1 Samueli 5:1 - Baibuli Ekibono kya Katonda 2014

¹ Abafilisiti bwe baamala okunhaga Esanduuku ey'Endagaano ya Katonda baagitoola mu Ebenezeri, baagitwala mu Ashidodi.

1 Samueli 5:1 Iomraidhean Croise

1 Samueli 7:12

Agho Samueli yatoola eibaale yaalisimba ghagati wa Mizipa ni Sheni, yaalituuma eriina Ebenezeri ng'akoba ati: “Musengwa Katonda atuyambye okutuusa mperaano.”

1 Samueli 4:1

Agho Abaisiraeli baaja okulwana n'Abafilisiti. Baasimba weema dhaibwe mu kifo ekyetebwa Ebenezeri, ate Abafilisiti baasimba edhaibwe mu Afeki.

1 Samueli 4:22

Yaakoba ati: “Ekitiibwa kiviire ku Isiraeli, kuba Esanduuku ya Katonda baginhaze.”

Yoshua 13:3

Ekiketezo kino, kiva ku mwiga Shihori, oguli e buvandhuba wa Misiri okwira ku luuyi olw'omukono omugooda olw'e buvandhuba, okutuuka ku nsalosalo ni Ekuroni. Era kitwalibwa ng'eky'Abakanaani, era nga kirimu abafuzi bataanu ow'e Gaza, ow'e Ashidodi, ow'e Ashikeloni, ow'e Gathi n'ow'e Ekuroni. Ekiketezo ekindi n'eky'e Avvimu

Ebikolwa by'Abatume 8:40

Filipo yaaboneka mu Azoto, yaabitabita mu bibuga byonabyona ng'aja ng'akobera abantu Amawulire Amalungi okutuuka e Kaisaria.

1 Samueli 4:11

Esanduuku ey'Endagaano baaginhaga, ni batabane ba Eli bombi, Hofuni ni Finehasi, baabaita.

Yoshua 11:22

Mu biketezo byonabyona eby'Abaisiraeli timwasigala Muanaki waire mulala, okutoolaku abatonotono abaasigalaku mu Gaza, Gathi ni mu Ashidodi.

Zabbuli 78:61

Yaaleka abazigu baanhaga Sanduuku y'Endagaano akamanhiso ke ak'obukumu n'ekitiisa.

Isaia 20:1

Agho kyabazinga Sarugoni ow'e Assiria yaatuma omuduumizi w'eigye lye, yaidha yaalumba ekibuga Ashidodi era yaakigema.

Amosi 3:9

Mulangirire eri ababa mu bisaagaati mu Ashidodi n'eri ababa mu bisaagaati mu nsi Misiri. Mubakobe muti: “Mwesololeze ku nsozi dha Samaria mubone ebikolwa eby'obukambwe ebitiisa, n'eby'okutuntuzibwa ebikolebwa mu Samaria.”

1 Samueli 6:1

Esanduuku ya Musengwa Katonda yamala emyezi musanvu ng'eri mu nsi ey'Abafilisiti.