2 Ebyomubyanda 15:2 - Baibuli Ekibono kya Katonda 2014

² Azaria oyo yaaja ewa Asa, yaamukoba ati: “Isebantu kyabazinga, mpulirisa. N'imwe ab'ekika kya Yuda n'ab'ekya Benjamini, mumpulirise. Musengwa Katonda ali ghalala n'imwe, kasita mwena ni muba aghalala naye. Bwe mumunoonia, musobola okumuzuula, aye bwe mumuvaaku, nga yeena abalekulira agho.

2 Ebyomubyanda 15:2 Iomraidhean Croise

1 Bakyabazinga 11:25

Yaafuga Siria, era yaaba muzigu wa Isiraeli inho mu biseera bya Solomoni byonabyona, yaataghaania Isiraeli ng'oti ni Hadadi bwe yakola.

1 Bakyabazinga 18:18

Eliya yaamwiramu ati: “Nze ti ninze atabulatabula Isiraeli, aye niiwe n'ab'endhu ya lata wo, kuba mwava ku biragiro bya Musengwa Katonda mwasinza emisambwa Baali.

2 Bakyabazinga 21:14

Ndirekulira agho abantu bange abaliwonagho, naabaghaayo mu ngalo dh'abazigu baibwe, baabeegabula era baabafuula omunhago gwaibwe.

1 Ebyomubyanda 28:9

Agho yaakoba Solomoni ati: “Era iwe mwana wange Solomoni, manhanga Katonda wange nze lata wo, omugheerezenga n'omwoyo mulala aghazira kusagansagana, kuba Musengwa Katonda oyo ayagaaza yaazuula ebiri mu myoyo gy'abantu era yaategeera bye bategeike okukola byonabyona. Bw'onaamunoonianga, oidha kumuzuulanga. Aye bw'onaamuvangaku, aidhanga kukulekulira agho ebyanda n'ebyanda.

2 Ebyomubyanda 11:12

Era ebibuga ebyo byonabyona yaabitaamu engabo n'amafumo. Mu ngeri eyo yaasigaza abantu ab'omu kika kya Yuda n'ekya Benjamini nga n'abafuga.

2 Ebyomubyanda 12:5

Agho Shemaia omulanzi yaaja eri kyabazinga Rehoboamu ye yali ng'ali n'abakungu ba Buyudaaya abeesololeza mu Yerusalemu okulumuka Shishaki. Yaabakoba ati: “Musengwa Katonda akoba ati, ‘Olw'okuba imwe mwanvaaku, zeena kyenviire ni mbaghaayo eri Shishaki.’ ”

2 Ebyomubyanda 13:12

Bona eno, Katonda mwene n'omuduumizi waife. Ni bakabona be, bali ghano nga bagemye amagwala ag'okufuuyira abaja okulwanisa imwe. Kale ni Abaisiraeli imwe, mutalwanisa Musengwa Katonda, Katonda wa badhaadha baimwe, kuba timwidha kughangula naire.”

2 Ebyomubyanda 13:4

Abiya yaaniina ku lusozi Zemaraimu olw'omu kiketezo kya Efuraimu eky'oku nsozi, yaakoba ati: “Iwe Yeroboamu, n'imwe Abaisiraeli mwenamwena, muwulire bye nkoba.

2 Ebyomubyanda 15:15

Abantu boonaboona ab'omu Buyudaaya baasangaalira okulayira okwo, kuba baalayira n'omutima gwaibwe gwonagwona. Era kuba baanoonia Musengwa Katonda n'omwoyo gwaibwe gwonagwona baamuzuula, yaabagha emiraala ku ndhuyi dhaibwe dhoonadhoona.

2 Ebyomubyanda 15:4

Aye bwe baali mu buzibu, baakyukira eri Musengwa Katonda, Katonda wa Isiraeli, baamunoonia era baamuzuula.

2 Ebyomubyanda 20:15

Yahazieli oyo yaakoba ati: “Isebantu kyabazinga Yehoshafati, n'imwe mwenamwena abantu ab'omu Buyudaaya ni mu Yerusalemu, muwulirise: Musengwa Katonda akoba ati, mutatya, era eigye lino einene litabamalamu maani, kuba olutalo luno ti niimwe mwidha okululwana, aye Katonda mwene n'aidha okululwana.

2 Ebyomubyanda 20:17

Tikiidha kubeetaagisa imwe kulwana lutalo luno. Imwe mwetegeke, mwemerere bwemerere, olwo mubone obughanguzi Musengwa Katonda bw'anaabagha. Imwe abantu ab'omu Buyudaaya n'ab'omu Yerusalemu, mutatya era mutawaamu maani. Olwaidho imwe muje mubalumbe, Musengwa Katonda aidha kuba ghalala n'imwe.”

