2 Ebyomubyanda 13:7 - Baibuli Ekibono kya Katonda 2014

⁷ Abantu abazira kye bagasa baidha beeyimba naye, baanhooma Rehoboamu mutabane wa Solomoni era baamweyawulaku, alobe kuba kyabazinga waibwe. Rehoboamu oyo yali akaali muto, ng'azira bumanhirivu obumusobozesa okubalobera okukola ekyo.

2 Ebyomubyanda 13:7 Iomraidhean Croise

2 Samueli 3:39

Olwaleero luno mpulira nga nziramu maani, waire nga ninze kyabazinga eyasiigibwa omuzigo. Batabane ba Zeruia bano, banfuukire ekizibu. Oyo eyakola ekibi ekyo, Musengwa Katonda agwananga yaamwesasuulizaaku mu nsambo emugwaniire olw'obubi bwe.”

1 Bakyabazinga 21:10

Olwo muleete mu maiso ge abantu babiri abazira kye bagasa, bamulumirize bati, ‘Wavuma Katonda era waavuma ni kyabazinga.’ Memale olwo mumutoolegho, mumutwale mumukube amabaale afe.”

1 Bakyabazinga 21:13

Abantu babiri abazira kye bagasa baidha baatyama mu maiso ge, era baamulumiriza mu maiso g'abantu nga bakoba bati: “Nabothi yavuma Katonda era yaavuma ni kyabazinga.” Kale abantu baamutwala kuliya kw'ekibuga, baamukuba amabaale, yaafa.

2 Ebyomubyanda 10:16

Abantu bwe baabona nga kyabazinga tabawuliriisa, baamwiramu bati: “Mugabo ki gwe tuli nagwo ni Daudi? Tuzira kye tuli nakyo kya nsikirano ni mutabane wa Yesse. Imwe Abaisiraeli, ka twireyo ewaife. Daudi alabirire ab'endhu ye.” Kale Abaisiraeli baagolola ewaibwe.

2 Ebyomubyanda 12:13

Kale Rehoboamu yaakakata ku bwakyabazinga mu Yerusalemu. Ghe yainhamira okufuga yali agheza emyaka egy'obukulu amakumi ana na mulala (41), era yaafuga okumala entangama ya myaka ikumi na musanvu (17) mu Yerusalemu, ekibuga Musengwa Katonda kye yalondagho mu Isiraeli yoonayoona okumusinzizangamu. Inhina wa Rehoboamu yali ng'ayetebwa Naama, era nga Muammoni.

Yobu 30:8

Bali agho batyo basirusiru era tibamanhiibwa. Baakubwa emiigo, baabingibwa mu ighanga.

Zabbuli 26:4

Tyeyimba mu bantu baguya, era tyereeterezaaku bantu batali beesimbu.

Ensambo 12:11

Omuntu alima eitaka lye aba n'emere kamaala, aye ole amala ebiseera ku mirimo egitaleeta magoba aba aziramu kategeera.

Ensambo 28:19

Ole alima eitaka lye aidha kubanga n'emere kamaala, aye ole amala ebiseera bye ku mirimo egitaleeta magoba, aidha kubanga mwavu lubeerera.

Omulangirizi 10:16

Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Isaia 3:4

Musengwa Katonda alireetera abalenzi obulenzi okufuuka abakulembeze ab'abantu be, era yaaleetera abaana obwana okufuga.

Ebikolwa by'Abatume 17:5

Aye Abayudaaya ensaalwa yaabagema, baasoloza abantu ababi abaali mu kiya. Abantu abo baatabangula ekibuga, baalumba enhumba ya Yasoni nga baagala Paulo ni Sila babaleete y'abantu.

1 Ab'e Korintho 14:20

Aboluganda, mutabanga na bidhuubo ng'oti bya baana bato. Bwe kuba mu bya kukola bubi, mube ng'oti baana bato abaziraku musango. Aye mu kudhuuba mube bakulu.

Amateeka Agokubiri 13:13

ghaligho abantu ab'eighanga lyaimwe abadankaanu, abamaze okusendasenda abatyamye b'omu kibuga kyaibwe okusinza bakatonda be mutasinzangaku.

Tito 1:10

Ghaligho abadheemu kamaala aboogera ebiziramu era abaguya, era ng'okusingira irala bali mu abo abasemba eky'okukeketa.

Abaheburayi 5:12

Waire nga buti mwandibaire nga muli beegeresa, aye ate mukaayenda omuntu okubeegeresa ebyo ebiinhamirwaku mu kwega ekibono kya Katonda. Mukaayenda mata buta ng'oti n'abaana abato, mu kifo ky'emere yeene.

Abalamuzi 11:3

Agho Yefutha yaalumuka baganda be, yaaja yaabanga mu kiketezo eky'e Tobu. Ng'ali eyo, abantu abazira kye bagasa baamweyimbaku, baajanga okukambula abantu.

Abalamuzi 9:4

Baamugha ebitundu bya feeza nsanvu, bye baatoola mu isabo lya Baali Berithi. Empiiya edho, Abimeleki dhe yakozesa okupangisa abasaadha abazira kye bagasa naire era ababbamu, abaamunonereza.

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.