2 Ebyomubyanda 16:4 - Baibuli Ekibono kya Katonda 2014

⁴ Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli. Baagema ebibuga bino: Iyoni, ni Dani, ni Abeli Maimu, n'ebibuga bya Nafutali byonabyona ebyalimu amaterekero.

2 Ebyomubyanda 16:4 Iomraidhean Croise

Amainhama 14:14

Aburamu bweyawulira nga batwaire owoluganda lwe nga munhage, yaaja n'abasaadha be abalwani, abaazaalirwa mu ndhu ye, ebikumi bisatu na ikumi na munaana, baabingirira bakyabazinga bale abana okutuuka e Dani.

1 Bakyabazinga 15:20

Agho Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli, yaagema ebibuga bino: Iyoni, ni Dani, ni Abeli Bethi Maaka, ni Kinnerothi, n'ekiketezo kyonakyona ekya Nafutali.

1 Bakyabazinga 9:19

n'ebibuga bye ebyalimu amaterekero, n'ebibuga mwe yakuumiranga ebigaali bye eby'omu lutalo, n'ebibuga by'abasaadha be abavuzi b'embalaasi, n'ebindi byonabyona Solomoni bye yayenda okuzimba mu Yerusalemu ni mu Lebanoni, n'aghandi woonawoona mu biketezo bye yali afuga.

2 Bakyabazinga 16:9

Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

2 Ebyomubyanda 16:3

“Ka tukole endagaano ey'enkolagana ey'aghalala, nga balata baife ye baakola. Bona eno, nkugheereiza feeza ni zaabu. Ja omenhegho endagaano yo ey'enkolagana ni kyabazinga Baasha owa Isiraeli, olwo abe ng'ali n'okutoola amagye ge mu kiketezo kyange.”

2 Ebyomubyanda 16:5

Kyabazinga Baasha bwe yawulira ebigwiregho, yaalekera agho okuzimba ekimante ekigumu okwezunguluza ekibuga Rama, yaakomya agho omulimo ogwo.

2 Ebyomubyanda 17:12

Yehoshafati yaaja nga yeeyongera okuba ow'amaani, yaazimba ebifo eby'okwewogomamu, n'ebibuga ebyalimu amaterekero,

2 Ebyomubyanda 8:6

Era yaazimba ekibuga Baalathi, n'ebibuga bye ebyalimu amaterekero, n'ebibuga mwe yakuumiranga ebigaali bye eby'omu lutalo, n'ebibuga by'abasaadha be abavuzi b'embalaasi, n'ebindi byonabyona Solomoni bye yayenda okuzimba mu Yerusalemu ni mu Lebanoni, n'aghandi woonawoona mu biketezo bye yali afuga.

Okuvaayo 1:11

Kale baabataaku Abamisiri abaabasaliranga amakatala, baabakozesanga emirimo emikalangufu. Batyo Abaisiraeli baazimbira Kyabazinga wa Misiri ebyagi ebikologho eby'okuterekangamu emere mu bibuga Pithomu ni Raamusesi.

Isaia 9:1

Bazira ngeri ye baliwonamu lunaku lwa kabi olwo. Ebika bya Zebuluni n'ebya Nafutali eira byanhoomebwanga, aye ye bwidha ekiketezo ekyo kiriba kya kitiisa, okuviira irala ku Nhandha Eyaghagati okuja okutuuka e buvandhuba ng'osomoike Yorudani, n'okutuukira irala e Galilaaya abamaghanga agandi ye baba.

1 Timotheo 6:10

Kuba okwenda einho empiiya, n'ekikolo okusibuka ebibi byonabyona. Era okuba n'amairu gaadho amangi kuleeteire abandi okudaaliima n'okuva ku kwikiriza, beereetera okudaagadaaga okw'amaani.

2 Petero 2:15

Baaleka engira entuufu, baadaaliima, baagema engira ya Balaamu omulanzi, omwana wa Beori eyagonza einho eby'obufuni ni bimukoza n'ebisobu.

Abalamuzi 20:1

Agho Abaisiraeli boonaboona, okuva mu kiketezo kya Dani okutuuka e Beerisheba, n'okuva e Gileadi, beesoloza ghalala nga bali kitole mu maiso ga Musengwa Katonda e Mizipa.