1 Samueli 2:9 - Baibuli Ekibono kya Katonda 2014

⁹ Aidha kukuumanga ebigere by'abo abeesigwa y'ali, aye ababi aidha kubaleeteranga okufiira mu nzikiiza; kuba omuntu taghangula lwa maani g'ali nago.

1 Samueli 2:9 Iomraidhean Croise

Yobu 18:18

Balimutoola mu butangaavu baamubingira mu nzikiiza, ave mu nsi y'abalamu.

Yobu 40:13

Baziike boonaboona ghalala mu nkungu, basibire mu kifo ekigisiibwa.

Yobu 5:16

Olwo abaavu baaba n'eisuubi, era abakozi ab'ebibi baabula eky'okwogera.

Yobu 5:24

Oidha kubanga mugumu ng'oidhi oti mu ndhu yo oli miraala; era oidha kukeberanga mu byayo byo nga muziramu kibuze.

Zabbuli 1:6

Katonda alabirira era yaakugira abatuufu, aye ababi balizikirira.

Zabbuli 105:37

Agho yaatoola Abaisiraeli mu nsi omwo, baaja n'ebintu ebya feeza n'ebya zaabu, nga boonaboona balamu era nga ba maani.

Zabbuli 121:3

Musengwa Katonda oyo taja kukuganha kugwa, oyo n'omukuumi wo ataja kuwongera naire.

Zabbuli 121:5

Musengwa Katonda n'akulabirira, era akuli kumpi agho ng'akukuuma.

Zabbuli 121:8

Musengwa Katonda aja kukukuumanga ng'ofuluma era akukuumenga ng'oingira, okuva buti n'okweyongerayo ebyanda n'ebyanda.

Zabbuli 145:20

Musengwa Katonda akuuma obulamu bw'abo abamugonza, aye abakozi b'ebibi boonaboona aidha kubazikiriza.

Zabbuli 31:17

Wo Musengwa Katonda, otandeka ni nswala, kuba niiwe ye nsaba. Abakozi b'ebibi baswaze, baje e magombe nga basiriikiriire.

Zabbuli 37:28

Kuba Musengwa Katonda ayenda inho ekituufu kikolebwe, era taja kulekulira agho abo abamutya. Taja kuganha kibi kutuuka ku bantu batuufu ebyanda n'ebyanda aye eizaire ly'ababi lija kuwaagho.

Zabbuli 94:18

Bwe nayana nti: “Ndi kutyerera,” iwe Musengwa Katonda wangemerera olw'okuba ongonza obutalekera.

Zabbuli 97:10

Musengwa Katonda agonza abo abakyagha ebibi; yaakuuma abantu be abamutya; era yaabatoola mu buyinza obw'ababi, yaabawonia.

Ensambo 16:9

Omuntu asobola okutegeka by'anaakola, aye Musengwa Katonda n'abituukiriza.

Ensambo 2:8

Akubiriza abantu be okusalanga mu obutuufu, era yaalabirira abo abamutya.

Ensambo 3:26

Musengwa Katonda aidha kukugumyanga, era aidha kukukuumanga olobe kugwa mu mitego.

Omulangirizi 5:17

Yaamala enaku dhe dhoonadhoona ng'aliira mu nzikiiza, ng'ali mu bulumi, ni mu bweraliikirivu, era nga munakughavu.

Omulangirizi 9:11

Kabiri neetegereza eby'oku nsi, naabona nti omuntu omulumusi einho ti n'aghangula embiro edh'okusinganwa, ow'amaani ti n'aghangula olutalo, omugezi ti n'afuna eky'okulya, omutegeevu ti n'aba omukombe, n'omukugu ti n'afuna emirimo egya ghaigulu. Boonaboona bibagwaku bugwe

Isaia 27:3

Nze mwene ndirabirira, naalifukirira amaadhi buli kaseera. Era ndikuuma omusana n'obwire ghalobe kubaagho ekirituukaku okulyonoona.

Isaia 47:5

Musengwa Katonda oyo akoba Babiloni ati: “Tyama osirike, weewumbe mu nzikiiza, kuba tibaliirayo kabiri kukweta inhebantu wa maghanga.

Yeremia 8:14

Agho abantu ba Musengwa Katonda baakoba bati: “Lwaki tutyaime bwa ghano? Mukole twesoloze, tuje mu bibuga ebyezungulwirwa ebimante ebigumu tufiire eyo. Musengwa Katonda waife atughaireyo tufe. Atughaire amaadhi agalimu eirogo tunhwe, olw'okuba twakola ebibi twamusungughaza.

Yeremia 9:23

Musengwa Katonda akoba ati: “Abagezi balobe kwesuuta lwa magezi gaibwe, n'ab'amaani bateesuuta lwa maani gaibwe, waire abakombe okwesuuta olw'obukombe bwaibwe.

Nahumu 1:8

Aye abazigu be abazikiriza n'omwidhuzo ogw'amaadhi ag'amaani. Abo abamutakania abasindika mu nzikiiza ey'omu magombe.

Zefania 1:15

Olunaku olwo luja kuba lwa busungu, lwa bizibu, lwa kuzikirira era lwa bulumi. Luja kuba lunaku lwa kuzikirira na kusaanagho. Luja kuba lunaku lwa kivumbi era lwa kazigizigi, olwidhwire ebire n'enzikiiza agemye bedimudimu.

Zekaria 4:6

Agho malaika oyo yankoba okutwalira Zerubbabeli obukwenda bwa Musengwa Katonda obukoba buti: “Olighangula ti lwa kuba wa maani, waire okuba ow'obuyinza, aye lwa Musengwa Katonda Afuga Amagye okukugha omwoyo gwe.

Okubala 6:24

“Musengwa Katonda akughenga enkabi era akukuumenga;

Matayo 8:12

aye abaana ab'omu Bwakyabazinga balibingirwa ku luya mu kizikiiza, omuliba okugegenga n'okuluma emba olw'obulumi obubitirivu.”

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

Amateeka Agokubiri 33:3

Bwenebwene agonza abantu be, era yaakuuma abo be yalondamu. Batyama gha bigere bye okuwulira ebibono bye.

1 Petero 1:5

Era olw'okwikiriza kwaimwe, Katonda abakuuma n'amaani ge era alibalokola ku nkomerero nga bwe yategeka.

2 Petero 2:17

Abantu abo bali ng'oti n'ensulo edhaakala eira, era ng'oti n'ebire ebitwalibwa kiwunga. Katonda abategekeire enzikiiza eri bedimudimu.

Yuda 1:1

Ninze Yuda omugheereza wa Yesu Kurisito era muganda wa Yakobo. Mpandiikira abo abaayetebwa abagonzi ba Katonda Lata, era abakuumibwa Yesu Kurisito.

Yuda 1:13

Bali ng'oti n'okwefuukuula kw'enhandha, ate ebikolwa byaibwe ebiswaza byaba ng'oti n'eiwovu erifuukeera ku maadhi agali kwefuukuula. Bali ng'oti muunienie edhimala gaja eyo dhityo, era Katonda yabategekera okuba mu nzikiiza ebyanda n'ebyanda.

Yuda 1:3

Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala.

1 Samueli 25:26

Agho ni, musengwa wange, Musengwa Katonda n'akulobeire okwiza omusango ogw'okwita n'ogw'okwesasuuliza ku bazigu bo. Kale ni nga Musengwa Katonda bw'ali omulamu era nga weena bw'oli omulamu, abazigu bo n'abo abenda okukukolaku akabi, ka babonerezebwe ng'oti ni Nabali.