1 Samueli 22:3 - Baibuli Ekibono kya Katonda 2014

³ Eyo Daudi yaavaayo, yaaja e Mizipa eky'e Moabu, yaakoba kyabazinga w'e Moabu ati: “Nkweghembye ganha lata wange ni maama baidhe babe ghano n'iwe, okutuusa nga mmaze okumanha Katonda ky'aja okunkolera.”

1 Samueli 22:3 Iomraidhean Croise

Amainhama 47:11

Agho Yosefu yaagha ise ni baganda be eitaka mu nsi y'e Misiri, baasenga aghasinga kuba ghalungi mu kiketezo ky'e Ramesesi, nga kyabazinga bweyalagira.

2 Samueli 8:2

Bwe yamala yaaghangula Abamoabu. Yaabalambaaza ghansi mu nhiriri isatu. Olwo yaitaku enhiriri eibiri, yaalekagho lulala. Agho Abamoabu baafuuka bagheereza ba Daudi, era nga bamughanga omusolo.

Okuvaayo 20:12

“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.

1 Timotheo 5:4

Bwe ghabaagho namwandu ali n'abaana oba abaidhukulu, bano basookenga okumanha endhikiriza yaibwe ky'ebakoba okukoleranga amaka ag'ewaibwe, n'okusasulaku abazaire baibwe kuba ekyo Katonda ky'asiima.

Abalamuzi 11:29

Agho omwoyo gwa Musengwa Katonda gwaidha ku Yefutha, yaabita mu Gileadi ni mu Manasse, yaira mu Mizipa eky'omu Gileadi, yaaja y'Abammoni.

Ruthi 4:10

Okwo kwe nhongereza okutwala Ruthi Omumoabu namwandu wa Mahaloni nga mukazi wange. Olwo, ebintu ebyo tibiidha kuva mu maina ga bafu, era n'amaina gaibwe tigaidha kwerabirwa mu bantu ab'omu kibuga, nti lwa kubulwa musika. Imwe muli badhulizi b'ebyo olwaleero luno.”

Ruthi 4:17

Abakazi ab'oku muliiraano baatuuma omwana eriina Obedi, era baakobera buli muntu bati: “Ruthi azaaliire Naomi omwana omulenzi.” Obedi oyo n'eyazaala Yesse, eyazaala Daudi.

1 Samueli 14:47

Saulo bwe yamala okufuuka kyabazinga wa Isiraeli, yalwanisa abazigu be ku ndhuyi dhoonadhoona: Yalwanisa Abamoabu, n'Abammoni, n'Abaedomu, ni bakyabazinga b'e Zoba, era n'Abafilisiti. Buli be yalwanisanga ng'abaghangula.

1 Samueli 22:2

Abantu abaali batuntuzibwa, n'abaali babandhibwa, era n'abo abataali basiimu, boonaboona beesololeza aghaali Daudi. Daudi yaafuuka mukulembeze waibwe, nga boonaboona baghera ng'oti ebikumi bina.

1 Samueli 22:4

Agho Daudi yaaleka abazaire be abo ewa kyabazinga w'e Moabu, era baasigala eyo entangama yoonayoona Daudi ye yamala ng'ali mu mpuku.

1 Samueli 3:18

Kale Samueli yaamukobera byonabyona nga ghazira ky'amugisiisa naire. Eli yaakoba ati: “Oyo ni Musengwa Katonda, k'akole mwene ky'abona nga n'ekirungi.”