2 Ebyomubyanda 11:18 - Baibuli Ekibono kya Katonda 2014

¹⁸ Rehoboamu yafumbirwa Mahalathi mughala wa Yerimothi, Yerimothi oyo nga mutabane wa Daudi. Ate inhina wa Mahalathi oyo nga ni Abihaili, mughala wa Eliabu, Eliabu oyo nga mutabane wa Yesse.

2 Ebyomubyanda 11:18 Iomraidhean Croise

1 Ebyomubyanda 2:13

Yesse yaazaala abaana abalenzi musanvu: Eliabu nga n'omuberi, kwairaku Abinadabu, kwairaku Shimea,

1 Ebyomubyanda 27:18

Elihu, owundi ku baganda ba kyabazinga Daudi, yaakulira ekya Yuda Omuri mutabane wa Mikaeli yaakulira ekya Issakari

2 Ebyomubyanda 11:19

Rehoboamu yazaala ni Mahalathi abaana abalenzi basatu: Yeushi, ni Shemaria, ni Zahamu.

1 Samueli 16:6

Yesse ni batabane be bwe baatuuka, Samueli yaabonamu Eliabu, yaadhuuba mule ati: “Bwenebwene ono ayemereire mu maiso ga Musengwa Katonda, n'oyo Musengwa Katonda y'anaasiiga omuzigo.”

1 Samueli 17:13

Batabane ba Yesse oyo abakulu baali bajiire ni Saulo mu lutalo. Amaina gaibwe ni gano: Eliabu nga n'omwana omuberi, Abinadabu yaamwiraku, ate Shamma yairaku.

1 Samueli 17:28

Eliabu muganda wa Daudi eyali abasinga boonaboona obukulu, bwe yawulira nga Daudi ali kwogera n'abantu abo, obusungu bwe bwatumbukira ku Daudi oyo ng'oti muliro. Yaamubuuza ati: “Lwaki oidhie ghano? Era entaama edho odhirekeire ani eyo mu irungu? Ndidhi okwepankapanka kwo kw'oli nakwo. Era olwo oidhie kubona lutalo bwe luli.”