2 Ebyomubyanda 15:12 - Baibuli Ekibono kya Katonda 2014

¹² Baakola endagaano okusinzanga Musengwa Katonda, Katonda wa badhaadha baibwe n'omutima gwaibwe gwonagwona era n'omwoyo gwaibwe gwonagwona.

2 Ebyomubyanda 15:12 Iomraidhean Croise

1 Bakyabazinga 8:48

Wo Musengwa Katonda, bawulirenga bwe baneenenianga n'omwoyo gwaibwe gwonagwona nga bali eyo mu nsi y'abazigu baibwe abaabatwala nga banhage. Era obawulirenga bwe banaakusabanga nga balingiriire ensi yaibwe ye wagha badhaadha baibwe, era nga balingiriire ekibuga kye walonda, era n'eisinzizo lino lye nkuzimbiire.

2 Bakyabazinga 11:17

Yehoiada kabona yaaleetera kyabazinga n'abantu, okukola endagaano ni Musengwa Katonda ekakasa nga bwe baidha okubanga abantu aba Musengwa Katonda. Era yaakola endagaano ghagati gha kyabazinga n'abantu.

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

2 Ebyomubyanda 11:16

Abantu ab'omu bika byonabyona eby'omu Isiraeli abaawulira mule nga benda okusinza Musengwa Katonda, Katonda wa Isiraeli, boona baidha e Yerusalemu okughaayo emisengo eri Musengwa Katonda oyo, Katonda wa badhaadha baibwe.

2 Ebyomubyanda 15:4

Aye bwe baali mu buzibu, baakyukira eri Musengwa Katonda, Katonda wa Isiraeli, baamunoonia era baamuzuula.

2 Ebyomubyanda 19:3

Aye era iwe okaaliku ebirungi, kuba wasaaniagho mu nsi yo ebifaananie by'omusambwa omukazi Ashera, era waafuba okukolanga ebyo Katonda by'ayenda.”

2 Ebyomubyanda 23:16

Agho Yehoiada kabona yaakola endagaano ni kyabazinga, era n'abantu boonaboona aghalala, ekakasa nga bwe baidha okubanga abantu aba Musengwa Katonda.

2 Ebyomubyanda 29:10

“Mperaano nsazeegho okukola endagaano ni Musengwa Katonda, Katonda wa Isiraeli, olwo alekere agho okutwolekeza obusungu bwe obubitiriire.

Nehemia 10:29

Tweyimba ku baganda baife, n'abakungu, nga tulayira tuti: “Tukolimirwanga bwe tulobanga okujiira ku Mateeka ga Katonda, ge yatugha ng'abita mu mugheereza we Musa, era ni tuloba okwegenderezanga okukola ng'ebiragiro bya Musengwa Katonda waife n'amateeka ge goonagoona bwe gakoba.

Nehemia 9:38

“Olw'ebyo byonabyona, kyetuva tuli kukola endagaano enkakafu mu bughandiike. Era abakungu baife, n'Abalevi baife, ni bakabona baife, bagitaireku ebinkumu byaibwe.”

Yeremia 50:5

Balibuuza engira eja e Sioni, era baasimba mu ngira eyo nga bakoba bati, ‘Mwidhe tweyimbe ku Musengwa Katonda, tukole naye endagaano ey'ebyanda n'ebyanda, ye tutaja kumenhagho naire.’

Ebikolwa by'Abatume 24:14

Aye kino nkyatula mu maiso go nti, nsinza Katonda wa badhaadha baife nga ntambulira mu Ngira abo ye bakoba mbu nkyamu, era ndhikiriza ebyo byonabyona eby'omu Mateeka n'ebyaghandiikibwa abalanzi.

2 Ab'e Korintho 8:5

Baakola kye twali titubasuubira kukola. Okusooka beeghaayo ye Musengwa era n'eri ife, olw'okwenda kwa Katonda.

Amateeka Agokubiri 10:12

Musa yaayongera okukoba Abaisiraeli ati: “Mpegaano ni, imwe Abaisiraeli, Musengwa Katonda waimwe ky'ayenda mukole ni kino: Mumutyenga era mujiirenga ku ebyo byonabyona by'abalagira. Mumugonzenga era mumusinzenga n'omutima gwaimwe gwonagwona, n'omwoyo gwaimwe gwonagwona,

Amateeka Agokubiri 29:1

Eno n'endagaano Musengwa Katonda ye yalagira Musa okukola n'Abaisiraeli mu nsi Moabu, ng'eyongerwa ku ndagaano Musengwa Katonda ye yakola nabo ku lusozi Sinai.

Amateeka Agokubiri 29:11

n'abakazi, n'abaana abato, n'abasenze ababa mu imwe ababaasaagira enku ni babajiira n'amaadhi.

Amateeka Agokubiri 29:12

Mwidhie okuba mu ndagaano ya Musengwa Katonda waimwe y'ali kukola n'imwe olwaleero, erimu okulayira okugituukiriza.

Amateeka Agokubiri 4:29

Aye nga muli eyo, mwidha kusabanga Musengwa Katonda waimwe. Era bwe munaamusabanga n'omutima gwaimwe gwonagwona era n'omwoyo gwaimwe gwonagwona, aidhanga kubawulira.

Amateeka Agokubiri 6:5

Mugonzenga Musengwa Katonda, oyo Katonda waimwe, n'omutima gwaimwe gwonagwona, n'amaani gaimwe goonagoona.

Yoshua 24:25

Kale ku lunaku olwo Yoshua yaakolera abantu endagaano e Shekemu, era yaabagha amateeka n'ebiragiro eby'okujiirangaku.