2 Ebyomubyanda 13:10 - Baibuli Ekibono kya Katonda 2014

¹⁰ Aye ife, Musengwa Katonda oyo ni Katonda waife era titumuvangaku naire. Bakabona be tuli nabo, abamugheereza, ba ku lulyo lwa Aaroni, era bayambibwaku Abalevi.

2 Ebyomubyanda 13:10 Iomraidhean Croise

2 Ebyomubyanda 13:11

Baniokeza obubbaani obuwunha akawoowo eri Musengwa Katonda, baaghaayo n'emisengo egyokebwa gyonagyona okuwaagho, buli nkyo na buli igulo. Baata emigaati egigheereibwayo eri Katonda ku meeza entukuvu, era buli igulo baalabiriranga ekikondo ky'entaala ekya zaabu, okubona ng'entaala dhaaku dhaaka. Ife tukola ebyo Musengwa Katonda waife bye yalagira. Aye imwe mwamuvaaku.

2 Ebyomubyanda 13:9

Mwabinga bakabona ba Musengwa Katonda ob'oku lulyo lwa Aaroni, mwabinga n'Abalevi. Mweteeragho bakabona abaimwe, ng'abamaghanga agandi bwe bakola. Ole bw'aidha okwetukuza, ng'aleese ente enume ento ndala n'entaama enume musanvu, mumwikiriza yaafuuka kabona w'ebintu ebyo ebitali Katonda.

Nehemia 13:30

Kale, naatukuza abantu okubatoolaku byonabyona eby'abamaghanga agandi. Naasengeka bukalamu emirimo gya bakabona n'Abalevi. Buli muntu yaamanha omulimo gwe.

Zekaria 13:9

Era abo abaliba mu kitundu ekyo ekirala ndibatukuza ng'oti ni feeza bwe bamukenenula mu muliro, era naabagezesa ng'oti ni zaabu bwe bamugezesa. Balinsaba, era zeena naabairamu. Ndibeeta bantu bange, era boona bandheta Katonda waibwe.”

Okubala 1:53

Aye Abalevi baidha kusimbanga weema dhaibwe okwezungulula Weema ey'Okwagaananirangamu ni Musengwa Katonda, olwo Abaisiraeli balobe kusungughalirwa. Era Abalevi n'abanaabanga n'obuvunaanizibwa ku Weema ey'Okwagaananirangamu ni Musengwa Katonda.”

Okubala 16:40

Ekyo kiidha kwidhukizanga Abaisiraeli, ghalobe kubangagho muntu yeenayeena atali kabona wa ku lulyo lw'Aaroni, aseeta mu maiso ga Musengwa Katonda okuniokeza obubbaani; kuba asobola okuzikirizibwa nga Kora ni baine bwe baazikirizibwa. Ebyo byakolebwa nga Musengwa Katonda bweyalagira Eleazari ng'abita mu Musa.

Yoshua 24:17

Musengwa Katonda waife n'eyatoola badhaadha baife, n'ife beene, mu Misiri ye twalinga mu bwiru, era n'eyakola ebyewuunhisa ebikologho nga tubona. Yatukuumanga bukalamu eyo yoonayoona ye twabitanga, era yaatubisanga bukalamu mu maghanga goonagoona ge twabitamu.