2 Ebyomubyanda 1:14 - Baibuli Ekibono kya Katonda 2014

¹⁴ Yaasoloza ebigaali eby'omu lutalo n'abavuzi b'embalaasi. Yali n'ebigaali eby'omu lutalo lukumi na bina (1,400), n'abavuzi b'embalaasi omutwalo mulala n'enkumi ibiri (12,000) abandi yaabata mu bibuga ebikuumirwamu ebigaali eby'omu lutalo, ate abandi yaabata mu Yerusalemu, mwene ye yali.

2 Ebyomubyanda 1:14 Iomraidhean Croise

1 Bakyabazinga 10:16

Kyabazinga Solomoni yagheesa engabo enene ebikumi bibiri (200), buli ndala yaagirimbyaku zaabu azitogha kilo ng'oti musanvu.

1 Bakyabazinga 4:26

Solomoni yali n'embalaasi emitwalo ena (40,000) edhaaghaluzanga ebigaali bye eby'omu lutalo, nga buli ndala eri n'akasenge kaayo. Era yali n'abavuzi b'embalaasi omutwalo mulala n'enkumi ibiri (12,000).

1 Bakyabazinga 5:6

Kale, mpegaano lagira bantemere emivule e Lebanoni. Abagheereza bange baidha kukolera ghalala n'ababo. Era ndidha kukusasula empeera y'onaayenda olw'abagheereza bo abo. Nga bw'oidhi obukalamu, eno ewaife ezira baidhi kutema miti ng'oti n'Abasidoni bwe batema.”

1 Bakyabazinga 9:19

n'ebibuga bye ebyalimu amaterekero, n'ebibuga mwe yakuumiranga ebigaali bye eby'omu lutalo, n'ebibuga by'abasaadha be abavuzi b'embalaasi, n'ebindi byonabyona Solomoni bye yayenda okuzimba mu Yerusalemu ni mu Lebanoni, n'aghandi woonawoona mu biketezo bye yali afuga.

2 Ebyomubyanda 8:6

Era yaazimba ekibuga Baalathi, n'ebibuga bye ebyalimu amaterekero, n'ebibuga mwe yakuumiranga ebigaali bye eby'omu lutalo, n'ebibuga by'abasaadha be abavuzi b'embalaasi, n'ebindi byonabyona Solomoni bye yayenda okuzimba mu Yerusalemu ni mu Lebanoni, n'aghandi woonawoona mu biketezo bye yali afuga.

2 Ebyomubyanda 9:25

Solomoni era yali n'ebisenge enkumi ina (4,000) eby'embalaasi dhe, n'ebigaali byadho eby'omu lutalo, n'abavuzi ab'embalaasi omutwalo mulala n'enkumi ibiri (12,000), be yata mu bibuga ebikuumirwamu ebigaali eby'omu lutalo ni mu Yerusalemu, mwene mwe yali.

Amateeka Agokubiri 17:16

Era kyabazinga oyo atagezangaku kufuna mbalaasi kamaala, waire okwizaayo abantu e Misiri ayongere okufunayo embalaasi edhisingagho obungi. Kuba Musengwa Katonda yakoba ati timuja kwirayo eyo kabiri.