2 Ebyomubyanda 12:3 - Baibuli Ekibono kya Katonda 2014

³ Yaidha n'eigye nga liri n'ebigaali eby'omu lutalo lukumi na bibiri (1,200), n'abalwani ab'oku mbalaasi emitwalo mukaaga (60,000), n'abaisirukale abandi abatasoboka kubalika olw'obungi, nga n'omuli Abalibiya, n'Abasukki, n'Abaethiopia.

2 Ebyomubyanda 12:3 Iomraidhean Croise

2 Samueli 10:18

Abasiria baalumuka Abaisiraeli. Daudi yaita abalwani Abasiria ab'oku bigaali eby'omu lutalo lusanvu, n'ab'oku mbalaasi emitwalo ena (40,000). Era baafumita Shobaki omuduumizi ow'eigye ly'Abasiria, yaafiira mu lutalo.

2 Bakyabazinga 7:6

kuba Musengwa Katonda yaaleetera ab'eigye lya Siria okuwulira okupakalana okw'ebigaali eby'omu lutalo, n'okugabbalya okw'ebigere by'embalaasi, nga kuli ng'oti kwa igye inene. Kale beekobaana beene na beene bati: “Bona, kyabazinga wa Isiraeli apangiisa bakyabazinga ab'Abahitti n'ab'Abamisiri okwidha okutulwanisa!”

2 Ebyomubyanda 14:12

Agho Musengwa Katonda yaaghangula Abaethiopia mu maiso ga Asa n'ag'Abayudaaya. Abaethiopia baalumuka.

2 Ebyomubyanda 14:8

Kyabazinga Asa yali n'eigye ly'abalwani emitwalo amakumi asatu (300,000) abaava mu kika kya Yuda, abaalwanisanga engabo n'amafumo. Era yaaba n'abalwani emitwalo abiri na munaana (280,000) abaava mu kika kya Benjamini, abaalwanisanga engabo n'obulaso. Abo boonaboona baali balwani ba maani abaziramu ntete.

2 Ebyomubyanda 14:9

Agho ghaabaagho Omwethiopia ayetebwa Zera, yaabalumba n'eigye lya balwani akakaire kalamba (1,000,000), n'ebigaali eby'omu lutalo ebikumi bisatu. Yaidha yaatuukira irala e Maresha.

2 Ebyomubyanda 16:8

Abaethiopia n'Abalibiya tibaali igye inene inho, nga liri n'ebigaali eby'omu lutalo n'abavuzi b'embalaasi kamaala? Aye olw'okuba weesiga Musengwa Katonda, Musengwa Katonda oyo yaakuleetera okubaghangula.

Isaia 43:3

kuba ninze Musengwa Katonda wo, Omutukuvu wa Isiraeli era Omulokozi wo. Ndighaayo Misiri olw'okukununula, era naaghaayo Ethiopia ni Seba olw'okukuwonia.

Ezekieli 30:5

Abantu ab'e Ethiopia, n'ab'e Puti, n'ab'e Ludi, n'ab'e Arabia, n'ab'e Libya, era n'ab'ensi dhoonadhoona edhiryeyimba aghalala okuyambagana nabo, baliitibwa mu lutalo.”

Danieli 11:43

Alitoola eby'obukombe bya Misiri ebyaterekebwa, omuli zaabu, ni feeza, n'eby'omughendo ebindi. Era alighangula Libya ni Ethiopia.

Nahumu 3:9

Nga n'ekifuga Misiri ni Ethiopia aghazira kukoma. Era ng'ensi Puti ni Libya dhikiiruukirira.

Okwolekebwa 9:16

Abalwani ab'oku mbalaasi baali obukaire ebikumi bibiri (200,000,000), ogwo n'omughendo gwe nawulira.

Abalamuzi 4:13

Sisera yaayetesa ebigaali bye eby'omu lutalo olwenda (900) eby'ekyuma ekigumu einho n'abasaadha be boonaboona abaali naye. Baava e Haroshethi Hagoyiimu, baaja ku mwiga Kishoni.

Abalamuzi 6:5

Baidhanga n'ente dhaibwe, n'egamiya dhaibwe, n'eweema dhaibwe, nga bangi ng'oti nzige. Beene ghalala n'engamiya dhaibwe nga tibabalika olw'obungi. Agho baaja nga bazikiriza ensi eyo buli ghe baabitanga.

1 Samueli 13:5

Agho Abafilisiti beesoloza okulwanisa Abaisiraeli. Baali n'ebigaali eby'omu lutalo emitwalo esatu (30,000), n'abalwani kakaaga (6,000) ab'oku mbalaasi, era n'abalwani abaali abangi ng'oti musenho oguba ku mbali kw'enhandha. Abalwani Abafilisiti abo, baaja baasimba weema dhaibwe e Mikamashi, ku luuyi olw'e bugwandhuba wa Bethaveni.