2 Ebyomubyanda 16:9 - Baibuli Ekibono kya Katonda 2014

⁹ Musengwa Katonda abona mu nsi mwonamwona buli kiseera, asobole okugha amaani abo ab'emyoyo egimwesiga. Kale kino ky'okoze kya kisiru. Okuva n'olwaleero oidha kubanga mu kulwana ntalo.”

2 Ebyomubyanda 16:9 Iomraidhean Croise

Amainhama 31:28

Tiwanganha na kwevumba ku baidhukulu bange ni baghala bange nga mbasiibula. Ekyo wakola kya busiru.

2 Samueli 24:10

Aye Daudi bwe yamala okubala abantu yeeraliikirira mu omwoyo, yaakoba Musengwa Katonda ati: “Wo Musengwa Katonda nhonoine inho olw'ekyo kye nkoze. Era buti nkweghembye ntoolaaku ekibi ekyo nze omugheereza wo, kuba nkoze kya busiru inho.”

1 Bakyabazinga 15:32

Kyabazinga Asa ni kyabazinga Baasha owa Isiraeli, bombi baalwanagananga mu ntalo ebiseera byonabyona eby'obufuzi bwaibwe.

2 Bakyabazinga 20:3

“Wo Musengwa Katonda, nkweghemba oidhukire nga bwe mbairenga omwesigwa y'oli, nga ngondera by'ondagira n'omwoyo mulala, era nga nfuba buliidho okukola by'osiima.” Hezekia oyo yaatimbuka, yaalira inho amaziga.

1 Ebyomubyanda 21:8

Daudi yaasaba Katonda ati: “Wo Musengwa Katonda nhonoine inho olw'ekyo kye nkoze. Era nkweghembye ntoolaaku ekibi ekyo nze omugheereza wo, kuba nkoze kya busiru inho.”

2 Ebyomubyanda 15:17

Aye waire Asa oyo tiyamaliragho irala mu Isiraeli bifo bigulumivu bye baasinzizangamu, obulamu bwe bwonabwona yali mwesigwa ye Musengwa Katonda.

2 Ebyomubyanda 15:19

Tighaalighooku lutalo kabiri, okutuusa mu mwaka ogwasatu n'etaanu (35) ogw'obufuzi bwa Asa oyo.

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

2 Ebyomubyanda 19:9

Agho yaabasikirira ng'abakoba ati: “Mugwaine mukolenga omulimo ogwo nga mutya Musengwa Katonda, nga muli beesigwa, era nga mukola n'omutima gwaimwe gwonagwona.

2 Ebyomubyanda 6:20

Kuumanga eisinzizo lino omusana n'obwire, kuba kino n'ekifo kye wakoba oti mwe banaakusinzizanga. Nkweghembye wulirisanga bye nnaakusabanga nze omugheereza wo, nga ningiriire eisinzizo lino.

Ezera 5:5

Aye Katonda yaakuuma abakulembeze ab'Abayudaaya, kale abakungu abo ab'e Perusia baaloba kubalobera kuzimba, nga benda bagheereze kyabazinga Dario amawulire ago, era abairemu mu bughandiike memale.

Yobu 28:24

Kuba n'atuusa amaiso mu buli kankondo ka nsi, n'abona buli kantu akali ghansi gh'eigulu.

Yobu 31:4

Katonda tabona bwe neebisa, era tabona buli kigere kye nsitula?

Yobu 34:21

Alingirira ensambo omuntu ye yeebisaamu, era abona buli kigere ky'asitula.

Zabbuli 113:6

n'alinga ghansi ku biri mu igulu ni ku nsi?

Zabbuli 33:14

Ng'ali ku kityamo kye eky'obwakyabazinga, alingirira abantu boonaboona ababa ku nsi.

Zabbuli 33:15

Oyo eyawumba emyoyo gy'abantu boonaboona, ategeera byonabyona bye gikola.

Zabbuli 33:18

Bona eno, Musengwa Katonda alabirira abo abamutya, era abo abasuubirira mu kugonza kwe okutakoma

Zabbuli 34:15

Amaiso ga Musengwa Katonda tigava ku batuufu, era talekera kuwulirisa kusaba kwaibwe.

