1 Samueli 3:1 - Baibuli Ekibono kya Katonda 2014

¹ Agho mu biseera ebyo, omulenzi Samueli yali agheereza Musengwa Katonda nga Eli n'amulabirira. Era Musengwa Katonda yali tatera kwogera na bantu, waire okubabonekera.

1 Samueli 3:1 Iomraidhean Croise

Zabbuli 74:9

Titukaabona bumanhiso bwaife obutukuvu, abalanzi baawaagho ira era ghazira aidhi bino ghe birikoma.

Ensambo 29:18

Bwe ghabula okugalaga okuva ye Katonda abantu bataamuuka eyo batyo, aye wa nkabi oyo ajiira ku mateeka ga Katonda.

Isaia 13:12

Abo abaliwonagho ndibafuula ba mughendo okusinga zaabu omukenenule; bwenebwene baliba ba ibula okusinga ni zaabu omulungi ow'e Ofiri.

Ezekieli 7:26

Akabi olulibanga okuvaagho kati ng'akandi kairagho, era mulibanga mwakamala okuwulira olubono olwogeirwa nga kabiri muwulira n'olundi. Mulisaba abalanzi babakobere bye bafunie mu kubonekerwa. Bakabona baliba tibakaali na mateeka ge basomesa bantu, n'abantu abakulu balibulwa amagezi ge bagha.

1 Samueli 2:11

Agho Elukana yairayo eka. Omulenzi yaasigala ng'agheereza Musengwa Katonda, nga Eli n'amulabirira.

1 Samueli 2:18

Samueli yali ng'agheereza mu maiso ga Musengwa Katonda ng'akaali mwisuka, ng'avaala ekivaalo eky'obwakabona ekyakolebwa mu lugoye olughegheevu.

1 Samueli 2:35

Ndidha kweronderayo kabona omwesigwa anaakolanga bye nhenda era ebinsangaaza. Nja kumugha eizaire era nditeegho ligheerezenga lubeerera oyo ye nasiiga omuzigo.

1 Samueli 2:36

Ow'eizaire lyo yeenayeena aliwonagho alija ye kabona oyo okusabiriza akasente n'akamere, ng'amukoba ati, nkweghembye, mpa nkole ogundi ku mirimo gya bakabona, nsobole okufuna eky'okulya.’ ”

1 Samueli 3:15

Samueli yaasigala mu buliri okutuusa bwe bwakya. Agho yaasituka, yaigula endhigi edh'endhu ya Musengwa Katonda. Yali ali kutya okukobera Eli ebyali mu kubonekerwa okwo.

1 Samueli 3:21

Musengwa Katonda yaayongeranga okubonekera mu Shilo, ye yeeyolekera Samueli, era yaayogeranga naye. Era buli Samueli kye yayogeranga, ng'Abaisiraeli boonaboona bakiwulirisa.