2 Ebyomubyanda 20:20

Bwe bwakya, baasituka ku nkyo okuja mu irungu ly'e Tekoa. Bwe baali bali kuja, Yehoshafati yaayemerera, yaakoba ati: “Imwe abantu ab'omu Buyudaaya n'ab'omu Yerusalemu, mumpulirise. Mwikirize Musengwa Katonda waimwe, olwo mwidha kuba bagumu. Mwikirize eby'abalanzi be, olwo mwidha kughangula.”

2 Ebyomubyanda 24:20

Agho omwoyo gwa Katonda gwaidha ku Zekaria mutabane wa Yehoiada kabona. Yaayemerera ghaigulu abantu ghe bamubonera obukalamu, yaakoba ati: “Musengwa Katonda akoba ati, lwaki mudheemera ebiragiro bye, ni mwereetera akabi? Nga imwe bwe mwava ku Musengwa Katonda oyo, yeena abalekuliire agho.”

2 Ebyomubyanda 26:5

Yeeghaayo yaagheerezanga Katonda, ebiseera byonabyona Zekaria eyamwegeresa okutyanga Katonda oyo bye yamala ng'akaali mulamu. Era Musengwa Katonda yaaleetera Uzzia ebintu okumujiiranga obukalamu, ekiseera kyonakyona Uzzia oyo kye yamala ng'amugheereza.

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

2 Ebyomubyanda 33:11

Kale Musengwa Katonda oyo yaaleeta abaduumizi b'eigye lya kyabazinga ow'e Assiria baalumba Buyudaaya, baagema Manasse n'ebyuma ebiri ng'oti malobo era baamusiba ku ndhegere edh'ekyuma ky'ekikomo, baamutwala e Babilonia.

2 Ebyomubyanda 33:12

Agho bweyali ng'ali eyo mu kudaazibwadaazibwa, yeegayirira Musengwa Katonda we era yeewooya ekibitiriire mu maiso ga Katonda wa badhaadha be oyo.

2 Ebyomubyanda 34:3

Kyabazinga Yosia bweyali ng'akaali muto, mu mwaka gwe ogwomunaana nga n'afuga Buyudaaya, yaatoolera okusinza Katonda wa dhaadha we Daudi. Era mu mwaka gwe ogweikumi n'ebiri yaatoolera okugogola mu Buyudaaya ni mu Yerusalemu, okumalamu ebifo ebigulumivu eby'okusinzizaamu, n'ebifaananie eby'omusambwa omukazi Ashera, n'ebifaananie ebindi ebibaadhe n'ebyo ebyakolebwa mu kyuma ekisaanuusiibwa.

Ezera 8:22

Ensoni dhangema okusaba kyabazinga atughe ekikunsu eky'abaisirukale ab'oku bigere n'ab'oku mbalaasi okutugherekera nga batukuuma tuwone abazigu mu ngira, kuba nali mmaze okumukoba nti: “Katonda waife agha enkabi kiisi amwesiga, aye yaasungughalira era yaabonereza kiisi amuvaaku.”

Zabbuli 34:4

Nasaba inho Musengwa Katonda yankolera kye nayenda, yamponia okutya kwonakwona.

Zabbuli 53:2

Katonda aba mu igulu yaalingirira ghansi, okubona oba nga mu bantu mulimu alimu amagezi, asinza Katonda.

Isaia 45:19

Tyogerangaku mu kaama ng'oti n'ali mu nsi ey'enzikiiza. Tikobangaku Baisiraeli kuunooneza mu nsi ntabangufutabangufu, ni badaagira bwereere nga ti bambona. Nze Musengwa Katonda ndhogera mazima, naakobera abantu ebituufu.”

Isaia 51:1

Musengwa Katonda akoba ati: “Mumpulirise imwe abanoonia okulokolebwa, mulowooze ku ibaale kwe mwabaadhibwa, ni ku kirombe eky'amabaale mwe baabasima.

Isaia 7:13

Agho Isaia yaakoba ati: “Mbeeni muwulire imwe baidhukulu ba Daudi. Imwe okukooya abantu ababaguminkiriza tikibamala, memale mwende okukooya ni Katonda wange?

Yeremia 2:17

Ekyo Abaisiraeli baakyereetera beene, bwe banvaaku nze Musengwa Katonda waibwe, ng'ate ninze eyaboolekanga engira ey'okubitamu.

Amosi 5:14

Mufubenga okukola obulungi era mweghalenga okukola ebibi, memale mubenga abalamu. Olwo Musengwa Katonda Afuga Amagye anaabanga n'imwe, nga bwe mukoba muti ali n'imwe.

