2 Ebyomubyanda 14:2 - Baibuli Ekibono kya Katonda 2014

² Asa yaasiimya Musengwa Katonda we, olw'ebirungi n'ebituufu bye yakola.

2 Ebyomubyanda 14:2 Iomraidhean Croise

1 Bakyabazinga 15:11

Asa oyo yaakolanga ebituufu mu maiso ga Musengwa Katonda, nga dhaadha we Daudi bwe yakolanga.

1 Bakyabazinga 15:12

Yaatoolagho mu nsi eyo omuze ogw'abasaadha ogw'okukolanga obwamalaaya obw'omu isabo. Era yaatoolagho n'ebisinzibwa ebitali Katonda, badhaadha be bye baakola.

1 Bakyabazinga 15:14

Aye waire Asa oyo tiyatoolagho bifo bigulumivu bye baasinzizangamu emisambwa, obulamu bwe bwonabwona yali mwesigwa ye Musengwa Katonda.

2 Ebyomubyanda 14:1

Agho Abiya yaafa, yeeyimba ku badhaadha be abaafa, yaaziikibwa mu kyetebwa Ekibuga kya Daudi. Mutabane we Asa yaamusikira ku bwakyabazinga. Mu biseera bya Asa oyo, ensi yaaba mu miraala okumala entangama ya myaka ikumi.

2 Ebyomubyanda 14:3

Yaatoolagho alutaari edh'abamaghanga agandi n'ebifo ebigulumivu eby'okusinzizaamu, yaamenhamenhagho empango edh'amabaale, era yaatemagho n'ebifaananie bya Ashera, omusambwa gwaibwe omukazi.

2 Ebyomubyanda 15:16

Era kyabazinga Asa oyo yaatoola ni ku dhaadha we Maaka ekitiibwa eky'okuba inhina owa kyabazinga, kuba Maaka oyo yakola ekifaananie ekyenhinhalwa ekyasinzibwanga, eky'omusambwa omukazi Ashera. Asa yaatemagho ekifaananie ekyo, yaakimenhamenha, yaakyokera ku kaiga Kiduroni.

2 Ebyomubyanda 17:6

Omwoyo gwe yagumaliranga ku kukola ebyo Musengwa Katonda by'ayenda, era yaatoolagho mu Buyudaaya ebifo ebigulumivu bye baasinzizangamu, n'ebifaananie by'omusambwa omukazi Ashera.

2 Ebyomubyanda 20:32

Yehoshafati oyo yali wa mpisa nkalamu era nga tadhivaaku, ng'oti ni lata we Asa bweyali. Yaakolanga ebirungi Musengwa Katonda by'asiima.

2 Ebyomubyanda 21:12

Agho omulanzi Eliya yaagheereza Yeroboamu embaluwa ng'ekoba eti: “Musengwa Katonda, Katonda wa dhaadha wo Daudi akoba ati, waloba okwebisanga obukalamu nga lata wo Yehoshafati bwe yakolanga, era nga dhaadha wo Asa kyabazinga wa Buyudaaya yeena bwe yakolanga.

2 Ebyomubyanda 31:1

Ebyo byonabyona nga biwoire, Abaisiraeli boonaboona abaaligho baaja mu bibuga bya Buyudaaya, baamenhamenha empango edh'amabaale, baasimulagho ebifaananie eby'omusambwa omukazi Ashera n'ebifo ebigulumivu eby'okusinzizaamu, ni alutaari. Baaja baakola batyo mu biketezo ebindi byonabyona ebya Yuda, n'ebya Benjamini, n'ebya Efuraimu, n'ebya Manasse, okutuusa lwe baabizikiriza byonabyona. Agho abantu boonaboona bairayo mu bibuga byaibwe, buli muntu mu kibandha kye.

2 Ebyomubyanda 31:20

Kale Hezekia yaakolanga atyo mu Buyudaaya yoonayoona. Yaakolanga ebirungi n'ebituufu ebisiimya Musengwa Katonda we, era yaabanga mwesigwa y'ali.

2 Ebyomubyanda 34:7

Yaamenhamenha alutaari, yaamulungula ebifaananie eby'omusambwa omukazi Ashera, n'ebifaananie ebindi, yaabisa byafuuka nkungu. Yaatematema n'alutaari dhoonadhoona edhiniokezebwaku obubbaani mu Isiraeli yoonayoona, memale yaira e Yerusalemu.

Okuvaayo 23:24

Otakubiranga misambwa gyaibwe makiryaivu, oba okugisinza, oba okukola ebyo beene bye bagikolera. Aye ogizikirizanga, era waamenhamenhanga empango dhaagyo edh'amabaale.

Luka 1:75

mu maiso ge, mu butukuvu ni mu mazima enaku edh'obulamu bwaife dhoonadhoona.

Amateeka Agokubiri 12:3

Mumenhemenhengagho alutaari dhaibwe, mutemetemenga empango dha bakatonda baibwe edh'amabaale, mwokyeyokyenga ebifaananie ebibaadhe eby'omusambwa gwaibwe omukazi Ashera, era mwasaageyasaagenga ebintu byaibwe bye basinza ebitali Katonda, byerabirirwenga irala ku nsi.