

Kuba Amateeka ga Musa okuva eira n'eira gasomebwa ku buli Sabbato mu sinagoga era googerebwaku mu buli kibuga.”

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ebikolwa by'Abatume 8:40

Filipo yaaboneka mu Azoto, yaabitabita mu bibuga byonabyona ng'aja ng'akobera abantu Amawulire Amalungi okutuuka e Kaisaria.

Ab'e Roma 3:2

Kugasa inho mu buli nsambo. Ekisooka, Abayudaaya Katonda be yasooka okugemya ekibono kye.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.