2 Ebyomubyanda 13:2 - Baibuli Ekibono kya Katonda 2014

² Yaafuga okumala entangama ya myaka esatu mu Yerusalemu. Inhina yali nga ni Mikaia, mughala wa Urieli ow'e Gibea. Agho olwatuuka ghaatanukagho olutalo ghagati wa Abiya ni Yeroboamu.

2 Ebyomubyanda 13:2 Iomraidhean Croise

1 Bakyabazinga 14:19

Ebindi byonabyona Yeroboamu bye yakola, entalo dhe yalwana, n'ensambo ye yafugamu, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Bakyabazinga 14:20

Yeroboamu oyo yafugira emyaka amakumi abiri, yaafa, yeeyimba ku badhaadha be abaafa. Agho mutabane we Nadabu yaamusikira ku bwakyabazinga.

1 Bakyabazinga 15:2

Yaafugira entangama ya myaka esatu mu Yerusalemu. Inhina yali nga ni Maaka, mughala wa Abishalomu.

2 Ebyomubyanda 11:20

Rehoboamu yaamala yaafumbirwa ni Maaka mughala wa Abusalomu, ye baazaala naye abaana abalenzi bano: Abiya, ni Attai, ni Ziza, ni Shelomithi.

2 Ebyomubyanda 12:15

Ebindi byonabyona Rehoboamu bye yakola, okuva lwe yatoolera okufuga okutuuka ku nkomerero, byaghandiikibwa mu Kitabo eky'Ebyomubyanda eby'omulanzi Shemaia n'omulanzi Iddo. Ekiseera ekyo kyonakyona, ghaabangagho entalo edhomwidhirano ghagati gha Rehoboamu ni Yeroboamu.

2 Ebyomubyanda 13:3

Abiya yaaja okulwana ng'ali n'eigye ery'abalwani abaziramu ntete, emitwalo amakumi ana (400,000), abaalondebwa n'obwegendereza. Ate Yeroboamu yaidha okumulwanisa ng'ali n'eigye ery'abalwani ab'amaani, emitwalo kinaana (800,000), boona nga baalondebwa n'obwegendereza.

Yoshua 18:28

Zela, Haelefu, Yebusi, ekyo nga ni Yerusalemu, Gibea, ni Kiriathi Yearimu. Ebyo nga n'ebibuga eikumi n'ebina (14) n'ebyalo byaku. Ebyo byonabyona nga n'omugabo ogwagheebwa ekika eky'Ababenjamini ng'enda dhaibwe bwe dhaali.

Abalamuzi 19:14

Kale baabita ku Yebusi, beejiira. Obwire bwabazibirira nga bali kumpi n'e Gibea mu kiketezo ky'ab'ekika kya Benjamini.

Abalamuzi 19:16

Bwe baali bakaali agho, omusaadha omukaire yaidha ng'ava mu mirimo gye mu nimiro eigulo. Omusaadha oyo yali asimuka mu kiketezo eky'oku nsozi eky'e Efuraimu, aye yali ng'asenze mu Gibea, ng'abantu baamu ba kika kya Benjamini.

1 Samueli 10:26

Ni Saulo yeena yaaja ewuwe e Gibea. Yaaja n'abasaadha abaziramu ntete naire, Katonda be yagumya emyoyo.