2 Ebyomubyanda 10:8 - Baibuli Ekibono kya Katonda 2014

⁸ Aye kyabazinga Rehoboamu yaava ku magezi g'abantu abakulu ge baamugha, yeebuuza ku baisuka abaakula naye era abaali nga n'abamugheereza mu kiseera ekyo.

2 Ebyomubyanda 10:8 Iomraidhean Croise

2 Samueli 17:14

Agho Abusalomu n'Abaisiraeli boonaboona baakoba bati: “Amagezi ga Hushai Omuaraki malungi okusinga aga Ahithofeli.” Musengwa Katonda yali asazeegho ng'aja kubaleetera balobe kukolera ku magezi amalungi Ahithofeli ge yagha, mu nsambo eyo aleete akabi ku Abusalomu.

2 Ebyomubyanda 10:9

Yaababuuza ati: “Magezi ki ge mumpa? Twiremu tutya abantu bano abankobye bati, ‘Kendeeza ku buzito lata wo bwe yatukaluubirizanga nabwo?’ ”

Ensambo 1:25

Amagezi ge mbagha timugatwala ng'ekikulu, era timwenda ni mbanenia.

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Ensambo 19:20

Bw'owulirisa amagezi agakugheebwa era n'oganha okugalagirwa, olwo olifuna amagezi mu biseera eby'omu maiso.

Ensambo 25:12

Ow'amagezi by'agalagira omuntu eyeetegeike okuwulirisa, biba bya mughendo okuwula empeta ya zaabu n'ebintu ebyakolebwa mu mabaale ga zaabu.

Ensambo 27:10

Otavanga ku bakagwa bo, oba bakagwa ba lata wo. Otanoonerezanga waluganda lwo ng'oli mu buzibu. Muliraanwa wo akuli okumpi awula owoluganda ali eghala.

Ensambo 9:9

Bw'ogalagira omuntu omugezi yeeyogeraku okuba omugezi. Bw'oyegeresa omuntu akola ebituufu yeeyongeraku okwega.

Omulangirizi 10:16

Ensi eba ekagwireku, bw'eba n'omufuzi nga mwana muto, ate nga abakungu baayo bawuuna buwuune mu binhumo.

Isaia 30:1

Musengwa Katonda akoba ati: “Bakagwireku abakulembeze abo abadheemu, abajiira ku ntegeka nze dhe ntakoze, era ni bakola endagaano edh'enkolagana n'amaghanga agandi; kuba agho baba bongera kibi ku kibi.