2 Ebyomubyanda 15:6 - Baibuli Ekibono kya Katonda 2014

⁶ Tighaaligho kwegaita: ng'ekiketezo kino kirwanisa kire, ate ekibuga kire kyalwanisa ekindi, kuba Katonda yabatuusa ku kudaazibwadaazibwa yaabaleetera okweraliikirira okutakobeka.

2 Ebyomubyanda 15:6 Iomraidhean Croise

2 Ebyomubyanda 12:15

Ebindi byonabyona Rehoboamu bye yakola, okuva lwe yatoolera okufuga okutuuka ku nkomerero, byaghandiikibwa mu Kitabo eky'Ebyomubyanda eby'omulanzi Shemaia n'omulanzi Iddo. Ekiseera ekyo kyonakyona, ghaabangagho entalo edhomwidhirano ghagati gha Rehoboamu ni Yeroboamu.

2 Ebyomubyanda 13:17

Abiya n'eigye lye, baaghangulira irala Abaisiraeli era Abaisiraeli abo baafiirwa abalwani baibwe ab'amaani einho, abaghera emitwalo amakumi ataanu (500,000).

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 36:17

Agho Musengwa Katonda yaaleeta kyabazinga w'e Babilonia okwidha okubalwanisa, yaitira abaana baibwe abaakaisuka ni mu isinzizo mwene, aghazira kusaasira muntu waire omulala k'abe mukulu oba muto, musaadha oba mukazi, mulamu oba mulwaire. Musengwa Katonda yaabaghaayo boonaboona mu ngalo edh'abazigu.

Zabbuli 106:41

Kyeyava n'abaleka mu buyinza bw'abamaghanga agandi, abantu abo baabafuga n'enfuga embi.

Isaia 10:6

Ndituma Assiria oyo okulumba eighanga eritantya, era naamulagira okulwanisa abantu abandeeteire okusungughala. Ndimutuma yaanhaga ebintu by'abantu abo, era yaabatyankirira ng'oti bityanka bya mu nguudo.

Isaia 19:2

Musengwa Katonda akoba ati: “Ndisiikuula Abamisiri baalwanagana beene na beene, aboluganda baalwanagana beene na beene, ab'omuliiraano baalwanagana beene na beene, ebibuga byalwanagana buli kirala ni kiinaakyo, ni bakyabazinga baalwanagana buli mulala ni mwine.

Yeremia 25:32

Musengwa Katonda Afuga Amagye akoba ati: “Bona, akabi kali kwidhira amaghanga irala ku irala, nga kava ku lino kaaja ku lire. Kiwunga ow'amaani ali kusiikuuka ere eghala ensi y'ekanga.

Amosi 3:6

Eigwala eriraalika olutalo, lifuuyibwa mu kibuga abantu baaloba kutya? Akabi kagwa ku kibuga nga Musengwa Katonda ti n'akasindiike?

Haggai 2:22

ntoolegho obwakyabazinga obw'amaghanga, era nkomye obuyinza bwago. Ndidha kusuula ere ebigaali by'omu lutalo n'abavuzi baabyo. N'embalaasi dhiidha kufa, n'abavuzi baadho baitagane beene na beene.

Matayo 24:7

Eighanga lirirumba liinaalyo, n'obwakyabazinga bwalumba bwinaabwo. Ghalibaagho endhala ni musisi mu biketezo kamaala.

Mariko 13:8

Eighanga lirirumba liinaalyo n'obwakyabazinga bulirumba bwinaabwo. Ghalibaagho musisi mu biketezo kamaala, ghaabaagho n'endhala; okwo n'okwinhama okw'ebibonoobono.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.