1 Samueli 4:3 - Baibuli Ekibono kya Katonda 2014

³ Abalwani Abaisiraeli abaawonagho bwe baira ghe baasimba weema dhaibwe, abakulu baibwe beebuuzagania bati: “Olwaleero lwaki Musengwa Katonda atughaireyo Abafilisiti ni batughangula obwaga agho? Ka tuje tuleete Esanduuku ey'Endagaano ya Musengwa Katonda okuva e Shilo, Musengwa Katonda aidhe abe ghalala n'ife, atuwonie abazigu baife.”

1 Samueli 4:3 Iomraidhean Croise

2 Samueli 15:25

Agho kyabazinga Daudi yaakoba Zadoki ati: “Mubbeede Esanduuku ey'Endagaano ya Katonda mugiizeeyo mu kibuga. Musengwa Katonda bw'aliba angemeirwa ekivunika, alindhiza naagibonaku, naabona n'ekifo kyayo mw'eba.

1 Ebyomubyanda 17:1

Agho kyabazinga Daudi ng'amaze okutyama mu miraala mu kisaagaati kye eky'obwakyabazinga, yaakoba Nathani omulanzi ati: “Bona eno, nze nsula mu ndhu eyazimbwa n'emiti emivule, aye Esanduuku ya Musengwa Katonda yaaba bwa mu weema!”

Zabbuli 74:1

Wo Katonda, lwaki otuswire ere n'otwerabira ebyanda n'ebyanda? Lwaki otusungughaliire ife entaama dho dh'oyaya?

Zabbuli 74:11

Lwaki oloba okutuyamba ng'ate tuli mu bwetaavu? Lwaki otulingirira obulingirire n'ozingira bwa makono?

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 58:3

“Baja baabuuza bati, ‘Lwaki tusiiba ng'ate Musengwa Katonda tafaayo? Era lwaki twebonereza aye n'atatufaaku naire?’ “Nze Musengwa Katonda naabairamu nti, ‘Mubone eno, ku lunaku lwe musiibiraku, muba muli kwenooneza bibasanhusa imwe beene. Era mutuntuza n'abakozi baimwe.

Isaia 59:1

Mutalowooza muti amaani ga Musengwa Katonda gaakoma, yaaba nga takaasobola kubalokola. Oba okulowooza muti amatu ge gaasemba, gaaba nga tigakaabawulira, nga muli kumweta okubayamba.

Isaia 59:2

Aye mumanhe nti ebibi byaimwe byene n'ebireetera Katonda waimwe okubalekulira agho, yaaloba kubalingaku, waire okuwulirisa bye mumusaba.

Yeremia 3:16

Bwe mulizaalagana ni mweyongera okuba abangi mu nsi eyo, olwo abantu baliba tibakaayogera ku Sanduuku ya Ndagaano ya Musengwa kuba baliba tibakaagirowoozaaku waire okugiidhukira. Tighalibaagho muntu awulira mule ng'agyetaaga ebeegho, era tibaja kukolayo yindi kabiri.

Yeremia 7:4

Mulobe kwesiga bino bye mwerimba nabyo nga mukoba muti, ‘Eisinzizo lya Musengwa Katonda lirigho, eisinzizo lya Musengwa Katonda lirigho, eisinzizo lya Musengwa Katonda lirigho.’

Okubala 10:33

Kale baava ku lusozi lwa Musengwa Katonda, baatambula olugendo lwa nnaku isatu. Era Esanduuku ey'Endagaano ya Musengwa Katonda yaabeesookangayo emberi olugendo lwa nnaku isatu, okubanooneza ekifo eky'okusimbamu weema dhaibwe.

Okubala 10:35

Buli lwe baatooleranga okutambuza Esanduuku ey'Endagaano, nga Musa akoba ati: “Wo Musengwa Katonda, situkiramu osansaanie abazigu bo, era abo abakukyagha ka bakulumuke.”

Okubala 31:6

Musa yaabasindika okulwana nga baduumirwa Finehasi mutabane wa Eleazari kabona, eyali n'ebintu ebikozesebwa mu Kifo Ekitukuvu, ghalala n'amagwala agafuuyibwa ng'akamanhiso ak'ebiragiro.

Amateeka Agokubiri 29:24

Abantu abamaghanga goonagoona balyebuuza bati, ‘Lwaki Musengwa Katonda akoze ekyo ku nsi eyo? Kiki ekyamusungughaza einho atyo?’

Amateeka Agokubiri 31:26

“Mutwale ekitabo kino eky'Amateeka, mukite gha mbali gh'Esanduuku ey'Endagaano ya Musengwa Katonda waimwe, kibenga eyo ng'obudhulizi obulumiriza abantu be.

2 Timotheo 3:5

abeeyeta Abakurisito aye nga tibenda Bukurisito kubafuga. Weesambenga abantu ng'oti n'abo.

Abaheburayi 9:4

Ghano n'aghaali alutaari eyakolebwa mu zaabu nga yaakuniokezaaku bubbaani. Era n'aghaali Esanduuku ey'Endagaano, eyaghembwaku zaabu ku ndhuyi dhoonadhoona. Mu sanduuku omwo mwalimu ekibya ekya zaabu omwali mannu era mwalimu omwigo gwa Aaroni ogwalokaku amakaba, mwabaamu n'ebipande eby'endagaano.

Yoshua 4:7

Nga mubakobera muti, ‘Amaadhi ag'omwiga Yorudani gaalekera agho okutambula, Sanduuku y'Endagaano bweyali ng'eri kusala omwiga ogwo.’ Kale amabaale ago ganaabanga kiidhukizo eri abantu Abaisiraeli ebyanda n'ebyanda.”

Yoshua 6:6

Yoshua yaayeta bakabona yaabakoba ati: “Mubbeede Sanduuku y'Endagaano, era abantu musanvu ku imwe, buli muntu ageme endeka eyakolebwa mu iyiga ery'entaama, bakulemberemu Sanduuku y'Endagaano eyo.”

Yoshua 7:7

Yoshua yaasaba ati: “Wo Musengwa Katonda, iwe afuga abantu boonaboona, bwenebwene lwaki watusomosa Yorudani? Obwo bwene wayenda kutughaayo mu ngalo dh'Abamori batuzikirize? Ngoli twasigala ku luuyi kule okwa Yorudani tikyandisinze?

Yoshua 7:8

Musengwa Katonda, Abaisiraeli bakyuse baalumuka abazigu, tiidhi na kya kwogera

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

Yuda 1:5

Mperaano nhenda okubaidhusa, waire nga mukiidhi bukalamu, nti oyo eyazaawula Abaisiraeli okuva mu Misiri, yamala yaazikiriza abo abataali na kwikiriza.

1 Samueli 1:24

Omwana bwe yakula n'ava ku mabeere, Hanna yaamutwala ghalala n'ente ey'emyaka esatu, ni kilo ikumi edh'obuwunga obw'engaano, n'ensawo ey'oluwu eidhwire omwenge ogw'emizabbibu. Yaamutwala mu ndhu ya Musengwa Katonda e Shilo, waire ng'era omwana yali akaali muto.

1 Samueli 14:18

Saulo yaakoba Ahiya kabona ati: “Leeta ghano Esanduuku ya Katonda”, kuba mu biseera ebyo Abaisiraeli baajanga n'Esanduuku ya Katonda buli ghe baajanga.

1 Samueli 4:2

Abafilisiti beetegeka mu nhiriri okulwanisa Abaisiraeli, era olutalo bwe lweyongera okutaama Abafilisiti baaghangula Abaisiraeli, era baabaitamu abantu ng'enkumi ina mu irwaniro.