2 Ebyomubyanda 1:11 - Baibuli Ekibono kya Katonda 2014

¹¹ Agho Katonda yaakoba Solomoni ati: “Nga bw'olowooziiza ku ekyo, n'oteesabira kufuna bukombe, oba ebintu, oba ekitiibwa, oba okuzikiriza abazigu bo, oba okughangaala, aye ni weesabira amagezi n'okumanha, osobole okufuganga abantu bange be nakugemya obe kyabazinga waibwe,

2 Ebyomubyanda 1:11 Iomraidhean Croise

1 Bakyabazinga 10:24

Abantu ab'omu nsi yoonayoona baayendanga okwidha aghali Solomoni oyo, okuwulira ebibono eby'amagezi ge, Katonda ge yamugha.

1 Bakyabazinga 3:28

Abaisiraeli boonaboona bwe baawulira kyabazinga Solomoni bw'asaze omusango ogwo, baamwewuunhia inho, kuba baabona ng'amagezi ga Katonda gamulimu, asobole okusalanga mu butuufu.

1 Bakyabazinga 8:18

Aye Musengwa Katonda yaamukoba ati, ‘Wakola bukalamu okuba n'ekidhuubo eky'okunzimbira eisinzizo.

1 Ebyomubyanda 28:2

Agho kyabazinga Daudi yaayemerera, yaakoba ati: “Muwulire bye nkoba, imwe baganda bange era bantu bange. Nayenda inho okuzimbira Esanduuku y'Endagaano ya Musengwa Katonda endhu mw'enaabanga, kibenga ekifo Katonda waife mw'afugira. Era nali ntegeike okuzimba,

2 Ebyomubyanda 1:12

kale amagezi n'okumanha by'osabye mbikughaire. Era ndidha kukugha obukombe, n'ebintu, n'ekitiibwa, nga tighabangaghooku kyabazinga owundi yeenayeena ku baakusooka eyaali abifunieku, waire okubaagho kyabazinga owundi yeenayeena alikwiririra alibifuna.”

Ensambo 14:8

Amagezi ag'omutegeevu gamuleetera okumanha eky'okukola, aye obusiru obw'abasiru bubaleetera kwerimba.

Ensambo 23:7

Kuba, nga bw'alowooza munda, ni ku ngulu bw'ali. Akukoba ati: “Lya era onhwe,” aye ng'omwoyo gwe gukuziraku.

Ensambo 8:15

Ninze agha bakyabazinga okufuga, era naagha abafuzi okutaagho amateeka amakalamu.

Ebikolwa by'Abatume 5:4

Bw'obaire okaali kutunda kibandha kyo, tikibaire kikyo? Ate bw'omaze okukitunda, ebiviiremu tibibaire bibyo? Memale lwaki ekintu ng'oti n'ekyo kikwidhie mu mwoyo gwo? Tosubaighe bantu, osubaighe Katonda.”

Abaheburayi 4:12

Ekibono kya Katonda kiramu, kikola era kyogi okusinga empiima eri n'obwogi ku ndhuyi dhaayo dhombi. Kisalira irala kyatuuka n'okwawula omutima n'omwoyo, obuyungiro n'omusokono. Kisobola okubonera irala omuntu by'alowooza ni by'ayenda, ebiri mu mwoyo gwe.

Yakobo 3:13

Ghaligho mu imwe ali n'amagezi n'okumanha? Kale akakase ekyo nga yeebisa bukalamu mu bulamu bwe, mu bikolwa ebikalamu eby'okwewombeeka n'amagezi.

Yakobo 3:17

Aye okusookera irala, amagezi agava mu igulu maamufu, ga idembe, mawombeefu, gawulirisa ensonga, gaidhwire okusaasira, gavaamu bikalamu byereere, ganoonia ekituufu era tigabaamu buguya.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”