2 Ebyomubyanda 13:3 - Baibuli Ekibono kya Katonda 2014

³ Abiya yaaja okulwana ng'ali n'eigye ery'abalwani abaziramu ntete, emitwalo amakumi ana (400,000), abaalondebwa n'obwegendereza. Ate Yeroboamu yaidha okumulwanisa ng'ali n'eigye ery'abalwani ab'amaani, emitwalo kinaana (800,000), boona nga baalondebwa n'obwegendereza.

2 Ebyomubyanda 13:3 Iomraidhean Croise

1 Bakyabazinga 15:7

Era dhaaligho ghagati gha Abiyamu oyo ni Yeroboamu. Ebindi byonabyona Abiyamu bye yakola, byaghandiikibwa mu Kitabo eky'Ebyomubyanda bya Bakyabazinga ba Buyudaaya.

1 Ebyomubyanda 21:5

Yoabu yaatwalira kyabazinga Daudi omughendo ogw'abantu be baabala: mu Isiraeli mwonamwona mwalimu abasaadha abasobola okulwana entalo akakaire kalala n'emitwalo ikumi (1,100,000), ate mu Buyudaaya mwabaamu emitwalo amakumi ana na musanvu (470,000).

2 Ebyomubyanda 11:1

Agho Rehoboamu bwe yatuuka e Yerusalemu, yaasoloza mu kika kya Yuda n'ekya Benjamini, abasaadha abalwani einho abaghera emitwalo eikumi n'omunaana (180,000). Abalwani abo nga ba kuja kulwanisa Abaisiraeli ab'omu kiketezo eky'oku luuyi olw'omukono omugooda olw'e buvandhuba wa Isiraeli, Rehoboamu oyo asobole okukiizaayo mu bwakyabazinga bwe.

2 Ebyomubyanda 13:2

Yaafuga okumala entangama ya myaka esatu mu Yerusalemu. Inhina yali nga ni Mikaia, mughala wa Urieli ow'e Gibea. Agho olwatuuka ghaatanukagho olutalo ghagati wa Abiya ni Yeroboamu.

2 Ebyomubyanda 13:4

Abiya yaaniina ku lusozi Zemaraimu olw'omu kiketezo kya Efuraimu eky'oku nsozi, yaakoba ati: “Iwe Yeroboamu, n'imwe Abaisiraeli mwenamwena, muwulire bye nkoba.