2 Ebyomubyanda 17:3 - Baibuli Ekibono kya Katonda 2014

³ Musengwa Katonda yaagha Yehoshafati enkabi, kuba yajiiranga ku mpisa enkalamu edha lata we edhaasooka, yaaloba kusinzanga emisambwa egyetebwa Baali.

2 Ebyomubyanda 17:3 Iomraidhean Croise

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

2 Samueli 5:10

Daudi oyo yaajanga nga yeeyongera okuba omukologho, kuba Musengwa Katonda Afuga Amagye yali ali naye.

2 Samueli 8:15

Kale atyo Daudi yaafuga Isiraeli yoonayoona, yaakoleranga abantu be ebintu mu butuufu ni mu mazima.

1 Bakyabazinga 11:6

Kale mu nsambo eyo Solomoni yaakola ekibi eri Musengwa Katonda, yaaloba kugumira ku Musengwa Katonda oyo, nga lata we Daudi bwe yamugumiraku.

1 Bakyabazinga 22:43

Yehoshafati oyo yali wa mpisa nkalamu era nga tadhivaaku, ng'oti n'ise bweyali. Yaakolanga ebirungi Musengwa Katonda by'asiima, aye ebifo ebigulumivu eby'okusinzizaamu tiyabitoolagho. Abantu baasigala nga bakaagheerayo eyo emisengo era nga bakaaniokeza eyo obubbaani mu bifo ebyo.

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

2 Bakyabazinga 14:3

Amazia yakola ebituufu Musengwa Katonda by'asiima, aye tiyatuuka ku ebyo dhaadha we Daudi bye yakola. Amazia oyo yakola ebyo byonabyona lata we Yoashi bye yakolanga.

2 Bakyabazinga 16:2

Yali agheza emyaka amakumi abiri egy'obukulu, era yaafuga okumala entangama ya myaka ikumi na mukaaga mu Yerusalemu. Tiyajiiranga ku mpisa nungi edha dhaadha we Daudi, eyakolanga ebituufu Musengwa Katonda we by'asiima.

2 Bakyabazinga 18:3

Yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

2 Bakyabazinga 22:2

Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

1 Ebyomubyanda 22:18

Yaakoba ati: “Musengwa Katonda waimwe ali ghalala n'imwe, era abaghaire emiraala ku ndhuyi dhoonadhoona. Yansobozesa okughangula abantu abaabanga mu nsi eno, era mpegaano bagondera Musengwa Katonda n'imwe abantu be.

2 Ebyomubyanda 14:11

Asa yaasaba Musengwa Katonda we ng'akoba ati: “Wo Musengwa Katonda, ezirayo ali ng'oti niiwe mu kuyamba abanafu n'ab'amaani. Wo Musengwa Katonda waife, tuyambe ife, kuba niiwe ye twesiga era twidhie mu liina lyo okulwanisa eigye lino einene liti. Wo Musengwa Katonda, niiwe Katonda waife. Otaikiriza muntu kukughangula naire.”

2 Ebyomubyanda 15:2

Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 17:2

Yaata amagye mu bibuga bya Buyudaaya byonabyona ebyezungulwirwa ebimante ebigumu. Ni mu biketezo bya Buyudaaya eby'omu byalo yaataayo enkambi dh'abalwani, ni mu bibuga by'omu Efuraimu lata we Asa bye yanhaga, mwona yaataamu enkambi dh'abalwani.

2 Ebyomubyanda 17:4

Yaasinzanga Katonda owa lata we ng'agema ebiragiro bye, yaaloba kujiiranga ku ebyo abantu ab'omu Isiraeli bye baakolanga.

2 Ebyomubyanda 20:32

Yehoshafati oyo yali wa mpisa nkalamu era nga tadhivaaku, ng'oti ni lata we Asa bweyali. Yaakolanga ebirungi Musengwa Katonda by'asiima.

2 Ebyomubyanda 21:12

Agho omulanzi Eliya yaagheereza Yeroboamu embaluwa ng'ekoba eti: “Musengwa Katonda, Katonda wa dhaadha wo Daudi akoba ati, waloba okwebisanga obukalamu nga lata wo Yehoshafati bwe yakolanga, era nga dhaadha wo Asa kyabazinga wa Buyudaaya yeena bwe yakolanga.

2 Ebyomubyanda 22:9

Yaalagira baayagaaza woonawoona nga banoonia Ahazia, era baamugema nga yeegisiisa mu Samaria. Baamuleeta eri Yehu, baamwita, era baamuziika olw'okuba baakoba bati: “Ono mwidhukulu wa Yehoshafati eyafubanga einho okugheereza Musengwa Katonda n'omwoyo omulala.” Mu b'endhu ya Ahazia timwasigalamu muntu asobola kufuga bwakyabazinga.

2 Ebyomubyanda 27:6

Kale Yothamu yaafuuka wa maani, kuba yagonderanga Musengwa Katonda we.

2 Ebyomubyanda 29:2

Hezekia yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

2 Ebyomubyanda 34:2

Yosia oyo yaakolanga ebituufu Musengwa Katonda by'asiima, yaajiira ku mpisa enkalamu edha dhaadha we Daudi, yaaloba kukyuka kudhireka kwira eno oba ere.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 4:12

Mperaano ni ja, nze mwene ndikozesa omunwa gwo, era ndikugha eby'okwogera.”

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Yeremia 2:23

Musobola mutya okukoba muti, ‘Titubangaku boonoonefu, era titusinzangaku musambwa Baali?’ Mubone nga bwe mwebisa obubi mu kiiko, mutegeere bye mwakola. Muli ng'oti ngamiya ebbaamuuse n'erumukira eno n'ere.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 25:16

Eyafuna talanta eitaanu yaja mangu ago yaadhisuubuza, yaazaazaamu talanta edhindi itaanu.

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

2 Timotheo 4:22

Musengwa abe n'omwoyo gwo. Enkabi dha Katonda dhibe n'imwe mwenamwena.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Abalamuzi 2:11

Agho Abaisiraeli baayonoona ye Musengwa Katonda, baasinza emisambwa egyetebwa Baali.

Abalamuzi 2:18

Musengwa Katonda bwe yateerangagho Abaisiraeli omukulembeze, Musengwa Katonda oyo ng'aba ghalala n'omukulembeze oyo, era yaawonianga abantu abazigu baibwe, ekiseera kyonakyona omukulembeze oyo kye yamalanga ng'akaali mulamu. Musengwa Katonda yabagemerwanga ekivunika, kuba baasindanga olw'abo abaabadaazadaazanga ni babatuntuza.

Abalamuzi 6:12

Agho malaika wa Musengwa Katonda yaamubonekera, yaamukoba ati: “Musengwa Katonda ali n'iwe, iwe omusaadha ow'amaani era omuzira.”

Abalamuzi 8:33

Gideoni nga yaakafa, Abaisiraeli baakyuka kabiri, bairamu obutaba beesigwa ye Katonda. Baasinzanga Baali, era baafuula Baali Berithi okuba omusambwa gwaibwe.

1 Samueli 18:12

Saulo yaatya Daudi, kuba Musengwa Katonda yali ng'ali ni Daudi oyo, aye ng'aviire ku Saulo.

1 Samueli 18:14

Byonabyona Daudi bye yakolanga nga bimujiira bukalamu, kuba Musengwa Katonda yalinga ghalala naye.

1 Samueli 18:5

Daudi yaajanga, yaakolanga bukalamu buli kintu Saulo kye yamutumanga okukola. Kale Saulo yaamufuula omukulu w'abaisirukale. Ekyo kyasangaaza inho abagheereza ba Saulo n'abantu boonaboona.