2 Bakyabazinga 3:2 - Baibuli Ekibono kya Katonda 2014

² Yaakola ebibi eri Musengwa Katonda, aye tibyatuuka ku bya lata we na bya inhina kuba yamenhagho empango y'omusambwa Baali, lata we ye yakola.

2 Bakyabazinga 3:2 Iomraidhean Croise

1 Bakyabazinga 16:19

Yafa olw'ebibi bye, bye yakola eri Musengwa Katonda nga Yeroboamu bwe yakola, n'aleetera Isiraeli okwonoona. Zimuri oyo yakola nga Yeroboamu bwe yakola, yaasungughaza Musengwa Katonda olw'ebibi bye mwene bye yakola, era yaamusungughaza olw'okuleetera Isiraeli okwonoona.

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

2 Bakyabazinga 10:18

Agho Yehu yaayeta abantu boonaboona beesoloza, yaabakoba ati: “Ahabu yasinzanga omusambwa Baali katono, aye nze ndidha kugusinza okusingagho.

2 Bakyabazinga 21:20

Amoni oyo yaakolanga ebibi eri Musengwa Katonda, nga lata we Manasse bye yakolanga.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Bakyabazinga 9:22

Yoramu bwe yabona Yehu, yaamubuuza ati: “Yehu, oidhie lwa miraala?” Yehu yairamu ati: “Miraala ki egisobola okubaagho, ng'okusinza ebitali Katonda n'obulogo ebya inhoko Yezebeli bikaaligho ebingi bityo?”

2 Bakyabazinga 9:34

Yehu yaingira mu kisaagaati kya kyabazinga, yaalya era yaanhwa. Memale yaakoba ati: “Mubone nti muziika omukazi oyo eyakolimirwa, kuba mughala wa kyabazinga.”

Okuvaayo 23:24

Otakubiranga misambwa gyaibwe makiryaivu, oba okugisinza, oba okukola ebyo beene bye bagikolera. Aye ogizikirizanga, era waamenhamenhanga empango dhaagyo edh'amabaale.

1 Samueli 15:19

Kale, lwaki tiwagondera kiragiro kya Musengwa Katonda? Lwaki wagwidhubanira ku kutwala omunhago, n'okola ekibi ekisungughaza Musengwa Katonda?”