Zekaria 1:3

Aye mperaano ndi kukoba abantu nti mwire ye ndi nze Musengwa Katonda Afuga Amagye, olwo zeena ndidha kwira ye muli.

Okubala 14:42

Mutaja, abazigu baidha kubakubira eyo, kuba Musengwa Katonda tali n'imwe.

Okubala 14:43

Mwidha kwagaanana n'Abamaleki n'Abakanaani abali eyo, babaitire mu lutalo. Musengwa Katonda taidha kuba n'imwe, kuba mwamuvaaku mwaloba okumugondera.”

Matayo 13:9

Ali n'amatu awulire.”

Amateeka Agokubiri 20:1

Musa yaakoba Abaisiraeli ati: “Bwe munaajanga okulwanisa abazigu baimwe, aye ni mubona embalaasi, n'ebigaali eby'omu lutalo, n'eigye erisinga eryaimwe obunene, mutatyanga kuba Musengwa Katonda waimwe eyabatoola e Misiri, ali n'imwe buliidho.

Amateeka Agokubiri 31:17

Olwo ndibasungughalira, naabalekulira agho era naabeegisaaku, baazikirizibwa. Ebizibu n'okudaazibwadaazibwa okungi biribaidhira. Olwo baategeera ng'ebyo byonabyona bibatuuseeku, lwa kuba nze Katonda waibwe tikaali ghalala nabo.

Amateeka Agokubiri 4:29

Aye nga muli eyo, mwidha kusabanga Musengwa Katonda waimwe. Era bwe munaamusabanga n'omutima gwaimwe gwonagwona era n'omwoyo gwaimwe gwonagwona, aidhanga kubawulira.

Abaheburayi 10:38

Omutuufu wange anaabanga mulamu lwa kwikiriza, aye bw'aira einhuma tiri musangaalira naire.”

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Yakobo 4:8

Museete kumpi ni Katonda, yeena aidha kuseeta kumpi n'imwe. Munaabe mu ngalo dhaimwe mwetukuze imwe abakozi b'ebibi. Mutukuze emyoyo gyaimwe imwe abaguya.

Yoshua 22:31

Era Finehasi oyo mutabane wa Eleazari kabona yaabakoba ati: “Buti twidhi nga Musengwa Katonda ali n'ife, era olw'okuba timwamudheemera, ife Abaisiraeli twenatwena mutuwoniiza Musengwa Katonda oyo okutubonereza.”

Yoshua 24:20

Bwe mumuvaaku ni mugheereza bakatonda ab'amaghanga agandi be basinza, aja kukyusa abakole bubi inho abazikirize, abe ng'oti tabangaku mulungi ye muli.”

Okwolekebwa 2:11

Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula, okufa okwokubiri tikulimukolaku kabi.

Okwolekebwa 2:17

“Ali n'amatu awulire Mwoyo ky'akoba Ebikunsu eby'Abaikiriza mu Kurisito. Oyo aghangula ndimugha ku mannu eyagisibwa, era ndimugha eibaale eryeru okughandiikiibwa eriina eiyaaka eritamanhiibwa muntu wundi yeenayeena, okutoolaku oyo aba alifunie.

Okwolekebwa 2:29

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.

Okwolekebwa 2:7

“Ali n'amatu, awulire Mwoyo ky'akoba Ebikunsu eby'Abaikiriza mu Kurisito. Oyo aghangula, ndimuganha okulya ku muti ogw'obulamu oguli mu kifo kya Katonda eky'okwesiima.

Okwolekebwa 3:13

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.

Okwolekebwa 3:22

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.”

Okwolekebwa 3:6

Ali n'amatu, awulire Mwoyo by'akoba Ebikunsu eby'Abaikiriza mu Kurisito.

Abalamuzi 10:13

Aye mwanvaaku mwasinza bakatonda abandi. Kale, tija kwirayo kubanunula.

Abalamuzi 9:7

Yothamu bwe yakimanha, yaaja yaayemerera ghaigulu ku ngulu ku lusozi Gerizimu, yaayogerera ghaigulu, yaabalagiriza ati: “Mumpulirise imwe abatyamye b'e Shekemu, Katonda aghange okubawulira.

1 Samueli 12:14

Ebintu byonabyona biidha kubajiiranga bukalamu, bwe munaisanga mu Musengwa Katonda ekitiisa, ni mumugheereza nga mumuwulira era nga mugema ebiragiro bye, era ni mujiiranga ku Musengwa Katonda waimwe oyo nga muli ghalala ni kyabazinga waimwe abafuga.

1 Samueli 12:15

Aye bwe mutaawulirenga Musengwa Katonda, era ni mutagema biragiro bye, olwo aidha kubalwanisanga imwe era ni kyabazinga waimwe.