Zabbuli 37:37

Weekalirisenga omuntu aziraku musango era omutuufu; omuntu ayenda emiraala tabula izaire.

Ensambo 15:3

Eriiso lya Musengwa Katonda ghazira ghe litabona, alingirira abalungi n'ababi.

Ensambo 5:21

Musengwa Katonda abona buli muntu ky'akola, era yeekalirisa ensambo ye yeebisaamu.

Isaia 31:1

Bakagwireku abo abaja e Misiri okufunayo obuyambi, abeesiga embalaasi dhaayo, ni beesiga n'abavuzi baadho olw'okuba ab'amaani, era ni beesiga n'ebigaali byayo eby'omu lutalo olw'okuba ebingi einho. Aye ni baaloba okwesiga Musengwa Katonda Omutukuvu wa Isiraeli, waire okumwebuuzaaku abayambe!

Yeremia 16:17

Buli kye bakola nkibona, ghazira kye basobola kungisa. Buli kibi kye bakola nkibona bukalamu.

Yeremia 32:19

Okola entegeka edh'amagezi agataloodheka, era waakola eby'amaani. Obona ebintu byonabyona abantu bye bakola, era waabasasulamu ng'ojiira ku bikolwa byaibwe.

Yeremia 5:1

Imwe abantu b'omu Yerusalemu, muje eno n'ere nga mubitabita mu nguudo dh'ekibuga kyaimwe kino Yerusalemu. Muje nga mwetegereza buli kye mubona, mwagaaze mu mpya dh'ekibuga mubone oba nga munaabonayo omuntu waire omulala ati, akola ebituufu era ajiira ku mazima. Bwemunaamubona, ndidha kusonigha ekibuga kino.

Yeremia 5:21

Muwulire kino imwe abantu abasiru era abatategeera. Muli n'amaiso aye timubona, era muli n'amatu aye timuwulira.

Yeremia 5:3

Wo Musengwa Katonda, bwenebwene iwe onoonia mazima. Wabakuba aye baaloba kuwulira, waabatyankatyanka kwenda kubazikiriza, aye baaloba kweiraku. Baakalangusa emyoyo gyaibwe okusinga n'olubaale baaloba kwenenia naire.

Zekaria 4:10

Abo boonaboona ababaire bawoiremu amaani olw'okubona ng'ebintu biri kuja kasoobo, baja kusangaala nga baboine Zerubbabeli bw'ali kuja mu maiso n'okuzimba eisinzizo.”

Matayo 5:22

Aye nze mbakoba nti, buli muntu alikoba muganda we ati, ‘Raka,’ alisalirwa omusango mu mbuga ate oyo alikoba ati, ‘Musiru iwe’, alisalirwa omusango gwa kusuulibwa mu muliro gwa geyeena.”

Luka 12:20

Aye Katonda yaamukoba ati, ‘Musiru iwe! Obwire bwaleero omwoyo gwo guja kukutoolebwaku, olwo ebyo by'otegeike bija kuba by'ani?’

1 Ab'e Korintho 15:36

Musiru iwe! Mu kusiga, ensigo y'osiga emala kufa memale yaamera.

Ab'e Galatia 3:1

Imwe abantu ab'e Galatia abazira magezi, muli baloge? Abantu abainhonholwa obukalamu, ni mubona Yesu Kurisito nga bwe yakomererwa ku musalaba!

Abaheburayi 4:13

Ghazira kitonde kisobola kugisibwa mu maiso ge. Ebintu byonabyona mu maiso ge byerule era biboneka. Era y'oyo buli muntu aja kwewozaaku kiisi kye yakola.

1 Petero 3:12

kuba amaiso ga Musengwa tigava ku batuufu, era talekera kuwulirisa kusaba kwaibwe. Aye abo abakola obubi abakambughalira.”

1 Samueli 13:13

Samueli yaakoba Saulo ati: “Ekyo okoze kya busiru. Togemye kiragiro kya Musengwa Katonda wo kye yakugha. Ngoli okigemye, Musengwa Katonda yandibaire mpegaano nga yamala ira okuleetera obwakyabazinga bwo okukakata, bwabanga bwa nsikirano mu Isiraeli enaku dhoonadhoona.