2 Ebyomubyanda 13:12 - Baibuli Ekibono kya Katonda 2014

¹² Bona eno, Katonda mwene n'omuduumizi waife. Ni bakabona be, bali ghano nga bagemye amagwala ag'okufuuyira abaja okulwanisa imwe. Kale ni Abaisiraeli imwe, mutalwanisa Musengwa Katonda, Katonda wa badhaadha baimwe, kuba timwidha kughangula naire.”

2 Ebyomubyanda 13:12 Iomraidhean Croise

2 Ebyomubyanda 24:20

Agho omwoyo gwa Katonda gwaidha ku Zekaria mutabane wa Yehoiada kabona. Yaayemerera ghaigulu abantu ghe bamubonera obukalamu, yaakoba ati: “Musengwa Katonda akoba ati, lwaki mudheemera ebiragiro bye, ni mwereetera akabi? Nga imwe bwe mwava ku Musengwa Katonda oyo, yeena abalekuliire agho.”

2 Ebyomubyanda 32:8

Mwene ali na igye lya bantu buntu, aye ife tuli ni Musengwa Katonda waife, nga n'atubeera era nga n'atulwaniragho entalo dhaife.” Agho abantu bairamu amaani olw'ebyo kyabazinga Hezekia owa Buyudaaya bye yabakoba.

Yobu 40:9

Iwe oyaga ninze amaani? Era osobola okutyabuka n'amamiro agali ng'oti n'agange?

Yobu 9:4

Katonda mugezi era wa maani. Naani aghanga okumwetantala? Ghazira aghanga kwetantala Katonda.

Zabbuli 20:7

Abalwani abandi beesigulira ku bigaali eby'omu lutalo, ate abandi ku mbalaasi, aye ife twesigulira ku maani ga Musengwa Katonda waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Isaia 45:9

Akagwireku oyo atakania Eyamutonda, kuba aba ng'oti n'ekiwumbe bwe kyanditakainia ole akiwumbye. Aye nga bwenebwene eitosi lisobola okubuuza aliwumbisa liti: “Oli kuwumba ki?” Oba okukoba liti: “Ozira bukugu?”

Isaia 54:17

Aye tighalibaagho bya kulwanisa bye baligheesa birisobola kukulumya. Era kiisi aliwoza n'iwe olimusinga. Ndidha kulwaniriranga abagheereza bange, era mbaleeterenga okughangula.” Musengwa Katonda atyo bw'akoba.

Isaia 8:10

Mukolere ghalala entegeka dhaimwe, aye tidhirituukirizibwa; mwisanie ku kye munaakola, aye tikiidha kutuukirira; kuba Katonda ali ghalala n'ife.

Yeremia 2:37

N'eyo e Misiri mulivaayo nga mwetwise emikono gyaimwe ku mitwe, nga muswaire. Abo be mwesiga, nze Musengwa Katonda mbalobye, era timulibafunamu kalungi naire.”

Yeremia 50:24

Iwe Babilonia, waanwanisa nze Musengwa Katonda, aye omutego gukugemiisa gwe nakutega nga toidhiiku naire.

Ezekieli 17:9

“Kale nze Musengwa Katonda mbuuza nti: Omuzabbibu ogwo gulibaagho era gwakula? Enkookooma eyagusimba terigwiwululagho n'emizi gyagwo, n'egutemaku na nsaga dhaagwo, n'amakaba gaagwo amabisi ni ganiala? Tikiryetaagisa maani mangi, waire abantu kamaala okugwiwululagho n'emizi gyagwo.

Zekaria 10:5

Abantu b'omu Buyudaaya baliba ng'abalwani ab'omu lutalo ab'amaani, nga batyankirira abazigu baibwe mu bisoodo eby'omu nguudo. Balirwana baghangula n'abazigu baibwe ab'oku mbalaasi, kuba nze Musengwa Katonda ndi ghalala nabo.

Okubala 14:41

Aye Musa yaabakoba ati: “Lwaki mpegaano muli kudheemera ekiragiro kya Musengwa Katonda? Ti mwidha kughangula.

Okubala 23:21

Ghazira kikyamu kinaidhira bantu ba Yakobo, ghazira kizibu kinaatuuka ku Baisiraeli abo. Musengwa Katonda waibwe aba ghalala nabo, baayatula nga bw'ali kyabazinga waibwe.

Okubala 31:6

Musa yaabasindika okulwana nga baduumirwa Finehasi mutabane wa Eleazari kabona, eyali n'ebintu ebikozesebwa mu Kifo Ekitukuvu, ghalala n'amagwala agafuuyibwa ng'akamanhiso ak'ebiragiro.

Ebikolwa by'Abatume 5:39

aye bwe biba bya Katonda timuusobole kubaghangula. Mughanga okweyagaana nga muli kutakania Katonda.” Baaganha amagezi ge.

Ab'e Roma 8:31

Kale ebyo tunaabikobaku ki? Katonda bw'aba ku luuyi lwaife, aghanga okutulwanisa naani?

Amateeka Agokubiri 20:4

Kuba Musengwa Katonda waimwe aidha kuja n'imwe, abalwaniregho era abaleetere okughangula.’

Amateeka Agokubiri 28:29

Mwidha kughaamantanga mu kasana ghagati, ng'oti n'omutulu bw'aghaamanta mu nzikiiza, era timuubenga na nkabi mu bye mukola. Mwidha kutuntuzibwanga era munhagibwengaku ebyaimwe buli kiseera, nga ghazira ababeera.

Abaheburayi 2:10

Kuba kyali kituufu Katonda eyatonda ebintu byonabyona era n'abibeesaagho, okuleeta abaana be kamaala mu kitiisa. Kye yava n'abona nga kigwaine oyo abakulembera okubatuusa ku bulokozi okumufuula atuukiriire, ng'amubisa mu kudaazibwadaazibwa.