1 Samueli 6:3 - Baibuli Ekibono kya Katonda 2014

³ Baabairamu bati: “Bwe munaaba nga mwizaayo Esanduuku ey'Endagaano ya Katonda wa Isiraeli, timwidha kugiizaayo ndhereere. Mu buli ngeri muli n'okugiizaayo ye Katonda oyo ghalala n'ekigheebwayo ng'omutango. Olwo mwidha kuwona era mumanhe lwaki abaire ababonerezanga nga tasalaku.”

1 Samueli 6:3 Iomraidhean Croise

Yobu 10:2

Ndidha kukoba Katonda nti otansalira bwa musango kunsinga, aye mmanhisa ky'onvunaana.

Okuvaayo 23:15

Ekibinuko ekisooka n'eky'omu mwezi gwa Abibu, omwezi gwe mwaviiramu mu Misiri. Nga bwe nabalagira, bwe mukolanga ekibinuko kino mulyanga migaati gitazimbulukusiibwa gyonka okumala entangama ya nnaku musanvu. Era ghatabangagho aidhanga kunsinza ng'azira kigheebwayo.

Okuvaayo 34:20

Endogoyi enume ezaalibwa mu luzaalo olusooka muginunulanga nga mughaayo entaama ento. Aye bwe mubanga nga timuginunwire, muginiolanga enkoto yaafa. N'omwana omulenzi omuberi munaamununulanga mu nsambo n'endala eyo. “Ghatabangagho aidha kusinza ng'azira kigheebwayo.

Okuvaayo 8:15

Aye kyabazinga bweyabona ng'ekizibu ekyo kiviiregho yaakalangusa omwoyo gwe, yaaloba kutya era yaaloba kuwulira nga Musengwa Katonda bweyakoba.

Abalevi 5:6

Era anaaleetanga eri Musengwa Katonda entaama enkazi oba embuzi ng'omutango olw'omusango ogwo gw'aiziiza. Kabona anaaghangayo ebintu ebyo byaba ekigheebwayo ng'omutango olw'ekibi eky'omuntu oyo.

Abalevi 6:6

Anaaleetanga eri kabona entaama enume eziraku kikyamu kyonakyona, ebe ekigheebwayo ng'omutango. Omughendo ogw'empiiya oguja mu ntaama eyo gunaabalirirwanga mu mbalirira entongole ey'omu isinzizo.

Amateeka Agokubiri 16:16

“Abasaadha boonaboona ab'omu ighanga lyaimwe, baidha kujanga basinze Musengwa Katonda waimwe emikuzi esatu mu mwaka, mu kifo ky'aliba ng'alonzeegho okumusinzizangamu. Baidha kukolerangayo ebibinuko bino: eky'Emigaati Egitazimbulukusiibwa, eky'Amakungula, n'eky'Entindi. Era tibaidhenga mu maiso ga Musengwa Katonda nga bazira kye baleese.

1 Samueli 5:11

Agho baatuma, baayeta abafuzi ab'Abafilisiti boonaboona, baabakoba bati: “Mwizeeyo Esanduuku ey'Endagaano ya Katonda wa Isiraeli mu kifo kyayo y'eba, erobe kutwita ife n'abantu baife.” Ghaaligho okutya einho ekibitiriire mu kibuga kyonakyona, kuba Katonda yali ali kubabonereza inho.

1 Samueli 5:7

Abantu ab'omu Ashidodi bwe baabona nga biri bityo, baakoba bati: “Esanduuku ey'Endagaano ya Katonda wa Isiraeli eteekwa kutuvaamu, kuba ali kutubonereza inho ife era n'omusambwa gwaife Dagoni.”

1 Samueli 5:9

Aye olwagituusa e Gathi bati, Musengwa Katonda yaatoolera okubonereza ekibuga ekyo. Yaabaleetera okutya einho, era yaabasindikira okulwala ebizimba byabafukumukaku boonaboona, abakulu n'abato.

1 Samueli 6:8

Memale mute Esanduuku ey'Endagaano ya Musengwa Katonda ku kigaali ekyo. N'ebiwumbe bire ebya zaabu, bye muli kugheereza Musengwa Katonda bibe ekigheebwayo ng'omutango, mubite mu sanduuku eyindi, mugiriinaanie Esanduuku ya Musengwa Katonda. Olwo musame ente dhighaluze ekigaali, mudhireke Esanduuku ya Musengwa Katonda eje y'eyenda.

1 Samueli 6:9

Agho mugiringirire: Bw'enaasimbira e Bethi Shemeshi mu nsi yaayo, kiidha kumanhika nga Katonda w'Abaisiraeli n'atukoze akabi akanene katyo. Aye bwe kitaba kityo, olwo twidha kumanha tuti ebibonerezo ebyatutuukaku, byatugwaku bugwe.”