1 Samueli 7:1 - Baibuli Ekibono kya Katonda 2014

¹ Agho abantu ab'e Kiriathi Yearimu baanona Esanduuku ya Musengwa Katonda, baagitwala mu ndhu ya Abinadabu ku lusozi. Era baayawula mutabane we Eleazari okugirabiriranga.

1 Samueli 7:1 Iomraidhean Croise

1 Ebyomubyanda 13:3

Olwo tuje twize Esanduuku y'Endagaano eya Katonda waife, ye twali tusuuliriire nga titukaagifaaku mu biseera Saulo bye yafugiramu.”

Zabbuli 132:6

Bona, Esanduuku ey'Endagaano twagiwuliza ng'eri e Bethelehemu, twagibona ng'eri mu biketezo bya Yaari.

Isaia 52:11

Muje, muje, muve mu Babiloni, imwe ababbeeda ebintu ebikozesebwa mu isinzizo lya Musengwa Katonda. Mutagema ku kintu kyonakyona ekitali kirongoofu. Muje mwekuume nga muli balongoofu.

Yoshua 18:14

Agho ensalosalo yaakyusa ku luuyi olundi yaasimbira e bugwandhuba, ku lusozi oluli ku luuyi olw'omukono omusaadha olw'e buvandhuba, olulingagaine ni Bethi Horoni, era yaakoma e Kiriathi Baali ekyo nga ni Kiriathi Yearimu ekibuga eky'Abayuda. Eyo n'eyali ensalosalo ey'e bugwandhuba.

Yoshua 9:17

Agho Abaisiraeli baatoolera okutambula, era ku lunaku olwokusatu baatuuka mu bibuga eby'abantu abo era ni bino: Gibeoni, Kyefira, Beerothi, ni Kiriathi Yearimu.

1 Samueli 6:21

Kale baatuma abakwenda y'abantu ab'e Kiriathi Yearimu, okubakoba bati: “Abafilisiti baiziiza Esanduuku ya Musengwa Katonda. Mwidhe muginone.”

1 Samueli 7:2

Esanduuku ey'Endagaano ya Musengwa Katonda yamala ekiseera kinene ng'eri mu Kiriathi Yearimu emyaka ng'oti makumi abiri. Abaisiraeli baamala ekiseera ekyo nga balirira Musengwa Katonda abayambe.