2 Ebyomubyanda 15:7 - Baibuli Ekibono kya Katonda 2014

⁷ Aye imwe mugume bugume, mulobe kuwaamu maani, muligheebwa empeera olw'ebyo bye mukola.”

2 Ebyomubyanda 15:7 Iomraidhean Croise

Amainhama 15:1

Ebyo nga bimaze okubaagho, Aburamu yaawulira Musengwa Katonda mu kirooto, ng'amukoba ati: “Aburamu, otatya. Nze ndidha kubanga ngabo yo nkuwonie ebizibu, era ndidha kukugha empeera nnene.”

1 Ebyomubyanda 28:20

Agho Daudi yaakoba mutabane we Solomoni ati: “Guma omwoyo obe mumalirivu, okole omulimo ogwo. Otatyanga era otawangamu maani, kuba Musengwa Katonda wange ali ghalala n'iwe. Talikuvaaku, waire okukulekulira agho, aidha kubanga ghalala n'iwe akusobozese okumaliriza omulimo gwonagwona ogw'okukola ku isinzizo lye.

2 Ebyomubyanda 19:11

Era bona eno, Amaria Kabona Omukulu n'aidha okubalabiriranga mu byonabyona ebigemagana ni Musengwa Katonda. Ate Zebadia mutabane wa Ishimaeli akulira endhu ya Yuda, n'aidha okubalabiriranga mu ebyo ebigemagana ni kyabazinga. Olwo Abalevi bavunaanizibwenga okubona ng'ebinaabanga bisaliibwagho bituukirizibwa. Mubenga bagumu nga mukola omulimo ogwo, era Musengwa Katonda abenga ghalala n'abo abeesimbu.”

2 Ebyomubyanda 32:7

“Mube bagumu era nga muli bamalirivu. Mutatya era mutawaamu maani olw'okubona kyabazinga w'e Assiria, oba olw'okubona eigye lye einene, kuba ife tuli n'ali n'amaani okusinga abo.

Zabbuli 19:11

Ate era mu kusala omusango okwa iwe Musengwa Katonda, ole akugondera mw'alabulirwa, n'ole akwekuuma mw'afunira empeera enene.

Zabbuli 27:14

Weesige Musengwa Katonda otawaamu maani, guma omwoyo. Bwenebwene weesige Musengwa Katonda.

Zabbuli 58:11

Agho abantu ghe balikobera bati: “Bwenebwene Katonda asasula abatuufu yaabasiima; bwenebwene eriyo Katonda asala emisango ku nsi.”

Yeremia 31:16

Aye nze Musengwa Katonda nkoba nti lekera agho okulira, weeyeye amaziga mu maiso. Byonabyona bye wakolera abaana bo biidha kukusasulwamu empeera, kuba baliira okuva mu nsi ey'abazigu.

Danieli 10:19

Yankoba ati: “Iwe oli mugonzi inho ye Katonda, kale otatya. Ba mugumu era emiraala gibe n'iwe.” Bwe yankoba atyo, neeyongera okuwulira mule amaani era naamukoba nti: “Musengwa, yogera, kuba buti ondhiziizaamu amaani.”

Zekaria 8:9

“Mugume imwe abali kuwulira mpegaano ebibono bino abalanzi bye baakoba, mu biseera abazimbi bye baateeragho omusingi ogw'eisinzizo lyange, nga lija okwiramu okuzimbibwa.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Matayo 5:46

kuba bwe mugonza abo ababagonza mufunamu ki? Abaghooza boona tibwebakola?

Matayo 6:1

“Mwegendereze ebikolwa byaimwe ebirungi obutabikola mu maiso ga bantu nga mwenda bababone, kuba bwe mukola mutyo timulifuna mpeera wa Iseimwe ali mu igulu.

Matayo 6:18

olobe kuboneka mu bantu ng'osiiba, aye Lata wo ali mu ngiso n'abe akubone oyo Lata wo abona eby'ekyama alikugha empeera.

Matayo 6:4

Kityo ni ky'ogabye kyaba kya kyama era Lata wo abona eby'ekyama alikugha empeera.

Matayo 6:6

Aye iwe bw'obanga ng'osaba, ongiranga mu kisenge kyo waigalagho olwigi, memale ni waasaba Lata wo oyo ataboneka. Era Lata wo oyo abona eby'ekyama alikugha empeera.

Luka 6:35

“Aye imwe, mugonzenga abazigu baimwe, mubakolenga bukalamu, era muwolenga nga ghazira kye musuubirayo olwo empeera yaimwe eriba nnene. Muliba baana b'oyo Ali Ghaigulu Yeene kuba oyo alaga abatasiima n'aboonooni ekisa.

1 Ab'e Korintho 15:58

Agho ni aboluganda abagonzi, mwekalangule era mube bagumu. Mukolenga buliidho omulimo gwa Musengwa waife nga mwidhi nti ghazira kye mufaabiikanira Musengwa kifa busa.

1 Ab'e Korintho 16:13

Mumogenga butatemya, munhwere mu kwikiriza, mube bagumu era ba maani.

1 Ab'e Korintho 3:14

Omuzimbi aligheebwa empeera, kye yazimbira ku musingi bwe kirisigala nga tikyokeibwa muliro.

1 Ab'e Korintho 3:8

Oyo asimba ayagayaga n'oyo afukirira era Katonda alisasula buli muntu olw'omulimo gwe yakola.

Ab'Efeso 6:10

Ekisembayo, mube bagumu mu Musengwa, n'obuyinza bwe obw'amaani.

Ab'e Kolosai 3:24

nga mwidhi muti Musengwa n'alibagha empeera, kuba Kurisito ni Musengwa ye mugheereza.

Abaheburayi 10:35

Kale mutasuula ere kumwesiga kwaimwe, kuba kulimu empeera nnene.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Yoshua 1:6

Banga mumalirivu era atatya. Niiwe oja okukulemberamu abantu bano obaleetere okutwala ensi ye nabasuubiza okubagha nga mbita mu badhaadha baibwe.

Yoshua 1:7

Iwe ky'oli n'okukola, n'okuba n'obumalirivu era n'obutatya nga weegendereza okugondera amateeka goonagoona, omugheereza wange Musa ge yakugha. Togavangaku waire akatono kati, olwo buli kintu kiidha kukujiiranga bukalamu woonawoona.

Yoshua 1:9

Oteerabira kye nkulagiire nti: Banga mumalirivu era atatya, otatiribiranga oba okuwaamu amaani, kuba Nze Musengwa Katonda wo ndidha kubanga n'iwe buli gh'oja.”

Yoshua 14:14

Ni ye buli eno Heburoni n'obutaka obwa baidhukulu ba Kalebu mutabane wa Yefunne Omukenizzi, olw'okuba yawulira era yaagondera Musengwa Katonda, Katonda wa Isiraeli.

2 Yoanne 1:8

Mwekuume, mulobe kusubwa ekyo kye mwakolerera, aye mufune empeera yaimwe mu bwidhuvu.

Ruthi 2:12

Nsaba Musengwa Katonda akughe ebirungi olw'ebyo bye wakola Musengwa Katonda oyo owa Isiraeli ye waidha okwewogomamu.”