2 Ebyomubyanda 11:5 - Baibuli Ekibono kya Katonda 2014

⁵ Kale Rehoboamu yaasigala mu Yerusalemu, yaazimba ebimante ebigumu okwezunguluza ebibuga bino eby'omu kiketezo eky'omu Buyudaaya n'eky'omu Benjamini:

2 Ebyomubyanda 11:5 Iomraidhean Croise

2 Ebyomubyanda 11:23

Era Rehoboamu oyo yaayiiya amagezi, yaata batabane be mu biketezo byonabyona ebya Yuda n'ebya Benjamini, babirabirirenga, nga boonaboona bali mu bibuga ebyezungulwirwa ebimante ebigumu. Yaabagha ebintu eby'okukozesanga kamaala, era yaabafunira n'abakazi kamaala.

2 Ebyomubyanda 11:6

Bethelehemu, ni Etamu, ni Tekoa,

2 Ebyomubyanda 12:4

Yaanhaga ebibuga ebyezungulwirwa ebimante ebigumu eby'omu Buyudaaya, okutuukira irala n'e Yerusalemu.

2 Ebyomubyanda 14:5

Era yaatoola mu bibuga byonabyona ebya Buyudaaya, ebifo ebigulumivu eby'okusinzizaamu, ni alutaari edh'okuniokezaaku obubbaani. Kale, mu biseera bye, obwakyabazinga bwe bwaba mu miraala.

2 Ebyomubyanda 16:6

Agho kyabazinga Asa yaatwala abantu ab'omu Buyudaaya boonaboona, baaja baatoola e Rama amabaale n'emiti, Baasha bye yali ali kuzimbisa. Asa yaabizimbisa ebibuga, Geba ni Mizipa.

2 Ebyomubyanda 17:12

Yehoshafati yaaja nga yeeyongera okuba ow'amaani, yaazimba ebifo eby'okwewogomamu, n'ebibuga ebyalimu amaterekero,

2 Ebyomubyanda 17:2

Yaata amagye mu bibuga bya Buyudaaya byonabyona ebyezungulwirwa ebimante ebigumu. Ni mu biketezo bya Buyudaaya eby'omu byalo yaataayo enkambi dh'abalwani, ni mu bibuga by'omu Efuraimu lata we Asa bye yanhaga, mwona yaataamu enkambi dh'abalwani.

2 Ebyomubyanda 21:3

Iseibwe oyo Yehoshafati yabagha ebintu kamaala: feeza, ni zaabu, n'ebintu ebindi eby'omughendo, ghalala n'ebibuga mu Buyudaaya ebyezungulwirwa ebimante ebigumu. Aye obwakyabazinga yaabugha Yehoramu, kuba n'eyali omwana omuberi.

2 Ebyomubyanda 26:6

Uzzia oyo yaaja yaalumba Abafilisiti, yaabalwanisa, yaamenhagho ebimante eby'oku bibuga, Gathi, ni Yabune, ni Ashidodi. Era yaazimba ebibuga mu biketezo by'e Ashidodi, n'aghandi mu nsi y'Abafilisiti.

2 Ebyomubyanda 27:4

Yaazimba ebibuga mu biketezo bya Buyudaaya eby'oku nsozi, era yaazimba ebifo eby'okwewogomamu n'ebituuti ebirengererwaku mu bibira eby'oku nsozi.

Yeremia 34:7

Mu kiseera ekyo eigye lya kyabazinga w'e Babilonia lyali lirumbye ekibuga ekyo Yerusalemu, era nga lirumbye n'ebibuga Lakishi ni Azeka, ebyali nga ni byonka ebyali bikaasigairegho mu Buyudaaya ebyezungulwirwa ebimante ebigumu.