2 Bakyabazinga 9:3 - Baibuli Ekibono kya Katonda 2014

³ Agho otoole akadoome ak'omuzigo, ogumufuke ku mutwe ng'okoba oti Musengwa Katonda akoba ati, ‘Nkusiize omuzigo guno obe kyabazinga wa Isiraeli.’ Ng'omaze, oidha kwigulagho olwigi olumuke, oveeyo mangu.”

2 Bakyabazinga 9:3 Iomraidhean Croise

1 Bakyabazinga 19:16

osiige ni Yehu mutabane wa Nimushi abe kyabazinga wa Isiraeli, era osiige ni Elisha mutabane wa Shafati ow'e Abeli Mehola abe omulanzi mu kifo kyo.

Matayo 2:13

Agho ng'abo baakavaagho, malaika wa Musengwa yaabonekera Yosefu mu kirooto yaamukoba ati: “Situka otoole omwana n'inhina mulumukire e Misiri, era musigale eyo okutuusa lwe ndiba ni kye nkukoba, kuba Herode aja kunoonia omwana okumwita.”

Danieli 5:18

“Kale ni Isebantu kyabazinga, wulira: oyo Ali Ghaigulu Yeene yagha lata wo Nebukadinezzari okuba kyabazinga omukologho, ow'ekitiisa, era ow'amaani.

Danieli 4:35

Abona abantu ab'oku nsi boonaboona ng'oti n'ebintuntu ebitagasa naire. Akola kyonakyona ky'aba eyenze ku ebyo ebiba ku igulu, era yaakola kyonakyona ky'ayenda ku bantu boonaboona ababa ku nsi. Ghazira asobola kumutakania, oba okumubuuza ky'akoze.

Danieli 2:1

Nebukadinezzari bwe yali nga ni kyabazinga, mu mwaka gwe ogwokubiri, yaloota ekirooto kyamweraliikiriza, n'endoolo dhaamubula.

2 Ebyomubyanda 22:7

Aye Musengwa Katonda yali amaze okutegeka ng'okuzikirira kwa Ahazia kuja kumwidhira lwa kukyalira Yoramu, kuba Ahazia oyo bwe yatuukayo, yaja ni Yoramu okubona Yehu mutabane wa Nimushi, Musengwa Katonda ye yali amaze okulonda nga n'ow'okuzikiriza ab'endhu ya Ahabu.

2 Bakyabazinga 8:13

Hazaeli yaabuuza ati: “Katyo nze omugheereza wo ndi ng'embwa obubwa, ndisobola ntya okukola ekyaga agho?” Elisha yairamu ati: “Musengwa Katonda andholeike ng'oliba kyabazinga wa Siria.”

1 Samueli 16:2

Samueli yaakoba ati: “Nsobola ntya okuja eyo? Saulo bw'alikiwulira aja kundhita!” Musengwa Katonda yaamukoba ati: “Ja n'ente ento, olikoba oti, ‘Ndidhie kughaayo musengo eri Musengwa Katonda.’

1 Samueli 15:17

Samueli yaamukoba ati: “Waire iwe mwene weebona nga toli wa ndhawulo ku bantu bandi, aye ti niiwe akulira ebika byonabyona mu Isiraeli? Musengwa Katonda yakusiiga omuzigo obe kyabazinga wa Isiraeli.

1 Samueli 15:1

Agho Samueli yaakoba Saulo ati: “Musengwa Katonda yantuma okwidha y'oli okukusiiga omuzigo, obe kyabazinga ow'abantu be Abaisiraeli. Buti ni wulira by'akoba.

1 Samueli 9:16

“Enkyo mu kiseera ng'oti ni kino, ndidha kugheereza y'oli omusaadha okuva mu kiketezo kya Benjamini. Oidha kumusiiga omuzigo, abe omukulembeze ow'abantu bange Abaisiraeli. Oyo n'alitoola abantu bange abo mu mikono gy'Abafilisiti, kuba mboine okudaazibwadaazibwa kwaibwe n'okulira kwaibwe kwatuuka ye ndi.”

Abalevi 8:12

Yaasiiga Aaroni omuzigo ku mutwe okumwawula.

Okuvaayo 29:7

Bw'omala oidha kuleeta omuzigo ogusiigibwa ogumufuke ku mutwe omutukuze.

Matayo 10:16

“Bona, ndi kubatuma, nga muli oti ntaama ghagati mu misege. Kale ni mube bakabwidhibwidhi ng'emisota, ng'ate muli bawolu ng'oti njiibwa.

Matayo 26:7

ng'ali ku kiiwulo alya, omukazi yaidha ng'ali n'akadoome ka alabasituro, nga kalimu omuzigo ogw'omughendo, yaagusiiga ku mutwe gwa Yesu!

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

2 Bakyabazinga 9:6

Yehu yaasituka, bombi baingira mu ndhu. Omwisuka omulanzi yaafuka omuzigo ogw'ebibala eby'emiti emyoliva ku mutwe gwa Yehu, ng'amukoba ati: “Musengwa Katonda, Katonda wa Isiraeli akoba ati, ‘Nkusiize omuzigo guno obe kyabazinga w'abantu bange Abaisiraeli.