1 Samueli 4:2 - Baibuli Ekibono kya Katonda 2014

² Abafilisiti beetegeka mu nhiriri okulwanisa Abaisiraeli, era olutalo bwe lweyongera okutaama Abafilisiti baaghangula Abaisiraeli, era baabaitamu abantu ng'enkumi ina mu irwaniro.

1 Samueli 4:2 Iomraidhean Croise

Okulira 3:40

Ka twekebere tubone ensambo ye twebisaamu, twire ye Musengwa Katonda.

Abalevi 26:37

Banaaniinaganangaku beene na beene, nga ghazira ali kubabingirira, era tibaabengaku na muzigu ye basobola kulwanisa.

Okubala 14:45

Agho Abamaleki n'Abakanaani abaabanga mu biketezo ebyo eby'oku nsozi, baabalumba, baabaghangula, era baababingirira okubatuukiza irala e Horuma.

Yoshua 7:12

Eyo n'ensonga lwaki buti tibasobola kulwanisa muzigu abalumbye. Bamulumuka bulumuke, kuba beene boona baafuuka ba kuzikiriza. Tikairayo kuba ku luuyi lwaimwe kabiri, okutoolaku nga muzikiriiza ebyo bye nabalagira okuzikiriza bye muli nabyo.

1 Samueli 17:21

Agho Abaisiraeli n'Abafilisiti baalingagana, beetegeka okulwanagana.

1 Samueli 17:8

Agho Goliathi yaayemerera, yaakoba abalwani Abaisiraeli ng'aleekaana ati: “Lwaki mwidhie okwetegeka okulwana? Nze ndi Mufilisiti, ate imwe muli bagheereza ba Saulo. Mwerondemu omuntu aidhe ye ndi.

1 Samueli 4:1

Agho Abaisiraeli baaja okulwana n'Abafilisiti. Baasimba weema dhaibwe mu kifo ekyetebwa Ebenezeri, ate Abafilisiti baasimba edhaibwe mu Afeki.

1 Samueli 4:10

Kale Abafilisiti baalwana era baaghangula Abaisiraeli. Abaisiraeli baalumuka, buli muntu yairayo mu maka ge. Era abantu abaitibwa baali kamaala inho, kuba abalwani b'Abaisiraeli ab'oku bigere baafaamu emitwalo esatu (30,000).

1 Samueli 4:3

Abalwani Abaisiraeli abaawonagho bwe baira ghe baasimba weema dhaibwe, abakulu baibwe beebuuzagania bati: “Olwaleero lwaki Musengwa Katonda atughaireyo Abafilisiti ni batughangula obwaga agho? Ka tuje tuleete Esanduuku ey'Endagaano ya Musengwa Katonda okuva e Shilo, Musengwa Katonda aidhe abe ghalala n'ife, atuwonie abazigu baife.”