1 Samueli 5:3 - Baibuli Ekibono kya Katonda 2014

³ Abantu ab'omu Ashidodi bwe baasitukagho ku nkyo ku lunaku olwairirira, baaja okubona ng'ekiwumbe eky'omusambwa Dagoni kigwire n'obweni bwakyo bwatuuka ku itaka, emberi w'Esanduuku ey'Endagaano ya Musengwa Katonda. Agho baakibbeeda baakiiza mu kifo kyakyo.

1 Samueli 5:3 Iomraidhean Croise

1 Bakyabazinga 18:26

Abalanzi ba Baali baatwala ente ye baabagha, baagitegeka. Agho baayeta omusambwa baali okuva ku nkyo okutuuka mu kasana ghagati, nga bakoba bati: “Wo Baali, wulira otwiremu.” Aye ghaaloba kubaagho mamiro gawulikika, waire okubaagho airamu. Baatuumiratuumira gh'alutaari ye baazimba.

Zabbuli 115:7

Biriku engalo aye nga tibisobola kugema ku kintu ni bikiwulira, byabaaku ebigere aye nga tibitambula, era ghazira iroboozi naire eriva mu mamiro gaabyo.

Zabbuli 97:7

Abo boonaboona abasinza ebitali Katonda, ni beesaaka olw'okwesiga ebifaananie obufaananie ebyo ebiziramu na muganhulo, baswazibwa; kuba ebyo byonabyona bimukubira amakiryaivu.

Okuvaayo 12:12

kuba obwire obwo ndidha kubita mu Misiri nje nga ndhita abaana abalenzi ababeri boonaboona Abamisiri. Era ndhite n'ensolo dhaibwe enume dhoonadhoona edhaazaalibwa mu nzaalo edhisooka. Era ndidha kubonereza emisambwa egy'omu Misiri gyonagyona. Ninze Musengwa Katonda.

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Isaia 40:20

Aye omwavu atasobola kukozesa zaabu oba feeza, alondagho yaakozesa omuti ogutavunda. Yaanoonia omubaadhi omukugu, yaagukolamu ekifaananie ekitaatengeesebwe ni kigwa.

Isaia 41:7

Omubaadhi ow'ekisinzibwa ekitali Katonda agumya omugheesi ow'ebintu bya zaabu. N'ole akonta ekisinzibwa ekyo n'enhundo okukisaania obukalamu, agumya ole akonta ekyuma ekisu nga kyengereire n'omuliro, bombi baakoba ole ayokya n'eisasi bati, ‘Kye tukoze n'ekyo kyene!’ Olwo baakikomerera n'emisumaali kirobe kuseseetuka mu kifo kyakyo.

Isaia 46:7

Bakibbeedera ku mabega baakitwala, baakita mu kifo kyakyo, kyaba agho nga tikisobola kwesegenhiaku waire okuvaaghooku. Bwe ghabaagho aidha okukisaba tikisobola kumwiramu, waire okumuwonia mu bizibu bye.

Yeremia 10:8

Abo boonaboona basiru era baziramu kategeera, kuba bazira kye basobola kwegera ku bifaananie ebyo eby'ekiti obuti.

Zefania 2:11

Musengwa Katonda oyo aja kubatiisa inho ekibitiriire. Bwenebwene emisambwa gyonagyona aja kugifuula ebintu ebiziramu kantu, era olwo buli ighanga lirisinza mwene nga liri mu kiketezo kyalyo.

Mariko 3:11

N'emizimu bwe gyamubonanga nga gyeyala agho mu maiso ge gyayasiikana giti: “Niiwe Omwana wa Katonda!”

1 Samueli 6:1

Esanduuku ya Musengwa Katonda yamala emyezi musanvu ng'eri mu nsi ey'Abafilisiti.

1 Samueli 6:5

Kale ni mukole ebiwumbe ebifaanana ng'oti n'ebizimba byaimwe n'ebindi ebifaanana ng'oti n'empube dhaimwe edhiri kwitaitana ensi. Olwo mwise ekitiisa mu Katonda wa Isiraeli, memale katyo oba anaalekera agho okubabonereza imwe, n'emisambwa gyaimwe, era n'ensi yaimwe.