1 Samueli 3:2 - Baibuli Ekibono kya Katonda 2014

² Lwali lulala obwire, Eli ng'alambaire mu kifo kye, aye yali takaabona bukalamu olw'ekifu ekyali kitooleire okumwidha ku maiso.

1 Samueli 3:2 Iomraidhean Croise

Amainhama 27:1

Agho Isaaka bweyali ng'akairiighe, era ng'amaiso ge gaidhieku ekifu, nga takaaghanga kubona, yaayeta Esau mutabane we omukulu. Yaamukoba ati: “Mwana wange!” Yaavugira ati: “Ndi ghano.”

Amainhama 48:10

Amaiso ga Isiraeli gaali gaidhieku ekifu olw'okukairigha nga takaabona bukalamu. Kale Yosefu yaabaseesa gh'ali, yaabagwa mu kifuba, yaabeevumba.

Amainhama 48:19

Aye ise yaaloba. Yaakoba ati: “Mwana wange, ekyo nkiidhi bukalamu. Baidhukulu ba Manasse boona balifuuka ighanga, era baliba bakologho. Aye muto we n'alimusinga obukologho, era baidhukulu be balifuuka amaghanga kamaala.”

1 Bakyabazinga 14:4

Agho muka Yeroboamu yaakola atyo, yaasitula yaaja e Shilo, yaatuuka ku ndhu ya Ahiya. Ahiya yali takaaghanga kubona, ng'amaiso gamwidhieku ekifu olw'obukaire.

Zabbuli 90:10

Emyaka gyaife egy'obughangaazi giri nsanvu, oba kinaana, bwe tuba abagumu. Aye ng'ate giidhwire okufaabiikana n'ebizibu kamaala, era giwaaku mangu twabulagho.

Omulangirizi 12:3

Ng'olwo emikono gyo egyakutaasanga gidhugumira, n'amagulu go buti ag'amaani, nga ganafiighe. Ng'amaino tigakaanoza mere olw'okusigalamu amatono, era nga n'amaiso gaidhieku ekifu.

1 Samueli 2:22

Agho Eli yali akairiighe inho, era ng'awulira batabane be bye baakolanga Abaisiraeli boonaboona, era ni babanga mu buliri n'abakazi abaagheerezanga ku mulyango ogw'Eweema ey'Okwagaananirangamu ni Musengwa Katonda.

1 Samueli 4:15

Eli yali agheziiza emyaka kyenda na munaana (98) egy'obukulu, era ng'ekifu kyamugema ku maiso, takaabona bukalamu.