1 Samueli 9:3 - Baibuli Ekibono kya Katonda 2014

³ Agho edhindi ku ndogoyi dha Kishi lata wa Saulo, dhaali dhibuze. Kishi yaakoba mutabane we Saulo ati: “Twalaku owundi ku bagheereza, muje mwagale endogoyi edho.”

1 Samueli 9:3 Iomraidhean Croise

Abalamuzi 10:4

Yali ni batabane amakumi asatu, abaajiiranga ku ndogoyi amakumi asatu. Baali n'ebibuga amakumi asatu, mu Gileadi, ebikaayetebwa ebyalo bya Yairi ni ye buli eno.

Abalamuzi 5:10

Mukighayeeku imwe abatyama ku ndogoyi edh'erangi, imwe abatyama ku bisampa eby'omughendo einho, n'imwe abatambula mu ngira.

1 Samueli 10:14

Muganda wa lata wa Saulo, yaabuuza Saulo n'omugheereza we ati: “Mwabaire mujiire gha?” Saulo yaamwiramu ati: “Twabaire tujiire kwagala ndogoyi. Aye bwe twaboine nga tidhiboneike, twaja eri Samueli.”

1 Samueli 10:2

Olwaleero bw'onaava ghano ghe ndi, oidha kwagaana abantu babiri, nga bali kumpi n'amagombe ga Rakeli e Zeluza mu kiketezo kya Benjamini. Baidha kukukobera bati endogoyi dhe wajiire okwagala dhiboneike, era bati mpegaano lata wo aviire ku kulowooza ku ndogoyi, yaira ku kweraliikirira bwa iwe, ng'akoba ati, ‘Nnaakola ntya olw'omwana wange?’

1 Samueli 9:2

Kishi yali ni mutabane we eyayetebwanga Saulo, nga mulungi inho mu mboneka ye era nga mwisuka. Mu mboneka, nga ghazira amusinga bulungi mu Baisiraeli boonaboona. Okuva ku mabega ge okuja ghaigulu, yali asinga abantu boonaboona obuleeyi.

1 Samueli 9:20

N'endogoyi dhire edhimaze enaku eisatu nga dhibuze, otadheeraliikirira, kuba dhimaze okuboneka. Aye Abaisiraeli boonaboona naani ye bayayaanira einho? Ti niiwe, n'ab'omu ndhu ya lata wo yoonayoona?”

1 Samueli 9:4

Baabita mu kiketezo ky'ensozi ekya Efuraimu ni mu kiketezo eky'e Shalisha, aye baaloba kudhibona. Baabita mu kiketezo eky'e Shalimu, aye nga dhizirayo. Era baabita mu kiketezo ekya Benjamini, aye baaloba kudhaagaana yo.