2 Ebyomubyanda 17:11 - Baibuli Ekibono kya Katonda 2014

¹¹ Abandi ku Bafilisiti baaleetera Yehoshafati ebirabo era baamugha ni feeza ng'omusolo. Abawarabu boona baamugha entaama enume kasanvu na lusanvu (7,700), n'embuzi enume dhoona kasanvu na lusanvu (7,700).

2 Ebyomubyanda 17:11 Iomraidhean Croise

2 Samueli 8:2

Bwe yamala yaaghangula Abamoabu. Yaabalambaaza ghansi mu nhiriri isatu. Olwo yaitaku enhiriri eibiri, yaalekagho lulala. Agho Abamoabu baafuuka bagheereza ba Daudi, era nga bamughanga omusolo.

1 Bakyabazinga 5:1

Agho kyabazinga Hiramu ow'e Tiro yaawulira nga Solomoni asiigiibwa omuzigo, okusikira lata we ku bwakyabazinga. Kale yaasindika abagheereza be ye Solomoni, kuba Hiramu oyo yali mukagwa wa Daudi okuva eira.

2 Bakyabazinga 3:4

Ghaabaagho Mesha kyabazinga wa Moabu eyali omwayi w'entaama. Buli mwaka ng'ali n'okugha kyabazinga wa Isiraeli entaama ento emitwalo ikumi (100,000), n'obuviiri obwavanga ku ntaama emitwalo ikumi (100,000) enume.

2 Ebyomubyanda 17:12

Yehoshafati yaaja nga yeeyongera okuba ow'amaani, yaazimba ebifo eby'okwewogomamu, n'ebibuga ebyalimu amaterekero,

2 Ebyomubyanda 17:5

Kale Musengwa Katonda yaaleetera obwakyabazinga bwa Yehoshafati okukakata, era abantu b'omu Buyudaaya boonaboona baaleeteranga Yehoshafati oyo omusolo, yaakombaghala era yaaba wa kitiibwa inho.

2 Ebyomubyanda 21:16

Era Musengwa Katonda yaasiikuula obusungu bw'Abafilisiti n'obw'Abawarabu abaalinga nga baba kumpi n'Abaethiopia, yaabaleetamu omwoyo ogw'okulwanisa Yehoramu.

2 Ebyomubyanda 26:8

Abammoni baamughanga omusolo, era yaamanhikana inho okutuukira irala ku nsalosalo ni Misiri, kuba yafuuka wa maani inho.

2 Ebyomubyanda 9:14

nga tobaliireeku oyo eyavanga mu musolo abasuubuzi gwe baasasulanga, ni mu mpooza ku bitundibwa. Ni bakyabazinga boonaboona ab'e Buwarabu, n'abafuzi ab'ebiketezo mu nsi eyo, boona baaleeteranga Solomoni zaabu ni feeza.

2 Ebyomubyanda 9:24

Buli eyaidhanga, ng'aleeta ekirabo: ebintu bya feeza n'ebya zaabu, ebivaalo, obuwoowo, embalaasi, n'enhumbu. Baaleetanga ebintu ebyo mu bungi buli mwaka.

Isaia 13:20

Tikiriiramu kabiri kubaamu bantu. Tighalibaagho Muwarabu asimbayo weema, waire okubaagho omwayi ayayirayo ebyayo bye.

Ezekieli 27:21

Ab'e Arabia n'abakungu boonaboona ab'e Kedari, baakuleeteranga entaama n'embuzi, mwasuubulagananga bukalamu.